헬라어 문장 검색 - Πλυταρ́Τιβεριύ11́

(플루타르코스, Tiberius Gracchus, chapter 11)

ἐνστάσησ δὲ τῆσ ἡμέρασ καὶ τὸν δῆμον αὐτοῦ καλοῦντοσ ἐπὶ τὴν ψῆφον, ἡρπάσθησαν ὑπὸ τῶν πλουσίων αἱ ὑδρίαι, καὶ τὰ γινόμενα πολλὴν εἶχε σύγχυσιν. οὐ μὴν ἀλλὰ τῶν περὶ Τιβέριον πλήθει βιάσασθαι δυναμένων καὶ συστρεφομένων ἐπὶ τοῦτο, Μάλλιοσ καὶ Φούλβιοσ, ἄνδρεσ ὑπατικοὶ, προσπεσόντεσ τῷ Τιβερίῳ καὶ χειρῶν ἁπτόμενοι καὶ δακρύοντεσ ἐδέοντο παύσασθαι. τοῦ δὲ καὶ τὸ μέλλον ὅσον οὔπω δεινὸν ἤδη συμφρονοῦντοσ, καὶ δι’ αἰδῶ τῶν ἀνδρῶν πυθομένου τί κελεύουσι πράττειν αὐτόν, οὐκ ἔφασαν ἀξιόχρεῳ εἶναι πρὸσ τηλικαύτην συμβουλίαν, ἐπιτρέψαι δὲ τῇ βουλῇ κελεύοντεσ καὶ δεόμενοι συνέπεισαν.

ὡσ δὲ οὐδὲν ἐπέραινεν ἡ βουλὴ συνελθοῦσα διὰ τοὺσ πλουσίουσ ἰσχύοντασ ἐν αὐτῇ, τρέπεται πρὸσ ἔργον οὐ νόμιμον οὐδὲ ἐπιεικέσ, ἀφελέσθαι τῆσ ἀρχῆσ τὸν Ὀκτάβιον, ἀμηχανῶν ἄλλωσ ἐπαγαγεῖν τῷ νόμῳ τὴν ψῆφον. καὶ πρῶτον μὲν ἐδεῖτο φανερῶσ αὐτοῦ, λόγουσ τε προσφέρων φιλανθρώπουσ καὶ χειρῶν ἁπτόμενοσ, ἐνδοῦναι καὶ χαρίσασθαι τῷ δήμῳ δίκαια μὲν ἀξιοῦντι, μικρὰ δὲ ἀντὶ μεγάλων πόνων καὶ κινδύνων ληψομένῳ.

διωθουμένου δὲ τοῦ Ὀκταβίου τὴν ἔντευξιν ὑπειπὼν ὁ Τιβέριοσ ὡσ οὐκ ἔστιν ἄρχοντασ ἀμφοτέρουσ καὶ περὶ πραγμάτων μεγάλων ἀπ’ ἴσησ ἐξουσίασ διαφερομένουσ ἄνευ πολέμου διεξελθεῖν τὸν χρόνον, ἓν ἰάμα τούτου μόνον ὁρᾶν ἔφη τὸ παύσασθαι τῆσ ἀρχῆσ τὸν ἕτερον, καὶ περὶ αὐτοῦ γε προτέρου τὸν Ὀκτάβιον ἐκέλευσε τῷ δήμῳ ψῆφον ἀναδοῦναι καταβήσεσθαι γὰρ εὐθὺσ ἰδιώτησ γενόμενοσ, ἂν τοῦτο δόξῃ τοῖσ πολίταισ. τοῦ δὲ Ὀκταβίου μὴ θέλοντοσ αὐτὸσ ἔφη περὶ ἐκείνου ψῆφον ἀναδώσειν, ἐὰν μὴ μεταγνῷ βουλευσάμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Tiberius Gracchus, chapter 11

(플루타르코스, Tiberius Gracchus, chapter 11)

상위

목록

SEARCH

MENU NAVIGATION