헬라어 문장 검색 - ΠολψβίΗιστορί12́016́

(폴리비오스, Histories, book 12, chapter 10)

Πρῶτον δὴ διαπορήσαι τισ ἂν πρὸσ τίνασ τῶν Λοκρῶν παραγενόμενοσ ἐπυνθάνετο περὶ τούτων. καθάπερ τοὺσ ἐν Ἰταλίᾳ Λοκρούσ, οὕτω καὶ τοὺσ κατὰ τὴν Ἑλλάδα μίαν πόλιν ἔχειν, τάχ’ ἂν οὐκ ἔδει διαπορεῖν, ἀλλ’ ἦν ἂν εὐθεώρητον·

ἐπεὶ δὲ δύ’ ἔθνη Λοκρῶν ἐστι, πρὸσ ποτέρουσ ἦλθε καὶ πρὸσ ποίασ πόλεισ τῶν ἑτέρων, καὶ παρὰ τίσιν εὑρ͂ε τὰσ συνθήκασ ἀναγεγραμμένασ;

οὐδὲν γὰρ ἡμῖν διασαφεῖται τούτων. καίτοι διότι τοῦτ’ ἴδιόν ἐστι Τιμαίου καὶ ταύτῃ παρημίλληται τοὺσ ἄλλουσ συγγραφέασ καὶ καθόλου τῇδέ πῃ τῆσ ἀποδοχῆσ ‐ λέγω δὲ κατὰ τὴν ἐν τοῖσ χρόνοισ καὶ ταῖσ ἀναγραφαῖσ ἐπίφασιν τῆσ ἀκριβείασ καὶ τὴν περὶ τοῦτο τὸ μέροσ ἐπιμέλειαν ‐ δοκῶ, πάντεσ γινώσκομεν.

διὸ καὶ θαυμάζειν ἐστὶν ἄξιον πῶσ οὔτε τὸ τῆσ πόλεωσ ὄνομα, παρ’ οἷσ εὑρ͂εν, οὔτε τὸν τόπον, ἐν ᾧ συμβαίνει τὴν συνθήκην ἀναγεγράφθαι, διεσάφησεν ἡμῖν, οὔτε τοὺσ ἄρχοντασ τοὺσ δείξαντασ αὐτῷ τὴν ἀναγραφὴν καὶ πρὸσ οὓσ ἐποιεῖτο τὸν λόγον, ἵνα μηδενὶ διαπορεῖν ἐξῇ μηδέν, ἀλλ’ ὡρισμένου τοῦ τόπου καὶ τῆσ πόλεωσ ἐνῇ τοῖσ ἀμφισβητοῦσιν εὑρεῖν τὴν ἀκρίβειαν.

ὁ δὲ πάντα ταῦτα παραλελοιπὼσ δῆλόσ ἐστι συνειδὼσ αὑτῷ κατὰ πρόθεσιν ἐψευσμένῳ.

διότι γὰρ τῶν τοιούτων ἐπιλαβόμενοσ οὐδὲν ἂν παρέλειπε Τίμαιοσ, ἀλλ’ ἀπρίξ, τὸ δὴ λεγόμενον, ἀμφοῖν τοῖν χεροῖν ἐπέφυ, προφανὲσ ἐκ τούτων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Polybius, Histories, book 12, chapter 10

(폴리비오스, Histories, book 12, chapter 10)

상위

목록

SEARCH

MENU NAVIGATION