헬라어 문장 검색 - ΠολψβίΗιστορί10́028́

(폴리비오스, Histories, book 10, chapter 28)

Εὥσ μὲν οὖν τούτων τῶν τόπων ἤλπισεν αὐτὸν ἥξειν Ἀρσάκησ, τὴν δ’ ἔρημον τὴν τούτοισ πρόσχωρον οὐ τολμήσειν ἔτι δυνάμει τηλικαύτῃ διεκβαλεῖν, καὶ μάλιστα διὰ τὴν ἀνυδρίαν. ἐπιπολῆσ μὲν γὰρ οὐδέν ἐστι φαινόμενον ὕδωρ ἐν τοῖσ προειρημένοισ τόποισ, ὑπόνομοι δὲ πλείουσ εἰσὶ καὶ διὰ τῆσ ἐρήμου φρεατίασ ἔχοντεσ ἀγνοουμένασ τοῖσ ἀπείροισ.

περὶ δὲ τούτων ἀληθὴσ παραδίδοται λόγοσ διὰ τῶν ἐγχωρίων, ὅτι καθ’ οὓσ χρόνουσ Πέρσαι τῆσ Ἀσίασ ἐπεκράτουν, ἔδωκαν τοῖσ ἐπί τινασ τόπουσ τῶν μὴ πρότερον ἀρδευομένων ἐπεισαγομένοισ ὕδωρ πηγαῖον ἐπὶ πέντε γενεὰσ καρπεῦσαι τὴν χώραν·

ὅθεν ἔχοντοσ τοῦ Ταύρου πολλὰσ καὶ μεγάλασ ὑδάτων ἀπορρύσεισ, πᾶσαν ἐπεδέχοντο δαπάνην καὶ κακοπάθειαν, ἐκ μακροῦ κατασκευάζοντεσ τοὺσ ὑπονόμουσ, ὥστε κατὰ τοὺσ νῦν καιροὺσ μηδὲ τοὺσ χρωμένουσ τοῖσ ὕδασι γινώσκειν τὰσ ἀρχὰσ τῶν ὑπονόμων πόθεν ἔχουσι τὰσ ἐπιρρύσεισ.

πλὴν ὁρῶν Ἀρσάκησ ἐπιβαλόμενον αὐτὸν τῇ διὰ τῆσ ἐρήμου πορείᾳ, τὸ τηνικάδε χωννύειν καὶ φθείρειν ἐνεχείρησε τὰσ φρεατίασ.

ὁ δὲ βασιλεύσ, ἐξαγγελθέντοσ αὐτῷ, πάλιν ἐξαπέστειλε τοὺσ περὶ Νικομήδην μετὰ χιλίων ἱππέων, οἳ καὶ καταλαβόντεσ τὸν Ἀρσάκην μετὰ τῆσ δυνάμεωσ ὑποκεχωρηκότα, τινὰσ δὲ τῶν ἱππέων φθείροντασ τὰ στόματα τῶν ὑπονόμων, τούτουσ μὲν ἐξ ἐφόδου τρεψάμενοι φυγεῖν ἠνάγκασαν, αὐτοὶ δὲ πάλιν ἀνεχώρησαν ὡσ τὸν Ἀντίοχον.

ὁ δὲ βασιλεὺσ διανύσασ τὴν ἔρημον ἧκε πρὸσ τὴν Ἑκατόμπυλον προσαγορευομένην, ἣ κεῖται μὲν ἐν μέσῃ τῇ Παρθυηνῇ, τῶν δὲ διόδων τῶν φερουσῶν ἐπὶ πάντασ τοὺσ πέριξ τόπουσ ἐνταῦθα συμπιπτουσῶν ἀπὸ τοῦ συμβαίνοντοσ ὁ τόποσ εἴληφε τὴν προσηγορίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 10, chapter 28

(폴리비오스, Histories, book 10, chapter 28)

상위

목록

SEARCH

MENU NAVIGATION