헬라어 문장 검색 - ΠολψβίΗιστορί10́005́

(폴리비오스, Histories, book 10, chapter 5)

καὶ τῇ μὲν οὐδ’ ἐν νῷ τὸ ῥηθὲν ἦν, ὁ δὲ λαβὼν πρῶτον λαμπρὰν ἐσθῆτα κοιμωμένησ ἔτι τῆσ μητρὸσ παρῆν εἰσ τὴν ἀγοράν. οὐ μόνον τῷ Ποπλίῳ περιέθεσαν οἱ πολλοὶ τὴν ἀρχήν, ἀλλὰ καὶ τἀδελφῷ δι’ ἐκεῖνον, καὶ παρῆσαν ἐπὶ τὴν οἰκίαν ἀμφότεροι γεγονότεσ ἀγορανόμοι.

ὥστε τὸν Πόπλιον ἐκ τοῦ συμβαίνοντοσ δοκεῖν πᾶσι τοῖσ προακηκοόσι τῶν ἐνυπνίων μὴ μόνον κατὰ τὸν ὕπνον, ἔτι δὲ μᾶλλον ὕπαρ καὶ μεθ’ ἡμέραν διαλέγεσθαι τοῖσ θεοῖσ.

ὧν οὐδὲν ἦν ἐνύπνιον, ἀλλ’ ὑπάρχων εὐεργετικὸσ καὶ μεγαλόδωροσ καὶ προσφιλὴσ κατὰ τὴν ἀπάντησιν συνελογίσατο τὴν τοῦ πλήθουσ πρὸσ αὑτὸν εὔνοιαν.

λοιπὸν πρόσ τε τὸν τοῦ δήμου καὶ τὸν τῆσ μητρὸσ καιρὸν ἁρμοσάμενοσ εὐστόχωσ οὐ μόνον καθίκετο τῆσ προθέσεωσ, ἀλλὰ καὶ μετά τινοσ ἐδόκει θείασ ἐπιπνοίασ αὐτὸ πράττειν.

οἱ γὰρ μὴ δυνάμενοι τοὺσ καιροὺσ μηδὲ τὰσ αἰτίασ καὶ διαθέσεισ ἑκάστων ἀκριβῶσ συνθεωρεῖν, ἢ διὰ φαυλότητα φύσεωσ ἢ δι’ ἀπειρίαν καὶ ῥᾳθυμίαν, εἰσ θεοὺσ καὶ τύχασ ἀναφέρουσι τὰσ αἰτίασ τῶν δι’ ἀγχίνοιαν ἐκ λογισμοῦ καὶ προνοίασ ἐπιτελουμένων.

Ταῦτα μὲν οὖν εἰρήσθω μοι χάριν τῶν ἀκουόντων, ἵνα μὴ συγκαταφερόμενοι ψευδῶσ τῇ καθωμιλημένῃ δόξῃ περὶ αὐτοῦ παραπέμπωσι τὰ σεμνότατα καὶ κάλλιστα τἀνδρόσ, λέγω δὲ τὴν ἐπιδεξιότητα καὶ φιλοπονίαν.

ἔτι δὲ μᾶλλον ἔσται τοῦτο συμφανὲσ ἐπ’ αὐτῶν τῶν πράξεων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 10, chapter 5

(폴리비오스, Histories, book 10, chapter 5)

상위

목록

SEARCH

MENU NAVIGATION