Polybius, Histories, book 10, chapter 6

(폴리비오스, Histories, book 10, chapter 6)

Οὐ μὴν ἀλλὰ τότε συνηθροισμένων τῶν δυνάμεων παρεκάλει μὴ καταπεπλῆχθαι τὴν προγεγενημένην περιπέτειαν· οὐ γὰρ ταῖσ ἀρεταῖσ ἡττῆσθαι Ῥωμαίουσ ὑπὸ Καρχηδονίων οὐδέποτε, τῇ δὲ προδοσίᾳ τῇ Κελτιβήρων καὶ τῇ προπετείᾳ, διακλεισθέντων τῶν στρατηγῶν ἀπ’ ἀλλήλων διὰ τὸ πιστεῦσαι τῇ συμμαχίᾳ τῶν εἰρημένων.

ὧν ἑκάτερα νῦν ἔφη περὶ τοὺσ πολεμίουσ ὑπάρχειν·

χωρὶσ γὰρ ἀπ’ ἀλλήλων πολὺ διεσπασμένουσ στρατοπεδεύειν, τοῖσ τε συμμάχοισ ὑβριστικῶσ χρωμένουσ ἅπαντασ ἀπηλλοτριωκέναι καὶ πολεμίουσ αὑτοῖσ παρεσκευακέναι. τὸ δὲ μέγιστον, στασιάζοντασ πρὸσ ἀλλήλουσ τοὺσ τῶν ὑπεναντίων ἡγεμόνασ ἅθρουσ διαμάχεσθαι πρὸσ αὐτοὺσ οὐ θελήσειν, κατὰ μέροσ δὲ κινδυνεύοντασ εὐχειρώτουσ ὑπάρχειν.

διὸ βλέποντασ εἰσ ταῦτα παρεκάλει περαιοῦσθαι τὸν ποταμὸν εὐθαρσῶσ·

περὶ δὲ τῶν ἑξῆσ ἀνεδέχετο μελήσειν αὑτῷ καὶ τοῖσ ἄλλοισ ἡγεμόσι. ταῦτα δ’ εἰπὼν τρισχιλίουσ μὲν ἔχοντα πεζοὺσ καὶ πεντακοσίουσ ἱππεῖσ Μάρκον ἀπέλειπε τὸν συνάρχοντα περὶ τὴν διάβασιν ἐφεδρεύσοντα τοῖσ ἐντὸσ τοῦ ποταμοῦ συμμάχοισ·

αὐτὸσ δὲ τὴν ἄλλην ἐπεραίου δύναμιν, ἄδηλον πᾶσι ποιῶν τὴν αὑτοῦ πρόθεσιν. ἦν γὰρ αὐτῷ κεκριμένον πράττειν ὧν μὲν εἶπε πρὸσ τοὺσ πολλοὺσ μηδέν, προύκειτο δὲ πολιορκεῖν ἐξ ἐφόδου τὴν ἐν Ἰβηρίᾳ Καρχηδόνα προσαγορευομένην.

ὃ δὴ καὶ πρῶτον ἄν τισ λάβοι καὶ μέγιστον σημεῖον τῆσ ὑφ’ ἡμῶν ἄρτι ῥηθείσησ διαλήψεωσ.

δεύτερον δοὺσ αὑτὸν τὰ μὲν κοινὰ καὶ προφαινόμενα πᾶσι παρέλειπε, τὰ δὲ μήτε παρὰ τοῖσ πολεμίοισ , ταῦτ’ ἐπενόει καὶ προετίθετο πράττειν.

ὧν οὐδὲν ἦν χωρὶσ ἐκλογισμῶν τῶν ἀκριβεστάτων.

일치하는 문장이 없습니다.

SEARCH

MENU NAVIGATION