Polybius, Histories, book 10, chapter 37

(폴리비오스, Histories, book 10, chapter 37)

Ἀσδρούβασ μὲν οὖν ἐν τοιαύταισ περιστάσεσι πολλὰσ καὶ ποικίλασ ἐποιεῖτο περὶ τῶν ἐπιφερομένων πραγμάτων ἐννοίασ. ἐλύπει μὲν γὰρ αὐτὸν ἡ περὶ τὸν Ἀνδοβάλην ἀπόστασισ, ἐλύπει δὲ καὶ τὰ κατὰ τὴν ἀντιπαραγωγὴν καὶ τὴν ἀλλοτριότητα τὴν ὑπάρχουσαν αὐτῷ πρὸσ τοὺσ ἄλλουσ στρατηγούσ·

ἠγωνία δὲ καὶ τὴν Ποπλίου παρουσίαν. καὶ τὸ λοιπὸν ἤδη προσδοκῶν αὐτὸν ἥξειν μετὰ τῶν δυνάμεων, θεωρῶν δ’ αὑτὸν μὲν ἐγκαταλειπόμενον ὑπὸ τῶν Ἰβήρων, τοῖσ δὲ Ῥωμαίοισ πάντασ ὁμοθυμαδὸν προσχωροῦντασ, ἐπί τινασ λογισμοὺσ κατήντησε τοιούτουσ.

προέθετο γὰρ διότι δεῖ παρεσκευασμένον τὰ δυνατὰ συμβαλεῖν πρὸσ μάχην τοῖσ ὑπεναντίοισ, κἂν μὲν ἡ τύχη δῷ τὸ νικᾶν, βουλεύσασθαι μετὰ ταῦτα περὶ τῶν ἑξῆσ ἀσφαλῶσ·

ἂν δ’ ἀντιπίπτῃ τὰ κατὰ τὴν μάχην, ποιεῖσθαι τὴν ἀποχώρησιν μετὰ τῶν διασῳζομένων ἐξ αὐτῆσ εἰσ Γαλατίαν, κἀκεῖθεν παραλαβόντα τῶν βαρβάρων ὡσ πλείστουσ βοηθεῖν εἰσ τὴν Ἰταλίαν καὶ κοινωνεῖν Ἀννίβᾳ τἀδελφῷ τῶν αὐτῶν ἐλπίδων.

Ἀσδρούβασ μὲν δὴ ταῦτα διανοηθεὶσ πρὸσ τούτοισ ἦν·

Πόπλιοσ δὲ προσδεξάμενοσ Γάιον τὸν Λαίλιον καὶ διακούσασ τῶν παραγγελλομένων ὑπὸ τῆσ συγκλήτου, προῇγε τὰσ δυνάμεισ ἀναλαβὼν ἐκ τῆσ παραχειμασίασ, ἀπαντώντων αὐτῷ κατὰ τὴν δίοδον τῶν Ἰβήρων, ἑτοίμωσ καὶ προθύμωσ συνεξορμώντων. οἱ δὲ περὶ τὸν Ἀνδοβάλην πάλαι μὲν διεπέμποντο πρὸσ τὸν Πόπλιον, τότε δὲ πλησιάσαντοσ αὐτοῦ τοῖσ τόποισ ἧκον ὡσ αὐτὸν ἐκ τῆσ παρεμβολῆσ ἅμα τοῖσ φίλοισ, καὶ συμμίξαντεσ ἀπελογίσαντο περὶ τῆσ προγεγενημένησ σφίσι φιλίασ πρὸσ Καρχηδονίουσ, ὁμοίωσ δὲ καὶ τὰσ χρείασ καὶ τὴν ὅλην πίστιν ἐνεφάνιζον, ἣν ἐτύγχανον ἐκείνοισ παρεσχημένοι.

μετὰ δὲ ταῦτα τὰσ ἀδικίασ ἐξηγοῦντο καὶ τὰσ ὕβρεισ τὰσ ἐξ ἐκείνων ἀπηντημένασ.

διόπερ ἠξίουν τὸν Πόπλιον αὐτὸν κριτὴν γίνεσθαι τῶν λεγομένων, κἂν μὲν φανῶσιν ἀδίκωσ ἐγκαλοῦντεσ Καρχηδονίοισ, σαφῶσ γινώσκειν αὐτὸν ὡσ οὐδὲ τὴν πρὸσ Ῥωμαίουσ δύνανται τηρεῖν πίστιν·

ἐὰν δὲ πολλὰσ ἀδικίασ ἀναλογιζόμενοι κατ’ ἀνάγκην ἀφιστῶνται τῆσ εὐνοίασ τῆσ ἐκείνων, καλὰσ ἐλπίδασ ἔχειν διότι νῦν ἑλόμενοι τὰ Ῥωμαίων βεβαίωσ τηρήσουσι τὴν πρὸσ αὐτοὺσ εὔνοιαν.

일치하는 문장이 없습니다.

SEARCH

MENU NAVIGATION