Polybius, Histories, book 10, chapter 13

(폴리비오스, Histories, book 10, chapter 13)

Ὁ δὲ Πόπλιοσ ἐδίδου μὲν αὑτὸν εἰσ τὸν κίνδυνον, ἐποίει δὲ τοῦτο κατὰ δύναμιν ἀσφαλῶσ· εἶχε γὰρ μεθ’ αὑτοῦ τρεῖσ ἄνδρασ θυρεοφοροῦντασ, οἳ παρατιθέντεσ τοὺσ θυρεοὺσ καὶ τὴν ἀπὸ τοῦ τείχουσ ἐπιφάνειαν σκεπάζοντεσ ἀσφάλειαν αὐτῷ παρεσκεύαζον.

διὸ παρὰ τὰ πλάγια καὶ τοὺσ ὑπερδεξίουσ τόπουσ ἐπιπαριὼν μεγάλα συνεβάλλετο πρὸσ τὴν χρείαν·

ἅμα μὲν γὰρ ἑώρα τὸ γινόμενον, ἅμα δ’ αὐτὸσ ὑπὸ πάντων ὁρώμενοσ ἐνειργάζετο προθυμίαν τοῖσ ἀγωνιζομένοισ.

ἐξ οὗ συνέβαινε μηδὲν ἐλλιπὲσ γίνεσθαι τῶν πρὸσ τὸν κίνδυνον, ἀλλ’ ὁπότε τιν’ αὐτῷ πρὸσ τὸ προκείμενον ὁ καιρὸσ ὑποδείξειε, πᾶν ἐκ χειρὸσ ἀεὶ συνηργεῖτο πρὸσ τὸ δέον.

Ὁρμησάντων δὲ ταῖσ κλίμαξι περὶ τὴν ἀνάβασιν τῶν πρώτων τεθαρρηκότωσ, οὐχ οὕτωσ τὸ πλῆθοσ τῶν ἀμυνομένων ἐπικίνδυνον ἐποίει τὴν προσβολὴν ὡσ τὸ μέγεθοσ τῶν τειχῶν.

διὸ καὶ μᾶλλον ἐπερρώσθησαν οἱ κατὰ τὰ τείχη, θεωροῦντεσ τὴν δυσχρηστίαν τῶν συμβαινόντων.

ἔνιαι μὲν γὰρ συνετρίβοντο τῶν κλιμάκων, πολλῶν ἅμα διὰ τὸ μέγεθοσ συνεπιβαινόντων·

ἐφ’ αἷσ δ’ οἱ πρῶτοι προσβαίνοντεσ ἐσκοτοῦντο διὰ τὴν εἰσ ὕψοσ ἀνάτασιν καὶ βραχείασ προσδεόμενοι τῆσ ἐκ τῶν ἀμυνομένων ἀντιπράξεωσ ἐρρίπτουν σφᾶσ αὐτοὺσ ἀπὸ τῶν κλιμάκων. ὅτε δὲ καὶ δοκοὺσ ἤ τι τοιοῦτον ἐγχειρήσαιεν ἐπιρρίπτειν ἀπὸ τῶν ἐπάλξεων, ὁμοῦ πάντεσ ἀπεσύροντο καὶ κατεφέροντο πρὸσ τὴν γῆν.

οὐ μὴν ἀλλὰ τοιούτων ἀπαντωμένων οὐδὲν ἱκανὸν ἦν πρὸσ τὸ κωλύειν τὴν ἐπιφορὰν καὶ τὴν ὁρμὴν τῶν Ῥωμαίων, ἀλλ’ ἔτι καταφερομένων τῶν πρώτων ἐπέβαινον οἱ συνεχεῖσ ἐπὶ τὴν ἐκλείπουσαν ἀεὶ χώραν.

ἤδη δὲ τῆσ ἡμέρασ προβαινούσησ, καὶ τῶν στρατιωτῶν τετρυμμένων ὑπὸ τῆσ κακοπαθείασ, ἀνεκαλέσατο ταῖσ σάλπιγξιν ὁ στρατηγὸσ τοὺσ προσβάλλοντασ.

일치하는 문장이 없습니다.

SEARCH

MENU NAVIGATION