헬라어 문장 검색 - ΠολψβίΗιστορί10́027́

(폴리비오스, Histories, book 10, iv. res asiae)

Ἔστι τοίνυν ἡ Μηδία κατά τε τὸ μέγεθοσ τῆσ χώρασ ἀξιοχρεωτάτη τῶν κατὰ τὴν Ἀσίαν δυναστειῶν καὶ κατὰ τὸ πλῆθοσ καὶ κατὰ τὰσ ἀρετὰσ τῶν ἀνδρῶν, ὁμοίωσ δὲ καὶ τῶν ἵππων· τοῖσ γὰρ ζῴοισ τούτοισ σχεδὸν ἅπασαν χορηγεῖ τὴν Ἀσίαν τῷ καὶ τὰ βασιλικὰ συστήματα τῶν ἱπποτροφιῶν Μήδοισ ἐπιτετράφθαι διὰ τὴν τῶν τόπων εὐφυί̈αν.

περιοικεῖται δὲ πόλεσιν Ἑλληνίσι κατὰ τὴν ὑφήγησιν τὴν Ἀλεξάνδρου, φυλακῆσ ἕνεκεν τῶν συγκυρούντων αὐτῇ βαρβάρων πλὴν Ἐκβατάνων.

ἦν δὲ βασίλειον ἐξ ἀρχῆσ Μήδων, πλούτῳ δὲ καὶ τῇ τῆσ κατασκευῆσ πολυτελείᾳ μέγα τι παρὰ τὰσ ἄλλασ δοκεῖ διενηνοχέναι πόλεισ.

κεῖται μὲν οὖν ὑπὸ τὴν παρώρειαν τὴν παρὰ τὸν Ὀρόντην, ἀτείχιστοσ οὖσα, ἄκραν δ’ ἐν αὑτῇ χειροποίητον ἔχει, θαυμασίωσ πρὸσ ὀχυρότητα κατεσκευασμένην.

ὑπὸ δὲ ταύτην ἐστὶ βασίλεια, περὶ ὧν καὶ τὸ λέγειν κατὰ μέροσ καὶ τὸ παρασιωπᾶν ἔχει τιν’ ἀπορίαν·

τοῖσ μὲν γὰρ αἱρουμένοισ τὰσ ἐκπληκτικὰσ τῶν διηγήσεων προφέρεσθαι καὶ μετ’ αὐξήσεωσ ἔνια καὶ διαθέσεωσ εἰθισμένοισ ἐξαγγέλλειν καλλίστην ὑπόθεσιν ἡ προειρημένη πόλισ ἔχει, τοῖσ δ’ εὐλαβῶσ προσπορευομένοισ πρὸσ πᾶν τὸ παρὰ τὴν κοινὴν ἔννοιαν λεγόμενον ἀπορίαν παρασκευάζει καὶ δυσχρηστίαν.

πλὴν ἔστι γε τὰ βασίλεια τῷ μὲν μεγέθει σχεδὸν ἑπτὰ σταδίων ἔχοντα τὴν περιγραφήν, τῇ δὲ τῶν κατὰ μέροσ κατασκευασμάτων πολυτελείᾳ μεγάλην ἐμφαίνοντα τὴν τῶν ἐξ ἀρχῆσ καταβαλλομένων εὐκαιρίαν.

οὔσησ γὰρ τῆσ ξυλείασ ἁπάσησ κεδρίνησ καὶ κυπαριττίνησ, οὐδεμίαν αὐτῶν γεγυμνῶσθαι συνέβαινεν, ἀλλὰ καὶ τὰσ δοκοὺσ καὶ τὰ φατνώματα καὶ τοὺσ κίονασ τοὺσ ἐν ταῖσ στοαῖσ καὶ περιστύλοισ, τοὺσ μὲν ἀργυραῖσ, τοὺσ δὲ χρυσαῖσ λεπίσι περιειλῆφθαι, τὰσ δὲ κεραμίδασ ἀργυρᾶσ εἶναι πάσασ.

τούτων δὲ τὰ μὲν πλεῖστα συνέβη λεπισθῆναι κατὰ τὴν Ἀλεξάνδρου καὶ Μακεδόνων ἔφοδον, τὰ δὲ λοιπὰ κατὰ τὴν Ἀντιγόνου καὶ Σελεύκου τοῦ Νικάνοροσ δυναστείαν.

ὅμωσ δὲ κατὰ τὴν Ἀντιόχου παρουσίαν ὅ τε ναὸσ αὐτὸσ ὁ τῆσ Αἴνησ προσαγορευόμενοσ ἔτι τοὺσ κίονασ εἶχε τοὺσ πέριξ κεχρυσωμένουσ, καὶ κεραμίδεσ ἀργυραῖ καὶ πλείουσ ἐν αὐτῷ συνετέθειντο, πλίνθοι δὲ χρυσαῖ τινεσ ὀλίγαι μὲν ἦσαν, ἀργυραῖ δὲ καὶ πλείουσ ὑπέμενον.

ἐκ δὲ πάντων τῶν προειρημένων τὸ χαραχθὲν εἰσ τὸ βασιλικὸν ἡθροίσθη νόμισμα μικρῷ λεῖπον τετρακισχιλίων ταλάντων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 10, iv. res asiae

(폴리비오스, Histories, book 10, iv. res asiae)

상위

목록

SEARCH

MENU NAVIGATION