헬라어 문장 검색 - Πλυταρ́Τιβεριύ21́

(플루타르코스, Tiberius Gracchus, chapter 21)

ἡ δὲ βουλὴ θεραπεύουσα τὸν δῆμον ἐκ τῶν παρόντων οὔτε πρὸσ τὴν διανομὴν ἔτι τῆσ χώρασ ἠναντιοῦτο, καὶ ἀντὶ τοῦ Τιβερίου προὔθηκε τοῖσ πολλοῖσ ὁριστὴν ἑλέσθαι. λαβόντεσ δὲ τὰσ ψήφουσ εἵλοντο Πόπλιον Κράσσον, οἰκεῖον ὄντα Γράγχῳ· θυγάτηρ γὰρ αὐτοῦ Λικιννία Γαϊῴ Γράγχῳ συνῴκει. καίτοι Νέπωσ ὁ Κορνήλιόσ φησιν οὐ Κράσσου, Βρούτου δὲ τοῦ θριαμβεύσαντοσ ἀπὸ Λυσιτανῶν θυγατέρα γῆμαι Γάιον·

ἀλλὰ οἱ πλείουσ ὡσ ἡμεῖσ γράφομεν ἱστοροῦσιν. ἐπεὶ δὲ χαλεπῶσ μὲν ὁ δῆμοσ εἶχε τῷ θανάτῳ τοῦ Τιβερίου καὶ φανερὸσ ἦν ἀμύνησ περιμένων καιρόν, ἤδη δὲ καὶ δίκαι τῷ Νασικᾷ προανεσείοντο, δείσασα περὶ τοῦ ἀνδρὸσ ἡ βουλὴ ψηφίζεται μηδὲν δεομένη πέμπειν αὐτὸν εἰσ Ἀσίαν. οὐ γὰρ ἀπεκρύπτοντο κατὰ τὰσ ἀπαντήσεισ οἱ ἄνθρωποι τὴν δυσμένειαν, ἀλλ’ ἐξηγριαίνοντο καὶ κατεβόων ὅπου προστύχοιεν, ἐναγῆ καὶ τύραννον καὶ μεμιαγκότα φόνῳ σώματοσ ἀσύλου καὶ ἱεροῦ τὸ ἁγιώτατον καὶ φρικωδέστατον ἐν τῇ πόλει τῶν ἱερῶν ἀποκαλοῦντεσ.

οὕτω μὲν ὑπεξῆλθε τῆσ Ἰταλίασ ὁ Νασικᾶσ, καίπερ ἐνδεδεμένοσ ταῖσ μεγίσταισ ἱερουργίαισ· ἦν γὰρ ὁ μέγιστοσ καὶ πρῶτοσ τῶν ἱερέων, ἔξω δὲ ἀλύων καὶ πλανώμενοσ ἀδόξωσ οὐ μετὰ πολὺν χρόνον κατέστρεψε περὶ Πέργαμον. οὐ δεῖ δὲ θαυμάζειν εἰ Νασικᾶν μεμίσηκεν οὕτωσ ὁ δῆμοσ, ὅπου καὶ Σκηπίων ὁ Ἀφρικανόσ, οὗ δοκοῦσι Ῥωμαῖοι μηδένα δικαιότερον μηδὲ μᾶλλον ἀγαπῆσαι, παρὰ μικρὸν ἦλθεν ἐκπεσεῖν καὶ στέρεσθαι τῆσ πρὸσ τὸν δῆμον εὐνοίασ, ὅτι πρῶτον μὲν ἐν Νομαντίᾳ τὴν τελευτὴν τοῦ Τιβερίου πυθόμενοσ ἀνεφώνησεν ἐκ τῶν Ὁμηρικῶν ὣσ ἀπόλοιτο καὶ ἄλλοσ ὅτισ τοιαῦτά γε ῥέζοι, ἔπειτα τῶν περὶ Γάϊον καὶ Φούλβιον αὐτοῦ δι’ ἐκκλησίασ πυνθανομένων τί φρονοίη περὶ τῆσ Τιβερίου τελευτῆσ, οὐκ ἀρεσκομένην τοῖσ ὑπ’ ἐκείνου πεπολιτευμένοισ ἀπόκρισιν ἔδωκεν.

ἐκ τούτου γὰρ ὁ μὲν δῆμοσ ἀντέκρουσεν αὐτῷ λέγοντι, μηδέπω τοῦτο ποιήσασ πρότερον, αὐτὸσ δὲ τὸν δῆμον εἰπεῖν κακῶσ προήχθη, περὶ μὲν τούτων ἐν τῷ Σκηπίωνοσ βίῳ τὰ καθ’ ἕκαστα γέγραπται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Tiberius Gracchus, chapter 21

(플루타르코스, Tiberius Gracchus, chapter 21)

상위

목록

SEARCH

MENU NAVIGATION