헬라어 문장 검색 - ΠολψβίΗιστορί12́013́

(폴리비오스, Histories, book 12, chapter 7)

Ὅτι πολλὰ ἱστορεῖ ψευδῆ ὁ Τίμαιοσ, καὶ δοκεῖ τὸ παράπαν οὐκ ἄπειροσ ὢν οὐδενὸσ τῶν τοιούτων, ὑπὸ δὲ τῆσ φιλονεικίασ ἐπισκοτούμενοσ, ὅταν ἅπαξ ἢ ψέγειν ἢ τοὐναντίον ἐγκωμιάζειν τινὰ πρόθηται, πάντων ἐπιλανθάνεται καὶ πολύ τι τοῦ καθήκοντοσ παρεκβαίνει. πλὴν ταῦτα μὲν ἡμῖν ὑπὲρ Ἀριστοτέλουσ εἰρήσθω πῶσ καὶ τίσι προσέχων τοιαύτην ἐποιήσατο τὴν περὶ τῶν Λοκρῶν ἐξήγησιν·

τὰ δὲ λέγεσθαι μέλλοντα περὶ Τιμαίου καὶ τῆσ ὅλησ συντάξεωσ αὐτοῦ καὶ καθόλου περὶ τοῦ καθήκοντοσ τοῖσ πραγματευομένοισ ἱστορίαν τοιάνδε τινὰ λήψεται τὴν ἀπάντησιν.

ὅτι μὲν οὖν ἀμφότεροι κατὰ τὸν εἰκότα λόγον πεποίηνται τὴν ἐπιχείρησιν, καὶ διότι πλείουσ εἰσὶ πιθανότητεσ ἐν τῇ κατ’ Ἀριστοτέλην ἱστορίᾳ, δοκῶ, πᾶσ ἄν τισ ἐκ τῶν εἰρημένων ὁμολογήσειεν·

ἀληθὲσ μέντοι γε καὶ καθάπαξ διαστεῖλαι περί τινοσ οὐδὲν ἔστιν ἐν τούτοισ. οὐ μὴν ἀλλ’ ἔστω τὸν Τίμαιον εἰκότα λέγειν μᾶλλον.

διὰ ταύτην οὖν τὴν αἰτίαν δεήσει πᾶν ῥῆμα καὶ πᾶσαν φωνὴν ἀκούειν καὶ μόνον οὐ θανάτου κρίσιν ὑπέχειν τοὺσ ἐν ταῖσ ἱστορίαισ ἧττον εἰκότα λέγοντασ; οὐ δήπου. τοῖσ μὲν γὰρ κατ’ ἄγνοιαν ψευδογραφοῦσιν ἔφαμεν δεῖν διόρθωσιν εὐμενικὴν καὶ συγγνώμην ἐξακολουθεῖν, τοῖσ δὲ κατὰ προαίρεσιν ἀπαραίτητον κατηγορίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Polybius, Histories, book 12, chapter 7

(폴리비오스, Histories, book 12, chapter 7)

상위

목록

SEARCH

MENU NAVIGATION