헬라어 문장 검색 - Πλυταρ́Τιβεριύ13́

(플루타르코스, Tiberius Gracchus, chapter 13)

ταῦτα τοῦ Τιβερίου διαπραξαμένου καθ’ ἡσυχίαν μηδενὸσ ἐνισταμένου, καὶ πρὸσ τούτοισ δήμαρχον ἀντικαταστήσαντοσ οὐδένα τῶν ἐπιφανῶν, ἀλλὰ Μούκιόν τινα, πελάτην αὐτοῦ, πρὸσ πάντα δυσχεραίνοντεσ οἱ δυνατοὶ καὶ φοβούμενοι τοῦ Τιβερίου τὴν αὔξησιν ἐν τῇ βουλῇ προεπηλάκιζον αὐτόν, αἰτουμένῳ μὲν, ὡσ ἔθοσ ἐστὶν, ἐκ δημοσίου σκηνήν, ὅπωσ ἔχοι διανέμων τὴν χώραν, οὐ δόντεσ, ἑτέρων ἐπ’ ἐλάττοσι χρείαισ πολλάκισ λαβόντων, ἀνάλωμα δὲ εἰσ ἑκάστην ἡμέραν ἐννέα ὀβολοὺσ τάξαντεσ, εἰσηγουμένου ταῦτα Ποπλίου Νασικᾶ καὶ δεδωκότοσ ἑαυτὸν εἰσ τὴν πρὸσ ἐκεῖνον ἔχθραν ἀφειδῶσ· πλείστην γὰρ ἐκέκτητο γῆν δημοσίαν, καὶ χαλεπῶσ ἔφερεν ἐκβαίνειν αὐτῆσ ἀναγκαζόμενοσ.

ὁ δὲ δῆμοσ ἔτι μᾶλλον ἐξεκᾴετο καὶ φίλου τινὸσ τῷ Τιβερίῳ τελευτήσαντοσ αἰφνιδίωσ καὶ σημείων τῷ νεκρῷ μοχθηρῶν ἐπιδραμόντων, βοῶντεσ ὑπὸ φαρμάκων ἀνῃρῆσθαι τὸν ἄνθρωπον ἐπὶ τὴν ἐκφορὰν συνέδραμον καὶ τὸ λέχοσ ἤραντο καὶ θαπτομένῳ παρέστησαν, οὐ φαύλωσ ὑπονοῆσαι τὴν φαρμακείαν δόξαντεσ.

ἐρράγη γὰρ ὁ νεκρὸσ καὶ διεφθορότων ὑγρῶν πλῆθοσ ἐξέβλυσεν, ὥστε ἀποσβέσαι τὴν φλόγα·

καὶ φερόντων ἄλλην αὖθισ οὐκ ἐκᾴετο πρὶν εἰσ ἕτερον τόπον μετακομισθῆναι, καὶ πολλὰ πραγματευσαμένων μόλισ ἥψατο τὸ πῦρ αὐτοῦ, πρὸσ ταῦτα τοὺσ πολλοὺσ ἔτι μᾶλλον ὁ Τιβέριοσ παροξύνων μετέβαλε τὴν ἐσθῆτα, καὶ τοὺσ παῖδασ προαγαγὼν ἐδεῖτο τοῦ δήμου τούτων κήδεσθαι καὶ τῆσ μητρόσ, ὡσ αὐτὸσ ἀπεγνωκὼσ ἑαυτόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Tiberius Gracchus, chapter 13

(플루타르코스, Tiberius Gracchus, chapter 13)

상위

목록

SEARCH

MENU NAVIGATION