헬라어 문장 검색 - ΠολψβίΗιστορί10́015́

(폴리비오스, Histories, book 10, chapter 15)

Οἱ δὲ Ῥωμαῖοι κρατήσαντεσ τοῦ τείχουσ τὸ μὲν πρῶτον ἐπεπορεύοντο κατὰ τὴν ἐφοδείαν ἀποσύροντεσ τοὺσ πολεμίουσ, μεγάλα συμβαλλομένησ αὐτοῖσ τῆσ ὁπλίσεωσ πρὸσ τοῦτο τὸ γένοσ τῆσ χρείασ· ἐπεὶ δ’ ἀφίκοντο πρὸσ τὴν πύλην, οἱ μὲν καταβάντεσ διέκοπτον τοὺσ μοχλούσ, οἱ δ’ ἔξωθεν εἰσέπιπτον, οἱ δὲ διὰ τῶν κλιμάκων βιαζόμενοι κατὰ τὸν ἰσθμόν, ἤδη κρατοῦντεσ τῶν ἀμυνομένων, ἐπέβαινον ἐπὶ τὰσ ἐπάλξεισ.

καὶ τέλοσ τὰ μὲν τείχη τούτῳ τῷ τρόπῳ κατείληπτο, τὸν δὲ λόφον οἱ διὰ τῆσ πύλησ εἰσπορευόμενοι κατελάμβανον τὸν πρὸσ τὰσ ἀνατολάσ, τρεψάμενοι τοὺσ φυλάττοντασ.

ὁ δὲ Πόπλιοσ ἐπεὶ τοὺσ εἰσεληλυθότασ ἀξιόχρεωσ ὑπελάμβανεν εἶναι, τοὺσ μὲν πλείστουσ ἐφῆκε κατὰ τὸ παρ’ αὐτοῖσ ἔθοσ ἐπὶ τοὺσ ἐν τῇ πόλει, παραγγείλασ κτείνειν τὸν παρατυχόντα καὶ μηδενὸσ φείδεσθαι, μηδὲ πρὸσ τὰσ ὠφελείασ ὁρμᾶν, μέχρισ ἂν ἀποδοθῇ τὸ σύνθημα.

ποιεῖν δέ μοι δοκοῦσι τοῦτο καταπλήξεωσ χάριν· διὸ καὶ πολλάκισ ἰδεῖν ἔστιν ἐν ταῖσ τῶν Ῥωμαίων καταλήψεσι τῶν πόλεων οὐ μόνον τοὺσ ἀνθρώπουσ πεφονευμένουσ, ἀλλὰ καὶ τοὺσ κύνασ δεδιχοτομημένουσ καὶ τῶν ἄλλων ζῴων μέλη παρακεκομμένα.

τότε δὲ καὶ τελέωσ πολὺ τὸ τοιοῦτον ἦν διὰ τὸ πλῆθοσ τῶν κατειλημμένων.

αὐτὸσ δὲ περὶ χιλίουσ ἔχων ὡρ́μησε πρὸσ τὴν ἄκραν.

ἐγγίσαντοσ δ’ αὐτοῦ τὸ μὲν πρῶτον ἐπεβάλλετο Μάγων ἀμύνεσθαι, μετὰ δὲ ταῦτα συννοήσασ βεβαίωσ ἤδη κατειλημμένην τὴν πόλιν διεπέμψατο περὶ τῆσ ἀσφαλείασ τῆσ αὑτοῦ, καὶ παρέδωκε τὴν ἄκραν. οὗ γενομένου, καὶ τοῦ συνθήματοσ ἀποδοθέντοσ, τοῦ μὲν φονεύειν ἀπέστησαν, ὡρ́μησαν δὲ πρὸσ τὰσ ἁρπαγάσ.

ἐπιγενομένησ δὲ τῆσ νυκτὸσ οἱ μὲν ἐπὶ τῆσ παρεμβολῆσ ἔμενον, οἷσ ἦν οὕτω διατεταγμένον·

μετὰ δὲ τῶν χιλίων ὁ στρατηγὸσ ἐπὶ τῆσ ἄκρασ ηὐλίσθη, τοὺσ δὲ λοιποὺσ διὰ τῶν χιλιάρχων ἐκ τῶν οἰκιῶν ἐκκαλεσάμενοσ ἐπέταξε συναθροίσαντασ εἰσ τὴν ἀγορὰν τὰ διηρπασμένα κατὰ σημαίασ ἐπὶ τούτων κοιτάζεσθαι. τοὺσ δὲ γροσφομάχουσ ἐκ τῆσ παρεμβολῆσ καλέσασ ἐπὶ τὸν λόφον ἐπέστησε τὸν ἀπὸ τῶν ἀνατολῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 10, chapter 15

(폴리비오스, Histories, book 10, chapter 15)

상위

목록

SEARCH

MENU NAVIGATION