헬라어 문장 검색 - ΠολψβίΗιστορί10́019́

(폴리비오스, Histories, book 10, chapter 19)

Μετὰ ταῦτα παρεδίδου τοῖσ ταμίαισ [τὰ χρήματα], ὅσα δημόσια κατελήφθη τῶν Καρχηδονίων. ἦν δὲ ταῦτα πλείω τῶν ἑξακοσίων ταλάντων, ὥστε προστεθέντων τούτων οἷσ παρῆν αὐτὸσ ἐκ Ῥώμησ ἔχων τετρακοσίοισ, τὴν ὅλην παράθεσιν αὐτῷ γενέσθαι τῆσ χορηγίασ πλείω τῶν χιλίων.

Κατὰ δὲ τὸν καιρὸν τοῦτον νεανίσκοι τινὲσ τῶν Ῥωμαίων ἐπιτυχόντεσ παρθένῳ κατὰ τὴν ἀκμὴν καὶ κατὰ τὸ κάλλοσ διαφερούσῃ τῶν ἄλλων γυναικῶν, καὶ συνιδόντεσ φιλογύνην ὄντα τὸν Πόπλιον, ἧκον αὐτὴν ἄγοντεσ καὶ παραστήσαντεσ ἔφασκον αὐτῷ δωρεῖσθαι τὴν κόρην.

ὡσ μὲν ἐμοὶ δοκεῖ, τοῦτ’ αἰνιττόμενοσ διὰ τῆσ ἀποφάσεωσ, διότι κατὰ μὲν τὰσ ἀναπαύσεισ ἐνίοτε καὶ ῥᾳθυμίασ ἐν τῷ ζῆν ἡδίστασ τοῖσ νέοισ ἀπολαύσεισ τὰ τοιαῦτα παρέχεται καὶ διατριβάσ, ἐν δὲ τοῖσ τοῦ πράττειν καιροῖσ μέγιστα γίνεται καὶ κατὰ σῶμα καὶ κατὰ ψυχὴν ἐμπόδια τοῖσ χρωμένοισ.

τοῖσ μὲν οὖν νεανίσκοισ ἔφη χάριν ἔχειν, τὸν δὲ τῆσ παρθένου πατέρα καλέσασ καὶ δοὺσ αὐτὴν ἐκ χειρὸσ ἐκέλευε συνοικίζειν ᾧ ποτ’ ἂν προαιρῆται τῶν πολιτῶν.

δι’ ὧν καὶ τὰ τῆσ ἐγκρατείασ καὶ τὰ τῆσ μετριότητοσ ἐμφαίνων μεγάλην ἀποδοχὴν ἐνειργάζετο τοῖσ ὑποταττομένοισ.

καὶ τὰ λοιπὰ τῶν αἰχμαλώτων παραδοὺσ τοῖσ χιλιάρχοισ, ἐξέπεμψε Γάιον τὸν Λαίλιον ἐπὶ πεντήρουσ εἰσ τὴν Ῥώμην, τούσ τε Καρχηδονίουσ συστήσασ καὶ τῶν ἄλλων αἰχμαλώτων τοὺσ ἐπιφανεστάτουσ, δηλώσοντα τοῖσ ἐν τῇ πατρίδι τὰ γεγονότα.

τὸ γὰρ πλεῖον αὐτῶν ἤδη τὰ κατὰ τὴν Ἰβηρίαν ἀπηλπικότων, σαφῶσ ᾔδει διότι τούτων προσαγγελθέντων αὖθισ ἀναθαρρήσαντεσ πολλαπλασίωσ συνεπιλήψονται τῶν πραγμάτων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 10, chapter 19

(폴리비오스, Histories, book 10, chapter 19)

상위

목록

SEARCH

MENU NAVIGATION