헬라어 문장 검색 - ΠολψβίΗιστορί10́040́

(폴리비오스, Histories, book 10, chapter 40)

Εἰσ δὲ τὴν ἐπαύριον συναθροίσασ τὸ τῶν αἰχμαλώτων πλῆθοσ, ὧν ἦσαν πεζοὶ μὲν εἰσ μυρίουσ, ἱππεῖσ δὲ πλείουσ δισχιλίων, ἐγίνετο περὶ τὴν τούτων οἰκονομίαν. τῶν δ’ Ἰβήρων ὅσοι κατὰ τοὺσ προειρημένουσ τόπουσ Καρχηδονίοισ τότε συνεμάχουν, ἧκον ἐγχειρίζοντεσ σφᾶσ αὐτοὺσ εἰσ τὴν Ῥωμαίων πίστιν, κατὰ δὲ τὰσ ἐντεύξεισ βασιλέα προσεφώνουν τὸν Πόπλιον.

πρῶτον μὲν οὖν ἐποίησε τοῦτο καὶ προσεκύνησε πρῶτοσ Ἐδεκών, μετὰ δὲ τοῦτον οἱ περὶ τὸν Ἀνδοβάλην.

τότε μὲν οὖν ἀνεπιστάτωσ αὐτὸν παρέδραμε τὸ ῥηθέν· μετὰ δὲ τὴν μάχην ἁπάντων βασιλέα προσφωνούντων, εἰσ ἐπίστασιν ἤγαγε τὸν Πόπλιον τὸ γινόμενον.

διὸ καὶ συναθροίσασ τοὺσ Ἴβηρασ βασιλικὸσ μὲν ἔφη βούλεσθαι καὶ λέγεσθαι παρὰ πᾶσι καὶ ταῖσ ἀληθείαισ ὑπάρχειν, βασιλεύσ γε μὴν οὔτ’ εἶναι θέλειν οὔτε λέγεσθαι παρ’ οὐδενί.

ταῦτα δ’ εἰπὼν παρήγγειλε στρατηγὸν αὑτὸν προσφωνεῖν. ἴσωσ μὲν οὖν καὶ τότε δικαίωσ ἄν τισ ἐπεσημήνατο τὴν μεγαλοψυχίαν τἀνδρόσ, ᾗ κομιδῇ νέοσ ὢν καὶ τῆσ τύχησ αὐτῷ συνεκδραμούσησ ἐπὶ τοσοῦτον ὥστε πάντασ τοὺσ ὑποταττομένουσ ἐξ αὑτῶν ἐπί τε ταύτην κατενεχθῆναι τὴν διάληψιν καὶ τὴν ὀνομασίαν, ὅμωσ ἐν ἑαυτῷ διέμεινε καὶ παρῃτεῖτο τὴν τοιαύτην ὁρμὴν καὶ φαντασίαν.

πολὺ δὲ μᾶλλον ἄν τισ θαυμάσειε τὴν ὑπερβολὴν τῆσ περὶ τὸν ἄνδρα μεγαλοψυχίασ, βλέψασ εἰσ τοὺσ ἐσχάτουσ τοῦ βίου καιρούσ, ἡνίκα πρὸσ τοῖσ κατὰ τὴν Ἰβηρίαν ἔργοισ κατεστρέψατο μὲν Καρχηδονίουσ, καὶ τὰ πλεῖστα καὶ κάλλιστα μέρη τῆσ Λιβύησ ἀπὸ τῶν Φιλαίνου βωμῶν ἑώσ Ἡρακλείων στηλῶν ὑπὸ τὴν τῆσ πατρίδοσ ἐξουσίαν ἤγαγε, κατεστρέψατο δὲ τὴν Ἀσίαν καὶ τοὺσ τῆσ Συρίασ βασιλεῖσ, καὶ τὸ κάλλιστον καὶ μέγιστον μέροσ τῆσ οἰκουμένησ ὑπήκοον ἐποίησε Ῥωμαίοισ, ἔλαβε δὲ καιροὺσ εἰσ τὸ περιποιήσασθαι δυναστείαν βασιλικὴν ἐν οἷσ ἐπιβάλοιτο καὶ βουληθείη τόποισ τῆσ οἰκουμένησ.

ταῦτα γὰρ οὐ μόνον ἀνθρωπίνην φύσιν, ἀλλὰ καὶ θειοτέραν, εἰ θέμισ εἰπεῖν, ὑπερφρονεῖν ἂν ἐποίησεν.

Πόπλιοσ δὲ τοσοῦτον ὑπερέθετο μεγαλοψυχίᾳ τοὺσ ἄλλουσ ἀνθρώπουσ ὡσ οὗ μεῖζον ἀγαθὸν εὔξασθαί τισ τοῖσ θεοῖσ οὐ τολμήσειε, λέγω δὲ βασιλείασ, τοῦτ’ ἐκεῖνοσ πολλάκισ ὑπὸ τῆσ τύχησ αὐτῷ δεδομένον ἀπηξίωσε, καὶ περὶ πλείονοσ ἐποιήσατο τὴν πατρίδα καὶ τὴν ταύτησ πίστιν τῆσ περιβλέπτου καὶ μακαριστῆσ βασιλείασ.

πλὴν τότε γε διαλέξασ ἐκ τῶν αἰχμαλώτων τοὺσ Ἴβηρασ, τούτουσ μὲν ἀπέλυσε χωρὶσ λύτρων πάντασ εἰσ τὰσ ἑαυτῶν πατρίδασ, τῶν δ’ ἵππων τριακοσίουσ κελεύσασ ἐκλέξαι τοῖσ περὶ τὸν Ἀνδοβάλην τοὺσ λοιποὺσ διέδωκε τοῖσ ἀνίπποισ.

καὶ τὸ λοιπὸν ἤδη μεταλαβὼν τὴν τῶν Καρχηδονίων στρατοπεδείαν διὰ τὴν τῶν τόπων εὐφυί̈αν, αὐτὸσ μὲν ἔμενε καραδοκῶν τοὺσ καταλειπομένουσ τῶν Καρχηδονίων στρατηγούσ, ἐπὶ δὲ τὰσ ὑπερβολὰσ τῶν Πυρηναίων ὀρέων ἐξαπέστειλε τοὺσ τηρήσοντασ τὸν Ἀσδρούβαν.

μετὰ δὲ ταῦτα, τῆσ ὡρ́ασ ἤδη συναπτούσησ, ἀνεχώρησε μετὰ τῆσ δυνάμεωσ εἰσ Ταρράκων’, ἐν τούτοισ τοῖσ τόποισ ποιεῖσθαι τὴν παραχειμασίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 10, chapter 40

(폴리비오스, Histories, book 10, chapter 40)

상위

목록

SEARCH

MENU NAVIGATION