헬라어 문장 검색 - ΠολψβίΗιστορί10́014́

(폴리비오스, Histories, book 10, chapter 14)

Οἱ μὲν οὖν ἔνδον περιχαρεῖσ ἦσαν ὡσ ἀποτετριμμένοι τὸν κίνδυνον· κατὰ δὲ τὴν πύλην καὶ τὸν ἰσθμὸν νεαλεῖσ ποιήσασ τοὺσ στρατιώτασ καὶ παρακαλέσασ προσανέδωκε κλίμακασ πλείουσ τῶν πρότερον, ὥστε συνεχῶσ πλῆρεσ γενέσθαι τὸ τεῖχοσ τῶν προσβαινόντων.

ἅμα δὲ τῷ σημῆναι τὸ πολεμικὸν καὶ προσθέντασ τῷ τείχει τὰσ κλίμακασ προσβαίνειν κατὰ πάντα τὰ μέρη τεθαρρηκότωσ μεγάλην συνέβαινε ταραχὴν καὶ διατροπὴν γίνεσθαι τῶν ἔνδον.

νομίζοντεσ γὰρ ἀπολελύσθαι τῆσ περιστάσεωσ, αὖθισ ἀρχὴν ἑώρων λαμβάνοντα τὸν κίνδυνον ἐξ ἄλλησ ὁρμῆσ·

ἅμα δὲ καὶ τῶν βελῶν αὐτοὺσ ἤδη λειπόντων, καὶ τοῦ πλήθουσ τῶν ἀπολωλότων εἰσ ἀθυμίαν ἄγοντοσ, δυσχερῶσ μὲν ἔφερον τὸ γινόμενον, οὐ μὴν ἀλλ’ ἠμύνοντο δυνατῶσ.

καὶ τὰ μὲν ἄκρα τῆσ λίμνησ ἀπέλειπε τὸ ὕδωρ κατὰ βραχύ, διὰ δὲ τοῦ στόματοσ ὁ ῥοῦσ εἰσ τὴν συνεχῆ θάλατταν ἅθρουσ ἐφέρετο καὶ πολύσ, ὥστε τοῖσ ἀπρονοήτωσ θεωμένοισ ἄπιστον φαίνεσθαι τὸ γινόμενον.

ὁ δὲ Πόπλιοσ ἔχων ἑτοίμουσ τοὺσ καθηγεμόνασ ἐμβαίνειν παρεκελεύετο καὶ θαρρεῖν τοὺσ πρὸσ τὴν χρείαν ταύτην ἡτοιμασμένουσ·

καὶ γὰρ ἦν εὖ πεφυκώσ, εἰ καὶ πρὸσ ἄλλο τι, πρὸσ τὸ θάρσοσ ἐμβαλεῖν καὶ συμπαθεῖσ ποιῆσαι τοὺσ παρακαλουμένουσ.

τότε δὴ πειθαρχησάντων αὐτῶν καὶ διὰ τοῦ τέλματοσ ἁμιλλωμένων, ἅπαν τὸ στρατόπεδον ὑπέλαβε μετά τινοσ θεοῦ προνοίασ γίνεσθαι τὸ συμβαῖνον.

ἐξ οὗ καὶ μνησθέντεσ τῶν κατὰ τὸν Ποσειδῶ καὶ τῆσ τοῦ Ποπλίου κατὰ τὴν παράκλησιν ἐπαγγελίασ, ἐπὶ τοσοῦτο ταῖσ ψυχαῖσ παρωρμήθησαν ὡσ συμφράξαντεσ καὶ βιασάμενοι πρὸσ τὴν πύλην ἔξωθεν ἐπεχείρουν διακόπτειν τοῖσ πελέκεσι καὶ ταῖσ ἀξίναισ τὰσ θύρασ.

τὸ δὲ πλεῖστον, ὑπὸ τῆσ ἀτάκτου κραυγῆσ καὶ τῆσ συμμίκτου πολυοχλίασ οὐ δυναμένων οὔτ’ ἀκούειν οὔτε συνορᾶν τῶν δεόντων οὐδέν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 10, chapter 14

(폴리비오스, Histories, book 10, chapter 14)

상위

목록

SEARCH

MENU NAVIGATION