헬라어 문장 검색 - ΠολψβίΗιστορί10́047́

(폴리비오스, Histories, book 10, chapter 47)

πολλοὶ δὲ γίνονθ’ οἱ πυρσοὶ διὰ τὸ δεῖν ὑπὲρ ἑκάστου γράμματοσ διττὰσ ποιεῖσθαι τὰσ πυρσείασ. οὐ μὴν ἀλλ’ ἐάν τισ εὐτρεπῆ ποιήσῃ τὰ πρὸσ τὸ πρᾶγμα, δύναται γίνεσθαι τὸ δέον.

καθ’ ἑκατέραν δὲ τὴν ἐπίνοιαν προμελετᾶν δεῖ τοὺσ χειρίζοντασ, ἵνα τῆσ χρείασ γινομένησ ἀδιαπτώτωσ δύνωνται διασαφεῖν ἀλλήλοισ.

πηλίκην δὲ συμβαίνει φαίνεσθαι τὴν διαφορὰν ἐπὶ τῶν αὐτῶν πραγμάτων πρῶτον λεγομένων καὶ πάλιν κατὰ συνήθειαν γινομένων, ἐκ πολλῶν εὐχερὲσ τῷ βουλομένῳ καταμαθεῖν.

πολλὰ γὰρ οὐ μόνον τῶν δυσχερῶν, ἀλλὰ καὶ τῶν ἀδυνάτων εἶναι δοκούντων κατὰ τὰσ ἀρχάσ, μετὰ ταῦτα χρόνου καὶ συνηθείασ τυχόντα ῥᾷστα πάντων ἐπιτελεῖται.

τοῦ δὲ τοιούτου λόγου παραδείγματα μὲν πολλὰ καὶ ἕτερα πρὸσ πίστιν, ἐναργέστατον δὲ τὸ γινόμενον ἐπὶ τῆσ ἀναγνώσεωσ.

δῆλον ὡσ οὐκ ἂν δύναιτο πιστεῦσαι διότι δεῖ πρῶτον ἐπὶ τὰσ ὄψεισ τὰσ ἑνὸσ ἑκάστου τῶν γραμμάτων ἐπιστῆσαι τὸν ἀναγινώσκοντα, δεύτερον ἐπὶ τὰσ δυνάμεισ, τρίτον ἐπὶ τὰσ πρὸσ ἄλληλα συμπλοκάσ, ὧν ἕκαστον ποσοῦ χρόνου τινὸσ δεῖται.

διόπερ ὅταν ἀνεπιστάτωσ θεωρῇ τὸ παιδάριον ὑπὸ τὴν ἀναπνοὴν ἑπτὰ καὶ πέντε στίχουσ συνεῖρον, οὐκ ἂν εὐχερῶσ δύναιτο πιστεῦσαι διότι πρότερον οὗτοσ οὐκ ἀνέγνωκε τὸ βυβλίον·

εἰ δὲ καὶ τὴν ὑπόκρισιν καὶ τὰσ διαιρέσεισ, ἔτι δὲ δασύτητασ καὶ ψιλότητασ δύναιτο συσσῴζειν, οὐδὲ τελέωσ.

διόπερ οὐκ ἀποστατέον οὐδενὸσ τῶν χρησίμων διὰ τὰσ προφαινομένασ δυσχερείασ, προσακτέον δὲ τὴν ἕξιν, ᾗ πάντα τὰ καλὰ γίνεται θηρατὰ τοῖσ ἀνθρώποισ, ἄλλωσ τε καὶ περὶ τῶν τοιούτων, ἐν οἷσ πολλάκισ κεῖται τὸ συνέχον τῆσ σωτηρίασ.

Ταῦτα μὲν οὖν κατὰ τὴν ἐξ ἀρχῆσ ἐπαγγελίαν προήχθημεν εἰπεῖν.

ἔφαμεν γὰρ πάντα τὰ θεωρήματα καθ’ ἡμᾶσ ἐπὶ τοσοῦτον εἰληφέναι τὰσ προκοπάσ, ὥστε τῶν πλείστων τρόπον τινὰ μεθοδικὰσ εἶναι τὰσ ἐπιστήμασ. διὸ καὶ τοῦτο γίνεται τῆσ δεόντωσ ἱστορίασ συντεταγμένησ ὠφελιμώτατον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 10, chapter 47

(폴리비오스, Histories, book 10, chapter 47)

상위

목록

SEARCH

MENU NAVIGATION