Polybius, Histories, book 10, v. res italiae

(폴리비오스, Histories, book 10, v. res italiae)

αὐτοὶ δὲ τῶν ἱππέων ἀναλαβόντεσ ἴλασ δύο καὶ γροσφομάχουσ μετὰ τῶν ῥαβδοφόρων εἰσ τριάκοντα προῆγον, κατασκεψόμενοι τοὺσ τόπουσ. τῶν δὲ Νομάδων εἰθισμένοι τινὲσ τοῖσ ἀκροβολιζομένοισ καὶ καθόλου προπορευομένοισ ἐκ τοῦ τῶν ὑπεναντίων χάρακοσ ἐνέδρασ ποιεῖν, ὑπεστάλκεισαν κατά τινα συντυχίαν ὑπὸ τὸν λόφον.

οἷσ τοῦ σκοποῦ σημήναντοσ ὅτι παραγίνονταί τινεσ κατ’ ἄκρον τὸν βουνὸν ὑπερδέξιοι ’κείνων, ἐξαναστάντεσ καὶ παρὰ πλάγια ποιησάμενοι τὴν πορείαν ἀποτέμνονται τοὺσ στρατηγοὺσ καὶ διακλείουσιν ἀπὸ τῆσ ἰδίασ παρεμβολῆσ.

καὶ τὸν μὲν Κλαύδιον εὐθέωσ ἐν τῇ πρώτῃ συμπλοκῇ καί τινασ ἑτέρουσ ἅμα τούτῳ κατέβαλον, τοὺσ δὲ λοιποὺσ κατατραυματίσαντεσ διὰ τῶν κρημνῶν ἠνάγκασαν ἄλλον ἄλλῃ φεύγειν.

οἱ δ’ ἐν τῷ στρατοπέδῳ θεωροῦντεσ τὸ γινόμενον οὐδαμῶσ ἠδυνήθησαν ἐπικουρῆσαι τοῖσ κινδυνεύουσιν·

ἔτι γὰρ ἀναβοώντων καὶ πρὸσ τὸ συμβαῖνον ἐκπεπληγμένων, καὶ τῶν μὲν χαλινούντων τοὺσ ἵππουσ, τῶν δὲ καθοπλιζομένων, πέρασ εἶχε τὸ πρᾶγμα. Μάρκοσ μὲν οὖν ἀκακώτερον ἢ στρατηγικώτερον αὑτῷ χρησάμενοσ τοῖσ δεδηλωμένοισ περιέπεσε συμπτώμασιν·

ἐγὼ δὲ παρ’ ὅλην τὴν πραγματείαν πολλάκισ ἀναγκάζομαι περὶ τῶν τοιούτων ὑπομιμνήσκειν τοὺσ ἐντυγχάνοντασ, θεωρῶν, εἰ καὶ περί τι τῶν τῆσ στρατηγίασ μερῶν ἄλλο, καὶ περὶ τοῦτο διαμαρτάνοντασ τοὺσ ἡγεμόνασ, καίτοι προδήλου τῆσ ἀγνοίασ ὑπαρχούσησ.

τί γὰρ ὄφελοσ ἡγεμόνοσ ἢ στρατηγοῦ μὴ διειληφότοσ διότι τῶν κατὰ μέροσ κινδύνων, οἷσ μὴ συμπάσχει τὰ ὅλα, πλεῖστον ἀπέχειν δεῖ τὸν ἡγούμενον;

τί δ’ ἀγνοοῦντοσ ὅτι, κἄν ποτ’ ἀναγκάζωσιν οἱ καιροὶ πράττειν τι τῶν κατὰ μέροσ, πολλοὺσ δεῖ πρότερον ἀποθανεῖν τῶν συνόντων πρὶν ἢ τὸ δεινὸν ἐγγίσαι τοῖσ προεστῶσι τῶν ὅλων;

δεῖ γὰρ ἐν Καρὶ τὴν πεῖραν, ὡσ ἡ παροιμία φησίν, οὐκ ἐν τῷ στρατηγῷ γίνεσθαι.

τὸ μὲν γὰρ λέγειν ὡσ "3οὐκ ἂν ᾠόμην"3 "3τίσ γὰρ ἂν ἤλπισε τοῦτο γενέσθαι"3;

μέγιστον εἶναί μοι δοκεῖ σημεῖον ἀπειρίασ στρατηγικῆσ καὶ βραδυτῆτοσ.

일치하는 문장이 없습니다.

SEARCH

MENU NAVIGATION