헬라어 문장 검색 - ΠολψβίΗιστορί11́003́

(폴리비오스, Histories, book 11, chapter 2)

Ἀσδρούβασ δὲ καὶ τὸν πρὸ τούτου χρόνον καὶ κατὰ τὸν ἔσχατον καιρὸν ἀνὴρ ἀγαθὸσ γενόμενοσ, ἐν χειρῶν νόμῳ κατέστρεψε τὸν βίον· ὃν οὐκ ἄξιον ἀνεπισήμαντον παραλιπεῖν. ὅτι μὲν ἀδελφὸσ ἦν Ἀννίβου κατὰ φύσιν, καὶ διότι χωριζόμενοσ εἰσ τὴν Ἰταλίαν τούτῳ τὰσ κατὰ τὴν Ἰβηρίαν πράξεισ ἐνεχείρισε, ταῦτα μὲν ἐν τοῖσ πρὸ τούτων ἡμῖν δεδήλωται .

παραπλησίωσ δὲ καὶ διότι πολλοῖσ μὲν χρησάμενοσ ἀγῶσι πρὸσ Ῥωμαίουσ, πολλαῖσ δὲ καὶ ποικίλαισ περιστάσεσι παλαίσασ διὰ τὸ τοὺσ ἐπαποστελλομένουσ ἐκ Καρχηδόνοσ εἰσ Ἰβηρίαν στρατηγούσ, ἐν πᾶσι τοῖσ εἰρημένοισ καιροῖσ ἀξίωσ μὲν τοῦ πατρὸσ Βάρκα, καλῶσ δὲ καὶ γενναίωσ τὰσ περιπετείασ καὶ τὰσ ἐλαττώσεισ διετέλει φέρων, καὶ ταῦτα διὰ τῶν πρὸ τοῦ συντάξεων δεδηλώκαμεν. καθὸ μάλιστα πέφηνεν ἡμῖν ἄξιοσ ἐπιστάσεωσ εἶναι καὶ ζήλου.

τοὺσ γὰρ πλείστουσ ἰδεῖν ἔστι τῶν στρατηγῶν καὶ τῶν βασιλέων, ἐπειδὰν συνιστῶνται τοὺσ ὑπὲρ τῶν ὅλων ἀγῶνασ, τὰ μὲν ἐκ τῶν κατορθωμάτων ἔνδοξα καὶ λυσιτελῆ συνεχῶσ λαμβάνοντασ ὑπὸ τὴν ὄψιν, καὶ πολλάκισ ἐφιστάνοντασ καὶ διαλογιζομένουσ πῶσ ἑκάστοισ χρήσονται, κατὰ λόγον σφίσι χωρησάντων τῶν πραγμάτων, τὰ δ’ ἐκ τῶν ἀποπτωμάτων οὐκέτι πρὸ ὀφθαλμῶν τιθεμένουσ, οὐδ’ ἐν νῷ λαμβάνοντασ πῇ καὶ τί πρακτέον ἑκάστοισ ἐστὶ κατὰ τὰσ περιπετείασ.

καίτοι τὸ μὲν ἕτοιμόν ἐστι, τὸ δὲ πολλῆσ δεῖται προνοίασ.

τοιγαροῦν οἱ πλεῖστοι διὰ τὴν αὑτῶν ἀγεννίαν καὶ τὴν ἐν τούτοισ ἀβουλίαν αἰσχρὰσ μὲν ἐποίησαν τὰσ ἥττασ, εὐγενῶσ πολλάκισ ἠγωνισμένων τῶν στρατιωτῶν, κατῄσχυναν δὲ τὰσ πρὸ τούτου πράξεισ, ἐπονείδιστον δὲ σφίσι τὸν καταλειπόμενον ἐποίησαν βίον.

διότι δὲ πολλοὶ τῶν ἡγουμένων περὶ τοῦτο τὸ μέροσ σφάλλονται, καὶ διότι μεγίστην ἐν τούτοισ ἔχει διαφορὰν ἀνὴρ ἀνδρόσ, εὐχερὲσ τῷ βουλομένῳ καταμαθεῖν·

πολλὰ γὰρ ὑποδείγματα τῶν τοιούτων πεποίηκεν ὁ προγεγονὼσ χρόνοσ. Ἀσδρούβασ δ’, ἑώσ μὲν ἦν ἐλπὶσ ἐκ τῶν κατὰ λόγον τοῦ δύνασθαι πράττειν ἄξιόν τι τῶν προβεβιωμένων, οὐδενὸσ μᾶλλον προενοεῖτο κατὰ τοὺσ κινδύνουσ ὡσ τῆσ αὑτοῦ σωτηρίασ·

ἐπεὶ δὲ πάσασ ἀφελομένη τὰσ εἰσ τὸ μέλλον ἐλπίδασ ἡ τύχη συνέκλεισε πρὸσ τὸν ἔσχατον καιρόν, οὐδὲν παραλιπὼν οὔτε περὶ τὴν παρασκευὴν οὔτε κατὰ τὸν κίνδυνον πρὸσ τὸ νικᾶν, οὐχ ἧττον πρόνοιαν εἶχε καὶ τοῦ σφαλεὶσ τοῖσ ὅλοισ ὁμόσε χωρῆσαι τοῖσ παροῦσι καὶ μηδὲν ὑπομεῖναι τῶν προβεβιωμένων ἀνάξιον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 11, chapter 2

(폴리비오스, Histories, book 11, chapter 2)

상위

목록

SEARCH

MENU NAVIGATION