헬라어 문장 검색 - ΠολψβίΗιστορί10́017́

(폴리비오스, Histories, book 10, chapter 17)

λιστα τοὺσ ἄλλουσ εἰώθε βλάπτειν. ἐπειδὴ γὰρ οἱ πλεῖστοι τῶν ἀνθρώπων κακοπαθοῦσι καὶ κινδυνεύουσι τοῦ κέρδουσ ἕνεκεν, φανερὸν ὡσ, ὅταν ὁ καιρὸσ οὗτοσ ὑποπέσῃ, δυσχερῶσ εἰκὸσ ἀπέχεσθαι τοὺσ ἐν ταῖσ ἐφεδρείαισ ἢ στρατοπεδείαισ ἀπολειπομένουσ διὰ τὸ [τοὺσ] παρὰ τοῖσ πλείστοισ πᾶν τὸ ληφθὲν εἶναι τοῦ κυριεύσαντοσ· καὶ γὰρ ἂν ὅλωσ μόναρχοσ ἢ στρατηγὸσ ἐπιμελὴσ ἀναφέρειν εἰσ τὸ κοινὸν ἐπιτάξῃ τὰσ ὠφελείασ, ὅμωσ τὰ δυνατὰ κρύπτεσθαι πάντεσ ἴδια νομίζουσι.

διὸ τῶν πολλῶν ὁρμώντων ἐπὶ τοῦτο τὸ μέροσ οὐ δυνάμενοι κρατεῖν κινδυνεύουσι τοῖσ ὅλοισ·

καὶ πολλοὶ δή τινεσ κατορθώσαντεσ τὰσ ἐπιβολάσ, καὶ ποτὲ μὲν ἐπιπεσόντεσ ταῖσ τῶν πολεμίων παρεμβολαῖσ, ποτὲ δὲ καταλαβόμενοι πόλεισ, οὐ μόνον ἐξέπεσον, ἀλλὰ καὶ τοῖσ ὅλοισ ἐσφάλησαν παρ’ οὐδὲν ἢ τὴν προειρημένην αἰτίαν.

διὸ δεῖ περὶ μηδὲν οὕτω σπουδάζειν καὶ προνοεῖσθαι τοὺσ ἡγουμένουσ ὡσ περὶ τοῦτο τὸ μέροσ, ἵνα, καθ’ ὅσον ἐστὶ δυνατόν, ὑπάρχῃ παρὰ τοῖσ πολλοῖσ ἐλπὶσ ὡσ ἐξ ἴσου πᾶσι τῆσ ὠφελείασ οὔσησ, ἐάν τισ ὑποπίπτῃ τοιοῦτοσ καιρόσ.

Πλὴν οἱ μὲν χιλίαρχοι τότε περὶ τὴν τῶν λαφύρων ἦσαν οἰκονομίαν·

ὁ δὲ στρατηγὸσ τῶν Ῥωμαίων, ἐπεὶ συνήχθη τὸ τῶν αἰχμαλώτων πλῆθοσ, ὃ συνέβη γενέσθαι μικρῷ λεῖπον τῶν μυρίων, συνέταξε χωρισθῆναι πρῶτον μὲν τοὺσ πολιτικοὺσ ἄνδρασ τε καὶ γυναῖκασ καὶ τὰ τούτων τέκνα, δεύτερον δὲ τοὺσ χειροτέχνασ. γενομένου δὲ τούτου, τοὺσ μὲν πολιτικοὺσ παρακαλέσασ εὐνοεῖν Ῥωμαίοισ καὶ μνημονεύειν τῆσ εὐεργεσίασ ἀπέλυσε πάντασ ἐπὶ τὰσ ἰδίασ οἰκήσεισ.

οὗτοι μὲν οὖν ἅμα δακρύοντεσ καὶ χαίροντεσ ἐπὶ τῷ παραδόξῳ τῆσ σωτηρίασ, προσκυνήσαντεσ τὸν στρατηγὸν διελύθησαν·

τοῖσ δὲ χειροτέχναισ κατὰ τὸ παρὸν εἶπε διότι δημόσιοι τῆσ Ῥώμησ εἰσί·

παρασχομένοισ δὲ τὴν εὔνοιαν καὶ προθυμίαν ἑκάστοισ κατὰ τὰσ αὑτῶν τέχνασ ἐπηγγείλατο τὴν ἐλευθερίαν, κατὰ νοῦν χωρήσαντοσ τοῦ πρὸσ τοὺσ Καρχηδονίουσ πολέμου. καὶ τούτουσ μὲν ἀπογράφεσθαι προσέταξε πρὸσ τὸν ταμίαν, συστήσασ Ῥωμαϊκὸν ἐπιμελητὴν κατὰ τριάκοντα·

τὸ γὰρ πᾶν πλῆθοσ ἐγένετο τούτων περὶ δισχιλίουσ. καὶ ποιήσασ ἡμιολίουσ τοὺσ πάντασ ναύτασ ἢ πρόσθεν συνεπλήρωσε καὶ τὰσ αἰχμαλώτουσ νῆασ, ὥστε τοὺσ ἄνδρασ ἑκάστῳ σκάφει βραχύ τι λείπειν τοῦ διπλασίουσ εἶναι τοὺσ ὑπάρχοντασ τῶν προγενομένων·

αἱ μὲν γὰρ αἰχμάλωτοι νῆεσ ἦσαν ὀκτωκαίδεκα τὸν ἀριθμόν, αἱ δ’ ἐξ ἀρχῆσ πέντε καὶ τριάκοντα.

παραπλησίωσ δὲ καὶ τούτοισ ἐπηγγείλατο τὴν ἐλευθερίαν, παρασχομένοισ τὴν αὑτῶν εὔνοιαν καὶ προθυμίαν, ἐπειδὰν κρατήσωσι τῷ πολέμῳ τῶν Καρχηδονίων.

τοῦτον δὲ χειρίσασ τὸν τρόπον τὰ κατὰ τοὺσ αἰχμαλώτουσ μεγάλην μὲν εὔνοιαν καὶ πίστιν ἐνειργάσατο τοῖσ πολιτικοῖσ καὶ πρὸσ αὑτὸν καὶ πρὸσ τὰ κοινὰ πράγματα, μεγάλην δὲ προθυμίαν τοῖσ χειροτέχναισ διὰ τὴν ἐλπίδα τῆσ ἐλευθερίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 10, chapter 17

(폴리비오스, Histories, book 10, chapter 17)

상위

목록

SEARCH

MENU NAVIGATION