헬라어 문장 검색 - ΠολψβίΗιστορί12́026́

(폴리비오스, Histories, book 12, chapter 18)

πῶσ δὲ προέταξε τούτουσ πρὸ τῆσ φάλαγγοσ, τοῦ ποταμοῦ ῥέοντοσ παρ’ αὐτὴν τὴν στρατοπεδείαν, δυσχερὲσ κατανοῆσαι, καὶ ταῦτα τῷ πλήθει τοσούτων ὑπαρχόντων. τρισμύριοι μὲν γὰρ ἱππεῖσ ὑπῆρχον, ὡσ αὐτὸσ ὁ Καλλισθένησ φησί, τρισμύριοι δὲ μισθοφόροι·

πόσου δ’ εἶχον οὗτοι τόπου χρείαν, εὐχερὲσ καταμαθεῖν. πλεῖστον μὲν γὰρ ἱππέων τάττεται βάθοσ ἐπ’ ὀκτὼ πρὸσ ἀληθινὴν χρείαν, καὶ μεταξὺ τῶν ἰλῶν ἑκάστησ ἴσον ὑπάρχειν δεῖ διάστημα τοῖσ μετώποισ πρὸσ τὸ ταῖσ ἐπιστροφαῖσ δύνασθαι καὶ τοῖσ περισπασμοῖσ εὐχρηστεῖν.

ἐξ ὧν τὸ στάδιον ὀκτακοσίουσ λαμβάνει, τὰ δὲ δέκα τοὺσ ὀκτακισχιλίουσ, τὰ δὲ τέτταρα τρισχιλίουσ διακοσίουσ, ὥστ’ ἀπὸ τῶν μυρίων χιλίων διακοσίων πεπληρῶσθαι τὸν τῶν τετταρεσκαίδεκα σταδίων τόπον.

ἐὰν δὲ πάντασ ἐκτάττῃ τοὺσ τρισμυρίουσ, βραχὺ λείπει τοῦ τριφαλαγγίαν ἐπάλληλον εἶναι τῶν ἱππέων αὐτῶν.

εἰσ ποῖον οὖν τόπον ἐτάττετο τὸ τῶν μισθοφόρων πλῆθοσ;

εἰ μὴ νὴ Δία κατόπιν τῶν ἱππέων. ἀλλ’ οὔ φησιν, ἀλλὰ συμπεπτωκέναι τούτουσ τοῖσ Μακεδόσι κατὰ τὴν ἐπαγωγήν. ἐξ ὧν ἀνάγκη ποιεῖσθαι τὴν ἐκδοχὴν διότι τὸ μὲν ἥμισυ τοῦ τόπου τὸ παρὰ θάλατταν ἡ τῶν ἱππέων ἐπεῖχε τάξισ, τὸ δ’ ἥμισυ τὸ πρὸσ τοῖσ ὄρεσιν ἡ τῶν μισθοφόρων.

ἐκ δὲ τούτων εὐσυλλόγιστον πόσον ὑπῆρχε τὸ βάθοσ τῶν ἱππέων καὶ ποῖον ἔδει τόπον ἀπέχειν τὸν ποταμὸν ἀπὸ τῆσ στρατοπεδείασ.

μετὰ δὲ ταῦτα συνεγγιζόντων τῶν πολεμίων φησὶ τὸν Δαρεῖον αὐτόν, κατὰ μέσην ὑπάρχοντα τὴν τάξιν, καλεῖν τοὺσ μισθοφόρουσ ἀπὸ τοῦ κέρατοσ πρὸσ αὑτόν.

πῶσ δὲ λέγεται τοῦτο, διαπορεῖν ἔστι·

τῶν γὰρ μισθοφόρων ἀνάγκη καὶ τῶν ἱππέων τὴν συναφὴν κατὰ μέσον ὑπάρχειν τὸν τόπον, ὥστ’ ἐν αὐτοῖσ ὢν τοῖσ μισθοφόροισ ὁ Δαρεῖοσ ποῦ καὶ πρὸσ τί καὶ πῶσ ἐκάλει τοὺσ μισθοφόρουσ; τὸ δὲ τελευταῖόν φησι τοὺσ ἀπὸ τοῦ δεξιοῦ κέρατοσ ἱππεῖσ ἐπαγαγόντασ ἐμβαλεῖν τοῖσ περὶ τὸν Ἀλέξανδρον, τοὺσ δὲ γενναίωσ δεξαμένουσ ἀντεπάγειν καὶ ποιεῖν μάχην ἰσχυράν.

ὅτι δὲ ποταμὸσ ἦν ἐν μέσῳ, καὶ ποταμὸσ οἱο͂ν ἀρτίωσ εἶπεν, ἐπελάθετο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 12, chapter 18

(폴리비오스, Histories, book 12, chapter 18)

상위

목록

SEARCH

MENU NAVIGATION