헬라어 문장 검색 - ΠολψβίΗιστορί10́044́

(폴리비오스, Histories, book 10, chapter 44)

Αἰνείασ δὲ βουληθεὶσ διορθώσασθαι τὴν τοιαύτην ἀπορίαν, ὁ τὰ περὶ τῶν Στρατηγικῶν ὑπομνήματα συντεταγμένοσ, βραχὺ μέν τι προεβίβασε, τοῦ γε μὴν δέοντοσ ἀκμὴν πάμπολυ τὸ κατὰ τὴν ἐπίνοιαν ἀπελείφθη. γνοίη δ’ ἄν τισ ἐκ τούτων.

φησὶ γὰρ δεῖν τοὺσ μέλλοντασ ἀλλήλοισ διὰ τῶν πυρσῶν δηλοῦν τὸ κατεπεῖγον ἀγγεῖα κατασκευάσαι κεραμεᾶ, κατά τε τὸ πλάτοσ καὶ κατὰ τὸ βάθοσ ἰσομεγέθη πρὸσ ἀκρίβειαν· εἶναι δὲ μάλιστα τὸ μὲν βάθοσ τριῶν πηχῶν, τὸ δὲ πλάτοσ πήχεοσ. εἶτα παρασκευάσαι φελλοὺσ βραχὺ κατὰ πλάτοσ ἐνδεεῖσ τῶν στομάτων, ἐν δὲ τούτοισ μέσοισ ἐμπεπηγέναι βακτηρίασ διῃρημένασ εἰσ ἴσα μέρη τριδάκτυλα, καθ’ ἕκαστον δὲ μέροσ εἶναι περιγραφὴν εὔσημον.

πεζοὶ μεθ’ ἱππέων," εἶτα "πλοῖα," μετὰ δὲ ταῦτα "σῖτοσ," καὶ κατὰ τὸ συνεχὲσ οὕτω, μέχρισ ἂν ἐν πάσαισ γραφῇ ταῖσ χώραισ τὰ μάλιστ’ ἂν ἐκ τῶν εὐλόγων προνοίασ τυγχάνοντα καὶ συμβαίνοντα κατὰ τοὺσ ἐνεστῶτασ καιροὺσ ἐκ τῶν πολεμικῶν.

τούτων δὲ γενομένων ἀμφότερα κελεύει τρῆσαι τὰ ἀγγεῖα πρὸσ ἀκρίβειαν, ὥστε τοὺσ αὐλίσκουσ ἴσουσ εἶναι καὶ κατ’ ἴσον ἀπορρεῖν·

εἶτα πληρώσαντασ ὕδατοσ ἐπιθεῖναι τοὺσ φελλοὺσ ἔχοντασ τὰσ βακτηρίασ, κἄπειτα τοὺσ αὐλίσκουσ ἀφεῖναι ῥεῖν ἅμα. τούτου δὲ συμβαίνοντοσ δῆλον ὡσ ἀνάγκη πάντων ἴσων καὶ ὁμοίων ὄντων, καθ’ ὅσον ἂν ἀπορρέῃ τὸ ὑγρόν, κατὰ τοσοῦτον τοὺσ φελλοὺσ καταβαίνειν καὶ τὰσ βακτηρίασ κρύπτεσθαι κατὰ τῶν ἀγγείων.

ὅταν δὲ τὰ προειρημένα γένηται κατὰ τὸν χειρισμὸν ἰσοταχῆ καὶ σύμφωνα, τότε κομίσαντασ ἐπὶ τοὺσ τόπουσ, ἐν οἷσ ἑκάτεροι μέλλουσι συντηρεῖν τὰσ πυρσείασ, ἑκάτερον θεῖναι τῶν ἀγγείων.

εἶτ’ ἐπὰν ἐμπέσῃ τι τῶν ἐν τῇ βακτηρίᾳ γεγραμμένων, πυρσὸν ἆραι κελεύει, καὶ μένειν, ἑώσ ἂν ἀνταίρωσιν οἱ συντεταγμένοι·

γενομένων δὲ φανερῶν ἀμφοτέρων ἅμα τῶν πυρσῶν καθελεῖν. εἶτ’ εὐθέωσ ἀφεῖναι τοὺσ αὐλίσκουσ ῥεῖν. ὅταν δὲ καταβαίνοντοσ τοῦ φελλοῦ καὶ τῆσ βακτηρίασ ἔλθῃ τῶν γεγραμμένων ὃ βούλει δηλοῦν κατὰ τὸ χεῖλοσ τοῦ τεύχουσ, ἆραι κελεύει τὸν πυρσόν·

τοὺσ δ’ ἑτέρουσ ἐπιλαβεῖν εὐθέωσ τὸν αὐλίσκον, καὶ σκοπεῖν τί κατὰ τὸ χεῖλόσ ἐστι τῶν ἐν τῇ βακτηρίᾳ γεγραμμένων·

ἔσται δὲ τοῦτο τὸ δηλούμενον πάντων ἰσοταχῶσ παρ’ ἀμφοτέροισ κινουμένων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 10, chapter 44

(폴리비오스, Histories, book 10, chapter 44)

상위

목록

SEARCH

MENU NAVIGATION