헬라어 문장 검색 - ΠολψβίΗιστορί12́009́

(폴리비오스, Histories, book 12, iv. de timaei erroribus commissis de rebus locrensium)

Ἐμοὶ δὴ συμβαίνει καὶ παραβεβληκέναι πλεονάκισ εἰσ τὴν τῶν Λοκρῶν πόλιν καὶ παρεσχῆσθαι χρείασ αὐτοῖσ ἀναγκαίασ· καὶ γὰρ τῆσ εἰσ Ἰβηρίαν στρατείασ αὐτοὺσ παραλυθῆναι συνέβη δι’ ἐμὲ καὶ τῆσ εἰσ Δαλματεῖσ, ἣν ὤφειλον κατὰ θάλατταν ἐκπέμπειν Ῥωμαίοισ κατὰ τὰσ συνθήκασ.

ἐξ ὧν καὶ κακοπαθείασ καὶ κινδύνου καὶ δαπάνησ ἱκανῆσ τινοσ ἀπολυθέντεσ πᾶσιν ἡμᾶσ ἠμείψαντο τοῖσ τιμίοισ καὶ φιλανθρώποισ·

διόπερ ὀφείλω μᾶλλον εὐλογεῖν Λοκροὺσ ἢ τοὐναντίον. ἀλλ’ ὅμωσ οὐκ ὤκνησα καὶ λέγειν καὶ γράφειν ὅτι τὴν ὑπ’ Ἀριστοτέλουσ παραδιδομένην ἱστορίαν περὶ τῆσ ἀποικίασ ἀληθινωτέραν εἶναι συμβαίνει τῆσ ὑπὸ Τιμαίου λεγομένησ.

σύνοιδα γὰρ τοῖσ ἀνθρώποισ ὁμολογοῦσιν ὅτι παραδόσιμοσ αὐτοῖσ ἐστιν αὕτη περὶ τῆσ ἀποικίασ ἡ φήμη παρὰ πατέρων, ἣν Ἀριστοτέλησ εἴρηκεν, οὐ Τίμαιοσ.

καὶ τούτων γε τοιαύτασ ἔφερον ἀποδείξεισ. πρῶτον μὲν ὅτι πάντα τὰ διὰ προγόνων ἔνδοξα παρ’ αὐτοῖσ ἀπὸ τῶν γυναικῶν, οὐκ ἀπὸ τῶν ἀνδρῶν ἐστιν, οἱο͂ν εὐθέωσ εὐγενεῖσ παρὰ σφίσι νομίζεσθαι τοὺσ ἀπὸ τῶν ἑκατὸν οἰκιῶν λεγομένουσ·

ταύτασ δ’ εἶναι τὰσ ἑκατὸν οἰκίασ τὰσ προκριθείσασ ὑπὸ τῶν Λοκρῶν πρὶν ἢ τὴν ἀποικίαν ἐξελθεῖν, ἐξ ὧν ἔμελλον οἱ Λοκροὶ κατὰ τὸν χρησμὸν κληροῦν τὰσ ἀποσταλησομένασ παρθένουσ εἰσ Ἴλιον.

τούτων δή τινασ τῶν γυναικῶν συνεξᾶραι μετὰ τῆσ ἀποικίασ, ὧν τοὺσ ἀπογόνουσ ἔτι νῦν εὐγενεῖσ νομίζεσθαι καὶ καλεῖσθαι τοὺσ ἀπὸ τῶν ἑκατὸν οἰκιῶν.

αὐτὸ δὲ τοῦτο διορθώσαιντο, τὸ μὴ παῖδα ποιεῖν ἐξ αὑτῶν τὸν φιαληφόρον, ἀλλὰ παρθένον, διὰ τὴν ἀπὸ τῶν γυναικῶν εὐγένειαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 12, iv. de timaei erroribus commissis de rebus locrensium

(폴리비오스, Histories, book 12, iv. de timaei erroribus commissis de rebus locrensium)

상위

목록

SEARCH

MENU NAVIGATION