헬라어 문장 검색 - ΠολψβίΗιστορί10́039́

(폴리비오스, Histories, book 10, chapter 39)

Τὴν μὲν οὖν ἄλλην δύναμιν ἑτοιμάσασ πρὸσ μάχην συνεῖχεν ἐν τῷ χάρακι, τοὺσ δὲ γροσφομάχουσ καὶ τῶν πεζῶν τοὺσ ἐπιλέκτουσ ἐξαφιεὶσ ἐκέλευε προσβάλλειν πρὸσ τὴν ὀφρὺν καὶ καταπειράζειν τῆσ τῶν πολεμίων ἐφεδρείασ. τῶν δὲ ποιούντων τὸ παραγγελθὲν εὐψύχωσ, τὰσ μὲν ἀρχὰσ ὁ τῶν Καρχηδονίων στρατηγὸσ ἐκαραδόκει τὸ συμβαῖνον·

θεωρῶν δὲ διὰ τὴν τόλμαν τῶν Ῥωμαίων τοὺσ παρ’ αὑτῶν πιεζομένουσ καὶ κακῶσ πάσχοντασ, ἐξῆγε τὴν δύναμιν καὶ παρενέβαλε παρὰ τὴν ὀφρύν, πιστεύων τοῖσ τόποισ. τοὺσ δ’ ἡμίσεισ Λαιλίῳ δοὺσ ὁμοίωσ παρήγγειλε τὴν ἔφοδον ἐπὶ τὰ δεξιὰ μέρη τῶν πολεμίων.

οὗ συμβαίνοντοσ ὁ μὲν Ἀσδρούβασ ἀκμὴν ἐκ τῆσ στρατοπεδείασ ἐξῆγε τὴν δύναμιν·

τὸν γὰρ πρὸ τούτου χρόνον ἐπέμενε πιστεύων τοῖσ τόποισ καὶ πεπεισμένοσ μηδέποτε τολμήσειν τοὺσ πολεμίουσ ἐγχειρεῖν αὐτοῖσ· διὸ παρὰ τὴν προσδοκίαν γεγενημένησ τῆσ ἐπιθέσεωσ καθυστέρει τῆσ ἐκτάξεωσ. οἱ δὲ Ῥωμαῖοι κατὰ κέρασ ποιούμενοι τὸν κίνδυνον, οὐδέπω τῶν πολεμίων κατειληφότων τοὺσ ἐπὶ τῶν κεράτων τόπουσ, οὐ μόνον ἐπέβησαν ἀσφαλῶσ ἐπὶ τὴν ὀφρύν, ἀλλὰ καὶ προσάγοντεσ ἔτι παρεμβαλλόντων καὶ κινουμένων τῶν ὑπεναντίων τοὺσ μὲν αὐτῶν προσπίπτοντασ ἐκ πλαγίων ἐφόνευον, τοὺσ δὲ παρεμβάλλοντασ ἐξ ἐπιστροφῆσ φεύγειν ἠνάγκαζον.

λαβὼν δὲ τά τε χρήματα καὶ τὰ θηρία, καὶ τῶν φευγόντων ὅσουσ ἠδύνατο πλείστουσ ἐπισπασάμενοσ, ἐποιεῖτο τὴν ἀναχώρησιν παρὰ τὸν Τάγον ποταμὸν ὡσ ἐπὶ τὰσ Πυρήνησ ὑπερβολὰσ καὶ τοὺσ ταύτῃ κατοικοῦντασ Γαλάτασ.

Πόπλιοσ δὲ τὸ μὲν ἐκ ποδὸσ ἕπεσθαι τοῖσ περὶ τὸν Ἀσδρούβαν οὐχ ἡγεῖτο συμφέρειν τῷ δεδιέναι τῶν ἄλλων στρατηγῶν τὴν ἔφοδον, τὸν δὲ χάρακα τῶν ὑπεναντίων ἐφῆκε τοῖσ αὑτοῦ στρατιώταισ διαρπάζειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 10, chapter 39

(폴리비오스, Histories, book 10, chapter 39)

상위

목록

SEARCH

MENU NAVIGATION