헬라어 문장 검색 - Πλυταρ́Τιβεριύ09́

(플루타르코스, Tiberius Gracchus, chapter 9)

οὐ μὴν ἐφ’ αὑτοῦ γε συνέθηκε τὸν νόμον, τοῖσ δὲ πρωτεύουσιν ἀρετῇ καὶ δόξῃ τῶν πολιτῶν συμβούλοισ χρησάμενοσ, ὧν καὶ Κράσσοσ ἦν ὁ ἀρχιερεὺσ καὶ Μούκιοσ Σκαιβόλασ ὁ νομοδείκτησ ὑπατεύων τότε καὶ Κλαύδιοσ Ἄππιοσ ὁ κηδεστὴσ τοῦ Τιβερίου. καὶ δοκεῖ νόμοσ εἰσ ἀδικίαν καὶ πλεονεξίαν τοσαύτην μηδέποτε πραότεροσ γραφῆναι καὶ μαλακώτεροσ.

ἀλλὰ καίπερ οὕτω τῆσ ἐπανορθώσεωσ οὔσησ εὐγνώμονοσ, ὁ μὲν δῆμοσ ἠγάπα, παρεὶσ τὰ γεγενημένα, παύσασθαι τὸ λοιπὸν ἀδικούμενοσ, οἱ δὲ πλούσιοι καὶ κτηματικοὶ πλεονεξίᾳ μὲν τὸν νόμον, ὀργῇ δὲ καὶ φιλονεικίᾳ τὸν νομοθέτην δι’ ἔχθουσ ἔχοντεσ, ἐπεχείρουν ἀποτρέπειν τὸν δῆμον, ὡσ γῆσ ἀναδασμὸν ἐπὶ συγχύσει τῆσ πολιτείασ εἰσάγοντοσ τοῦ Τιβερίου καὶ πάντα πράγματα κινοῦντοσ.

ἀλλ’ οὐδὲν ἐπέραινον ὁ γὰρ Τιβέριοσ πρὸσ καλὴν ὑπόθεσιν καὶ δικαίαν ἀγωνιζόμενοσ λόγῳ καὶ φαυλότερα κοσμῆσαι δυναμένῳ πράγματα δεινὸσ ἦν καὶ ἄμαχοσ, ὁπότε τοῦ δήμου τῷ βήματι περικεχυμένου καταστὰσ λέγοι περὶ τῶν πενήτων, ὡσ τὰ μὲν θηρία τὰ τὴν Ἰταλίαν νεμόμενα καὶ φωλεὸν ἔχει καὶ κοιταῖόν ἐστιν αὐτῶν ἑκάστῳ καὶ καταδύσεισ, τοῖσ δὲ ὑπὲρ τῆσ Ἰταλίασ μαχομένοισ καὶ ἀποθνῄσκουσιν ἀέροσ καὶ φωτόσ, ἄλλου δὲ οὐδενὸσ μέτεστιν, ἀλλ’ ἀοίκοι καὶ ἀνίδρυτοι μετὰ τέκνων πλανῶνται καὶ γυναικῶν, οἱ δὲ αὐτοκράτορεσ ψεύδονται τοὺσ στρατιώτασ ἐν ταῖσ μάχαισ παρακαλοῦντεσ ὑπὲρ τάφων καὶ ἱερῶν ἀμύνεσθαι τοὺσ πολεμίουσ·

οὐδενὶ γάρ ἐστιν οὐ βωμὸσ πατρῷοσ, οὐκ ἠρίον προγονικὸν τῶν τοσούτων ’ Ῥωμαίων, ἀλλ’ ὑπὲρ ἀλλοτρίασ τρυφῆσ καὶ πλούτου πολεμοῦσι καὶ ἀποθνῄσκουσι, κύριοι τῆσ οἰκουμένησ εἶναι λεγόμενοι, μίαν δὲ βῶλον ἰδίαν οὐκ ἔχοντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Tiberius Gracchus, chapter 9

(플루타르코스, Tiberius Gracchus, chapter 9)

상위

목록

SEARCH

MENU NAVIGATION