헬라어 문장 검색 - ΠολψβίΗιστορί10́026́

(폴리비오스, Histories, book 10, chapter 26)

Ὅτι Φίλιπποσ ὁ βασιλεὺσ Μακεδόνων μετὰ τὸ ἐκτελέσαι τὸν τῶν Νεμέων ἀγῶνα αὖθισ εἰσ Ἄργοσ ἐπανῆλθε καὶ τὸ μὲν διάδημα καὶ τὴν πορφύραν ἀπέθετο, βουλόμενοσ αὑτὸν ἴσον τοῖσ πολλοῖσ καὶ πρᾷόν τινα καὶ δημοτικὸν ὑπογράφειν. ὅσῳ δὲ τὴν ἐσθῆτα δημοτικωτέραν περιετίθετο, τοσούτῳ τὴν ἐξουσίαν ἐλάμβανε μείζω καὶ μοναρχικωτέραν.

οὐ γὰρ ἔτι τὰσ χήρασ ἐπείρα γυναῖκασ οὐδὲ τὰσ ὑπάνδρουσ ἠρκεῖτο μοιχεύων, ἀλλ’ ἐκ προστάγματοσ ἣν αὐτῷ φανείη, προσπέμψασ ἐκάλει, ταῖσ δὲ μὴ προχείρωσ συνυπακουούσαισ ἐνύβριζε, κώμουσ ποιούμενοσ ἐπὶ τὰσ οἰκίασ.

καὶ τῶν μὲν τοὺσ υἱεῖσ, τῶν δὲ τοὺσ ἄνδρασ ἀνακαλούμενοσ ἐπὶ προφάσεσιν ἀλόγοισ διέσειε, καὶ πολλὴν ἀσέλγειαν ἐναπεδείκνυτο καὶ παρανομίαν.

διὸ καὶ χρώμενοσ τῇ κατὰ τὴν παρεπιδημίαν ἐξουσίᾳ ἀνέδην πολλοὺσ ἐλύπει τῶν Ἀχαιῶν, καὶ μάλιστα τοὺσ μετρίουσ ἄνδρασ.

πιεζόμενοι δὲ διὰ τὸ πανταχόθεν αὐτοῖσ περιεστάναι τὸν πόλεμον ἠναγκάζοντο καρτερεῖν καὶ φέρειν τὰ παρὰ φύσιν.

Ὅτι [Φιλίππου] οὐκ ἂν ἀγαθὰ μείζω τισ σχοίη πρὸσ βασιλείαν οὐδεὶσ τῶν πρότερον οὐδὲ κακὰ τούτου τοῦ βασιλέωσ.

καί μοι δοκεῖ τὰ μὲν ἀγαθὰ φύσει περὶ αὐτὸν ὑπάρξαι, τὰ δὲ κακὰ προβαίνοντι κατὰ τὴν ἡλικίαν ἐπιγενέσθαι, καθάπερ ἐνίοισ ἐπιγίνεται γηράσκουσι τῶν ἵππων.

νομίζοντεσ ταύτην οἰκειοτέραν εἶναι καὶ τοῖσ γράφουσι καὶ τοῖσ ἀναγινώσκουσι τὴν ἐπισημασίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 10, chapter 26

(폴리비오스, Histories, book 10, chapter 26)

상위

목록

SEARCH

MENU NAVIGATION