헬라어 문장 검색 - ΠολψβίΗιστορί10́031́

(폴리비오스, Histories, book 10, chapter 31)

Οἱ δὲ περὶ τὸν Ἀντίοχον ἀσφαλῶσ διέβησαν τὰσ δυσχωρίασ τῷ προειρημένῳ τρόπῳ, βραδέωσ δὲ καὶ δυσχερῶσ· μόλισ γὰρ ὀγδοαῖοι πρὸσ τὰσ κατὰ τὸν Λάβον ὑπεροχὰσ ἀφίκοντο. τῶν δὲ βαρβάρων συνηθροισμένων ἐκεῖ, καὶ πεπεισμένων κωλύειν τῆσ ὑπερβολῆσ τοὺσ πολεμίουσ, ἀγὼν συνέστη νεανικόσ.

ἐξεώσθησαν δ’ οἱ βάρβαροι διὰ τοιαύτασ αἰτίασ. συστραφέντεσ γὰρ ἐμάχοντο πρὸσ τοὺσ φαλαγγίτασ κατὰ πρόσωπον ἐκθύμωσ·

τῆσ δὲ νυκτὸσ ἔτι τῶν εὐζώνων ἐκπεριελθόντων ἐκ πολλοῦ, καὶ καταλαβομένων τοὺσ ὑπερδεξίουσ καὶ κατὰ νώτου τόπουσ, ἅμα τῷ συνιδεῖν οἱ βάρβαροι τὸ γεγονὸσ εὐθέωσ πτοηθέντεσ ὡρ́μησαν πρὸσ φυγήν. ὁ δὲ βασιλεὺσ τὴν μὲν ἐπὶ πλεῖον ὁρμὴν τῶν διωκόντων παρακατέσχε μετὰ πολλῆσ σπουδῆσ, ἀνακαλεσάμενοσ ταῖσ σάλπιγξι, διὰ τὸ βούλεσθαι καταβαίνειν ἅθρουσ καὶ συντεταγμένουσ εἰσ τὴν Ὑρκανίαν.

συστησάμενοσ δὲ τὴν πορείαν ὡσ ἐβούλετο καὶ παραγενόμενοσ ἐπὶ Τάμβρακα, πόλιν ἀτείχιστον, ἔχουσαν δὲ βασίλεια καὶ μέγεθοσ, αὐτοῦ κατεσκήνωσε.

τῶν δὲ πλείστων πεποιημένων τὴν ἀποχώρησιν ἔκ τε τῆσ μάχησ καὶ τῆσ περικειμένησ χώρασ εἰσ τὴν προσαγορευομένην Σίρυγκα πόλιν ‐ συνέβαινε κεῖσθαι ’κείνην οὐ μακρὰν τῆσ Τάμβρακοσ, εἶναι δὲ τῆσ Ὑρκανίασ ὡσ ἂν εἰ βασίλειον διά τε τὴν ὀχυρότητα καὶ τὴν ἄλλην εὐκαιρίαν ‐ ἔκρινε ταύτην ἐξελεῖν μετὰ βίασ.

ἀναλαβὼν οὖν τὴν δύναμιν προῆγε, καὶ περιστρατοπεδεύσασ ἤρχετο τῆσ πολιορκίασ.

ἦν δὲ τὸ πλεῖστον μέροσ τῆσ ἐπιβολῆσ ἐν ταῖσ χωστρίσι χελώναισ.

τάφροι γὰρ ἦσαν τριτταί, πλάτοσ μὲν οὐκ ἔλαττον ἔχουσαι τριάκοντα πηχῶν, βάθοσ δὲ πεντεκαίδεκα· ἐπὶ δὲ τοῖσ χείλεσιν ἑκάστησ ἐπέκειτο χαρακώματα διπλᾶ καὶ τελευταῖον προτείχισμα δυνατόν. συμπλοκαὶ μὲν οὖν ἐγίνοντο συνεχεῖσ ἐπὶ τῶν ἔργων, ἐν αἷσ οὐκ ἤνυον ἑκάτεροι φέροντεσ τοὺσ νεκροὺσ καὶ τοὺσ τραυματίασ διὰ τὸ μὴ μόνον ὑπὲρ γῆσ, ἀλλὰ καὶ κατὰ γῆσ διὰ τῶν ὀρυγμάτων ἐκ χειρὸσ γίνεσθαι τοὺσ κινδύνουσ.

οὐ μὴν ἀλλὰ τῷ πλήθει καὶ τῇ τοῦ βασιλέωσ ἐνεργείᾳ ταχέωσ συνέβη καὶ τὰσ τάφρουσ χωσθῆναι καὶ τὸ τεῖχοσ πεσεῖν διὰ τῶν ὀρυγμάτων.

οὗ συμβάντοσ διατραπέντεσ οἱ βάρβαροι τοῖσ ὅλοισ, καὶ τοὺσ μὲν Ἕλληνασ κατασφάξαντεσ τοὺσ ἐν τῇ πόλει, τὰ δ’ ἐπιφανέστατα τῶν σκευῶν διαρπάσαντεσ, νυκτὸσ ἀπεχώρησαν.

ὁ δὲ βασιλεὺσ συνθεασάμενοσ Ὑπερβάσαν ἀπέστειλε μετὰ τῶν μισθοφόρων·

οὗ συμμίξαντοσ οἱ βάρβαροι ῥίψαντεσ τὰσ ἀποσκευὰσ αὖθισ εἰσ τὴν πόλιν ἔφυγον. τῶν δὲ πελταστῶν ἐνεργῶσ βιαζομένων διὰ τοῦ πτώματοσ, ἀπελπίσαντεσ σφᾶσ αὐτοὺσ παρέδοσαν.

Ἀχριανή, πόλισ Ὑρκανίασ. Πολύβιοσ δεκάτῳ.

Καλλιόπη, πόλισ Παρθυαίων. Πολύβιοσ δεκάτῳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 10, chapter 31

(폴리비오스, Histories, book 10, chapter 31)

상위

목록

SEARCH

MENU NAVIGATION