헬라어 문장 검색 - ΠολψβίΗιστορί10́038́

(폴리비오스, Histories, book 10, chapter 38)

ἃσ αὐτὸσ παρειληφὼσ νῦν οὐχ ὁμήρων ἐχούσασ διάθεσιν, ἀλλ’ αἰχμαλώτων καὶ δούλων, οὕτωσ τετηρηκέναι τὴν πίστιν ὡσ οὐδ’ ἂν αὐτοὺσ ἐκείνουσ τηρῆσαι πατέρασ ὑπάρχοντασ. τῶν δ’ ἀνθομολογησαμένων διότι παρακολουθοῦσι καὶ προσκυνησάντων αὐτὸν καὶ προσφωνησάντων βασιλέα πάντων, οἱ μὲν παρόντεσ ἐπεσημήναντο τὸ ῥηθέν, ὁ δὲ Πόπλιοσ ἐντραπεὶσ θαρρεῖν αὐτοῖσ παρῄνει·

τεύξεσθαι γὰρ ἔφη σφᾶσ ἁπάντων τῶν φιλανθρώπων ὑπὸ Ῥωμαίων. καὶ παραυτίκα μὲν ἐκ χειρὸσ τὰσ θυγατέρασ ἀπέδωκε, τῇ δ’ ἐπαύριον ἐποιεῖτο τὰσ συνθήκασ πρὸσ αὐτούσ.

ἦν δὲ τὸ συνέχον τῶν ὁμολογηθέντων ἀκολουθεῖν τοῖσ Ῥωμαίων ἄρχουσι καὶ πείθεσθαι τοῖσ ὑπὸ τούτων παραγγελλομένοισ.

γενομένων δὲ τούτων ἀναχωρήσαντεσ εἰσ τὰσ αὑτῶν παρεμβολὰσ καὶ παραλαβόντεσ τὰσ δυνάμεισ, ἧκον πρὸσ τὸν Πόπλιον, καὶ στρατοπεδεύσαντεσ ὁμοῦ τοῖσ Ῥωμαίοισ προῆγον ἐπὶ τὸν Ἀσδρούβαν.

Ὁ δὲ τῶν Καρχηδονίων στρατηγὸσ ἐτύγχανε μὲν διατρίβων ἐν τοῖσ περὶ Κασταλῶνα τόποισ περὶ Βαίκυλα πόλιν οὐ μακρὰν τῶν ἀργυρείων μετάλλων·

πυθόμενοσ δὲ τὴν παρουσίαν τῶν Ῥωμαίων μετεστρατοπέδευσε, καὶ λαβὼν ἐκ μὲν τῶν ὄπισθεν ποταμὸν ἀσφαλῆ, παρὰ δὲ τὴν κατὰ πρόσωπον πλευρὰν τοῦ χάρακοσ ἐπίπεδον τόπον, ὀφρὺν προβεβλημένην ἔχοντα καὶ βάθοσ ἱκανὸν πρὸσ ἀσφάλειαν καὶ μῆκοσ πρὸσ ἔκταξιν, ἔμενεν ἐπὶ τῶν ὑποκειμένων, προτιθέμενοσ ἐπὶ τὴν ὀφρὺν ἀεὶ τὰσ ἐφεδρείασ.

ὁ δὲ Πόπλιοσ ἐγγίσασ προθύμωσ μὲν εἶχε πρὸσ τὸ διακινδυνεύειν, ἀπόρωσ δὲ διέκειτο, θεωρῶν τοὺσ τόπουσ εὐφυεῖσ ὄντασ πρὸσ τὴν τῶν ἐναντίων ἀσφάλειαν.

οὐ μὴν ἀλλὰ προσανασχὼν δύ’ ἡμέρασ καὶ διαγωνιάσασ μὴ συνεπιγενομένων τῶν περὶ τὸν Μάγωνα καὶ τὸν τοῦ Γέσκωνοσ Ἀσδρούβαν πανταχόθεν αὐτὸν οἱ πολέμιοι περιστῶσιν, ἔκρινε παραβάλλεσθαι καὶ καταπειράζειν τῶν ὑπεναντίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 10, chapter 38

(폴리비오스, Histories, book 10, chapter 38)

상위

목록

SEARCH

MENU NAVIGATION