헬라어 문장 검색 - ΠολψβίΗιστορί12́003́

(폴리비오스, Histories, book 12, ii. timaei de africa et corsica errores)

τὸν δὲ Τίμαιον εἴποι τισ ἂν οὐ μόνον ἀνιστόρητον γεγονέναι περὶ τῶν κατὰ τὴν Λιβύην, ἀλλὰ καὶ παιδαριώδη καὶ τελέωσ ἀσυλλόγιστον καὶ ταῖσ ἀρχαίαισ φήμαισ ἀκμὴν ἐνδεδεμένον, ἃσ παρειλήφαμεν, ὡσ ἀμμώδουσ πάσησ καὶ ξηρᾶσ καὶ ἀκάρπου καθυπαρχούσησ τῆσ Λιβύησ. ὁ δ’ αὐτὸσ λόγοσ καὶ περὶ τῶν ζῴων.

διὰ τὸ πολλὰ τῶν κατὰ Λιβύην ἐθνῶν τοῖσ μὲν ἡμέροισ μὴ χρῆσθαι καρποῖσ, ἀπὸ δὲ τῶν θρεμμάτων καὶ σὺν τοῖσ θρέμμασιν ἔχειν τὸν βίον.

καὶ μὴν τὸ τῶν ἐλεφάντων καὶ λεόντων καὶ παρδάλεων πλῆθοσ καὶ τὴν ἀλκήν, ἔτι δὲ βουβάλων κάλλοσ καὶ στρουθῶν μεγέθη, τίσ οὐχ ἱστόρησεν;

ὧν κατὰ μὲν τὴν Εὐρώπην τὸ παράπαν οὐδέν ἐστιν, ἡ δὲ Λιβύη πλήρησ ἐστὶ τῶν προειρημένων. περὶ ὧν οὐδὲν ἱστορήσασ Τίμαιοσ ὥσπερ ἐπίτηδεσ τἀναντία τοῖσ κατ’ ἀλήθειαν ὑπάρχουσιν ἐξηγεῖται.

καθάπερ δὲ καὶ περὶ τῶν κατὰ Λιβύην ἀπεσχεδίακεν, οὕτωσ καὶ περὶ τῶν κατὰ τὴν νῆσον τὴν προσαγορευομένην Κύρνον.

καὶ γὰρ ὑπὲρ ἐκείνησ μνημονεύων ἐν τῇ δευτέρᾳ βύβλῳ φησὶν αἶγασ ἀγρίασ καὶ πρόβατα καὶ βοῦσ ἀγρίουσ ὑπάρχειν ἐν αὐτῇ πολλούσ, ἔτι δ’ ἐλάφουσ καὶ λαγὼσ καὶ λύκουσ καί τινα τῶν ἄλλων ζῴων, καὶ τοὺσ ἀνθρώπουσ περὶ ταῦτα διατρίβειν κυνηγετοῦντασ καὶ τὴν ὅλην τοῦ βίου διαγωγὴν ἐν τούτοισ ἔχειν.

κατὰ δὲ τὴν προειρημένην νῆσον οὐχ οἱο͂ν αἲξ ἄγριοσ ἢ βοῦσ, ἀλλ’ οὐδὲ λαγὼσ οὐδὲ λύκοσ οὐδ’ ἔλαφοσ οὐδ’ ἄλλο τῶν τοιούτων ζῴων οὐδέν ἐστι, πλὴν ἀλωπέκων καὶ κυνίκλων καὶ προβάτων ἀγρίων.

ὁ δὲ κύνικλοσ πόρρωθεν μὲν ὁρώμενοσ εἶναι δοκεῖ λαγὼσ μικρόσ, ὅταν δ’ εἰσ τὰσ χεῖρασ λάβῃ τισ, μεγάλην ἔχει διαφορὰν καὶ κατὰ τὴν ἐπιφάνειαν καὶ κατὰ τὴν βρῶσιν·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 12, ii. timaei de africa et corsica errores

(폴리비오스, Histories, book 12, ii. timaei de africa et corsica errores)

상위

목록

SEARCH

MENU NAVIGATION