헬라어 문장 검색 - ΠολψβίΗιστορί10́003́

(폴리비오스, Histories, book 10, chapter 3)

Ἐκεῖνοσ γὰρ ὅτι μὲν ἦν εὐεργετικὸσ καὶ μεγαλόψυχοσ ὁμολογεῖται, διότι δ’ ἀγχίνουσ καὶ νήπτησ καὶ τῇ διανοίᾳ περὶ τὸ προτεθὲν ἐντεταμένοσ, οὐθεὶσ ἂν συγχωρήσειε πλὴν τῶν συμβεβιωκότων καὶ τεθεαμένων ὑπ’ αὐγὰσ αὐτοῦ τὴν φύσιν. ὧν εἷσ ἦν Γάιοσ Λαίλιοσ, ἀπὸ νέου μετεσχηκὼσ αὐτῷ παντὸσ ἔργου καὶ λόγου μέχρι τελευτῆσ, ὁ ταύτην περὶ αὐτοῦ τὴν δόξαν ἡμῖν ἐνεργασάμενοσ διὰ τὸ δοκεῖν εἰκότα λέγειν καὶ σύμφωνα τοῖσ ὑπ’ ἐκείνου πεπραγμένοισ.

ἔφη γὰρ πρώτην γεγονέναι Ποπλίου πρᾶξιν ἐπίσημον, καθ’ ὃν καιρὸν ὁ πατὴρ αὐτοῦ τὴν ἱππομαχίαν συνεστήσατο πρὸσ Ἀννίβαν περὶ τὸν Πάδον καλούμενον ποταμόν.

τῶν δ’ ἐπὶ ποσὸν κατορρωδούντων διὰ τὸ πλῆθοσ τῶν περιεστώτων πολεμίων, αὐτὸσ εἰσελάσαι παραβόλωσ δοκεῖ καὶ τολμηρῶσ εἰσ τοὺσ περικεχυμένουσ.

μετὰ δὲ ταῦτα καὶ τῶν ἄλλων ἀναγκασθέντων ἐμβαλεῖν οἱ μὲν πολέμιοι καταπλαγέντεσ διέστησαν, ὁ δὲ Πόπλιοσ ἀνελπίστωσ σωθεὶσ πρῶτοσ αὐτὸσ τὸν υἱὸν σωτῆρα προσεφώνησε πάντων ἀκουόντων.

περιγενομένησ δ’ αὐτῷ τῆσ ἐπ’ ἀνδρείᾳ φήμησ ὁμολογουμένησ διὰ τὴν προειρημένην χρείαν, λοιπὸν ἤδη πάντωσ αὑτὸν ἐδίδου κατὰ τοὺσ ὕστερον καιροὺσ εἰσ τοὺσ κατ’ ἰδίαν κινδύνουσ, ὅτ’ εἰσ αὐτὸν ἀναρτηθεῖεν ὑπὸ τῆσ πατρίδοσ αἱ τῶν ὅλων ἐλπίδεσ·

ὅπερ ἴδιόν ἐστιν οὐ τῇ τύχῃ πιστεύοντοσ, ἀλλὰ νοῦν ἔχοντοσ ἡγεμόνοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 10, chapter 3

(폴리비오스, Histories, book 10, chapter 3)

상위

목록

SEARCH

MENU NAVIGATION