헬라어 문장 검색 - Πλυταρ́Τιβεριύ06́

(플루타르코스, Tiberius Gracchus, chapter 6)

τὰ δὲ ἐν τῷ χάρακι ληφθέντα χρήματα πάντα κατέσχον οἱ Νομαντῖνοι καὶ διεπόρθησαν. ἐν δὲ τούτοισ καὶ πινακίδεσ ἦσαν τοῦ Τιβερίου, γράμματα καὶ λόγουσ ἔχουσαι τῆσ ταμιευτικῆσ ἀρχῆσ, ἃσ περὶ πολλοῦ ποιούμενοσ ἀπολαβεῖν, ἤδη τοῦ στρατοῦ προκεχωρηκότοσ ἀνέστρεψε πρὸσ τὴν πόλιν, ἔχων μεθ’ ἑαυτοῦ τρεῖσ ἢ τέτταρασ ἑταίρουσ, ἐκκαλέσασ δὲ τῶν Νομαντίνων τοὺσ ἄρχοντασ ἠξίου κομίσασθαι τὰσ δέλτουσ, ὡσ μὴ παράσχοι τοῖσ ἐχθροῖσ διαβολήν οὐκ ἔχων ἀπολογίσασθαι περὶ τῶν ᾠκονομημένων. ἡσθέντεσ οὖν οἱ Νομαντῖνοι τῇ συντυχίᾳ τῆσ χρείασ παρεκάλουν αὐτὸν εἰσελθεῖν εἰσ τὴν πόλιν·

ὡσ δὲ εἱστήκει βουλευόμενοσ, ἐγγὺσ προσελθόντεσ ἐνεφύοντο ταῖσ χερσὶ, καὶ λιπαρεῖσ ἦσαν δεόμενοι μηκέτι νομίζειν αὐτοὺσ πολεμίουσ, ἀλλ’ ὡσ φίλοισ χρῆσθαι καὶ πιστεύειν. ἔδοξεν οὖν τῷ Τιβερίῳ ταῦτα ποιεῖν, τῶν τε δέλτων περιεχομένῳ καὶ δεδοικότι παροξύνειν ὡσ ἀπιστουμένουσ τοὺσ Νομαντίνουσ.

εἰσελθόντι δὲ εἰσ τὴν πόλιν πρῶτον μὲν ἄριστον παρέθεσαν, καὶ πᾶσαν ἐποιήσαντο δέησιν ἐμφαγεῖν τι κοινῇ μετ’ αὐτῶν καθήμενον ἔπειτα τὰσ δέλτουσ ἀπέδοσαν, καὶ τῶν ἄλλων ἃ βούλοιτο χρημάτων λαβεῖν ἐκέλευον. ὁ δ’ οὐδὲν ἢ τὸν λιβανωτὸν ᾧ πρὸσ τὰσ δημοσίασ ἐχρῆτο θυσίασ λαβών, ἀπῆλθεν ἀσπασάμενοσ καὶ φιλοφρονηθεὶσ τοὺσ ἄνδρασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Tiberius Gracchus, chapter 6

(플루타르코스, Tiberius Gracchus, chapter 6)

상위

목록

SEARCH

MENU NAVIGATION