헬라어 문장 검색 - ΠολψβίΗιστορί10́045́

(폴리비오스, Histories, book 10, chapter 45)

Ταῦτα δὲ βραχὺ μέν τι τῆσ διὰ τῶν συνθημάτων πυρσείασ ἐξήλλαχεν, ἀκμὴν δ’ ἐστὶν ἀόριστα. δῆλον γὰρ [ἔσται] ὡσ οὔτε προϊδέσθαι τὰ μέλλοντα πάντα δυνατὸν οὔτε προϊδόμενον εἰσ τὴν βακτηρίαν γράψαι·

λοιπὸν ὁπόταν ἐκ τῶν καιρῶν ἀνυπονόητά τινα συμβαίνῃ, φανερὸν ὡσ οὐ δύναται δηλοῦσθαι κατὰ ταύτην τὴν ἐπίνοιαν. καὶ μὴν οὐδ’ αὐτῶν τῶν ἐν τῇ βακτηρίᾳ γεγραμμένων οὐδέν ἐστιν ὡρισμένον.

πόσοι γὰρ ἥκουσιν ἱππεῖσ ἢ πόσοι πεζοὶ καὶ ποῦ τῆσ χώρασ καὶ πόσαι νῆεσ καὶ πόσοσ σῖτοσ, οὐχ οἱο͂́ν τε διασαφῆσαι· περὶ γὰρ ὧν ἀδύνατον γνῶναι πρὶν ἢ γενέσθαι, περὶ τούτων οὐδὲ συνθέσθαι πρὸ τοῦ δυνατόν.

τὸ δὲ συνέχον ἐστὶ τοῦτο·

πῶσ γὰρ ἄν τισ βουλεύσαιτο περὶ τοῦ βοηθεῖν μὴ γινώσκων πόσοι πάρεισι τῶν πολεμίων ἢ ποῦ; πῶσ δὲ θαρρήσαι πάλιν ἢ τοὐναντίον ἢ καθόλου διανοηθείη τι μὴ συνεὶσ πόσαι νῆεσ ἢ πόσοσ σῖτοσ ἥκει παρὰ τῶν συμμάχων; Ὁ δὲ τελευταῖοσ τρόποσ, ἐπινοηθεὶσ διὰ Κλεοξένου καὶ Δημοκλείτου, τυχὼν δὲ τῆσ ἐξεργασίασ δι’ ἡμῶν, πάντη πάντωσ μέν ἐστιν ὡρισμένοσ καὶ πᾶν τὸ κατεπεῖγον δυνάμενοσ ἀκριβῶσ διασαφεῖν, κατὰ δὲ τὸν χειρισμὸν ἐπιμελείασ δεῖ καὶ παρατηρήσεωσ ἀκριβεστέρασ.

ἔστι δὲ τοιοῦτοσ.

τὸ τῶν στοιχείων πλῆθοσ ἑξῆσ δεῖ λαμβάνοντασ διελεῖν εἰσ πέντε μέρη κατὰ πέντε γράμματα. λείψει δὲ τὸ τελευταῖον ἑνὶ στοιχείῳ· τοῦτο δ’ οὐ βλάπτει πρὸσ τὴν χρείαν. κἄπειτα συνθέσθαι πρὸσ αὑτοὺσ διότι τοὺσ μὲν πρώτουσ ἀρεῖ πυρσοὺσ ὁ μέλλων σημαίνειν ἅμα καὶ δύο καὶ μενεῖ μέχρισ ἂν ὁ ἕτεροσ ἀνταίρῃ.

τοῦτο δ’ ἔσται χάριν τοῦ διὰ ταύτησ τῆσ πυρσείασ ἑαυτοῖσ ἀνθομολογήσασθαι διότι προσέχουσι.

καθαιρεθέντων δὲ τούτων λοιπὸν ὁ σημαίνων ἀρεῖ μὲν τοὺσ πρώτουσ ἐκ τῶν εὐωνύμων, διασαφῶν τὸ πλατεῖον ποῖον δεήσει σκοπεῖν, οἱο͂ν ἐὰν μὲν τὸ πρῶτον, ἕν’, ἂν δὲ τὸ δεύτερον, δύο, καὶ κατὰ λόγον οὕτω·

τοὺσ δὲ δευτέρουσ ἐκ τῶν δεξιῶν κατὰ τὸν αὐτὸν λόγον, ποῖον δεήσει γράμμα τῶν ἐκ τοῦ πλατείου γράφειν αὖ τὸν ἀποδεχόμενον τὴν πυρσείαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 10, chapter 45

(폴리비오스, Histories, book 10, chapter 45)

상위

목록

SEARCH

MENU NAVIGATION