헬라어 문장 검색 - ΠολψβίΗιστορί10́011́

(폴리비오스, Histories, book 10, chapter 11)

Τοιαύτησ δ’ ὑπαρχούσησ τῆσ διαθέσεωσ τῶν τόπων, ἀσφαλίζεσθαι συνέβαινε τοῖσ Ῥωμαίοισ τὴν στρατοπεδείαν κατὰ τὴν ἐντὸσ ἐπιφάνειαν ἀκατασκεύωσ ὑπό τε τῆσ λίμνησ καὶ τῆσ ἐπὶ θάτερα θαλάττησ. εἴτε καὶ καταπλήξεωσ χάριν εἴτε καὶ πρὸσ τὴν ἐπιβολὴν ἁρμοζόμενοσ, ὅπωσ ἀνεμποδίστουσ ἔχῃ καὶ τὰσ ἐξαγωγὰσ καὶ τὰσ ἀναχωρήσεισ εἰσ τὴν παρεμβολήν.

ὁ δὲ περίβολοσ τῆσ πόλεωσ οὐ πλεῖον εἴκοσι σταδίων ὑπῆρχε τὸ πρότερον ‐ καίτοι γ’ οὐκ ἀγνοῶ διότι πολλοῖσ εἴρηται τετταράκοντα·

τὸ δ’ ἐστὶ ψεῦδοσ. οὐ γὰρ ἐξ ἀκοῆσ ἡμεῖσ, ἀλλ’ αὐτόπται γεγονότεσ μετ’ ἐπιστάσεωσ ἀποφαινόμεθα ‐ νῦν δὲ καὶ μᾶλλον ἔτι συνῄρηται. Πλὴν ὅ γε Πόπλιοσ, συνάψαντοσ καὶ τοῦ στόλου πρὸσ τὸν δέοντα καιρόν, ἐπεβάλετο συναθροίσασ τὰ πλήθη παρακαλεῖν, οὐχ ἑτέροισ τισὶ χρώμενοσ ἀπολογισμοῖσ, ἀλλ’ οἷσ ἐτύγχανε πεπεικὼσ αὑτόν, ὑπὲρ ὧν ἡμεῖσ τὸν κατὰ μέροσ ἄρτι πεποιήμεθα λόγον. καὶ συγκεφαλαιωσάμενοσ τὴν ἐκ τοῦ κατορθώματοσ ἐλάττωσιν τῶν ὑπεναντίων, αὔξησιν δὲ τῶν σφετέρων πραγμάτων, λοιπὸν χρυσοῦσ στεφάνουσ ἐπηγγείλατο τοῖσ πρώτοισ ἐπὶ τὸ τεῖχοσ ἀναβᾶσι καὶ τὰσ εἰθισμένασ δωρεὰσ τοῖσ ἐπιφανῶσ ἀνδραγαθήσασι·

τὸ δὲ τελευταῖον ἐξ ἀρχῆσ ἔφη τὴν ἐπιβολὴν αὐτῷ ταύτην ὑποδεδειχέναι τὸν Ποσειδῶνα παραστάντα κατὰ τὸν ὕπνον, καὶ φάναι συνεργήσειν ἐπιφανῶσ κατ’ αὐτὸν τὸν τῆσ πράξεωσ καιρὸν οὕτωσ ὥστε παντὶ τῷ στρατοπέδῳ τὴν ἐξ αὐτοῦ χρείαν ἐναργῆ γενέσθαι.

τῶν δὲ κατὰ τὴν παράκλησιν λόγων ἅμα μὲν ἀπολογισμοῖσ ἀκριβέσι μεμιγμένων, ἅμα δ’ ἐπαγγελίαισ χρυσῶν στεφάνων, ἐπὶ δὲ πᾶσι τούτοισ θεοῦ προνοίᾳ, τελέωσ μεγάλην ὁρμὴν καὶ προθυμίαν παρίστασθαι συνέβαινε τοῖσ νεανίσκοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 10, chapter 11

(폴리비오스, Histories, book 10, chapter 11)

상위

목록

SEARCH

MENU NAVIGATION