헬라어 문장 검색 - Πλυταρ́Τιβεριύ12́

(플루타르코스, Tiberius Gracchus, chapter 12)

οὐσῶν δὲ πέντε καὶ τριάκοντα φυλῶν, ὡσ αἱ δεκαεπτὰ τὴν ψῆφον ἐπενηνόχεισαν καὶ μιᾶσ ἔτι προσγενομένησ ἔδει τὸν Ὀκτάβιον ἰδιώτην γενέσθαι, κελεύσασ ἐπισχεῖν αὖθισ ἐδεῖτο τοῦ Ὀκταβίου καὶ περιέβαλεν αὐτὸν ἐν ὄψει τοῦ δήμου καὶ κατησπάζετο, λιπαρῶν καὶ δεόμενοσ μήθ’ ἑαυτὸν ἄτιμον περιιδεῖν γενόμενον μήτ’ ἐκείνῳ βαρέοσ οὕτω καὶ σκυθρωποῦ πολιτεύματοσ αἰτίαν προσάψαι. τούτων τῶν δεήσεων οὐ παντελῶσ ἄτεγκτον οὐδ’ ἀτενῆ λέγουσιν ἀκροᾶσθαι τὸν Ὀκτάβιον, ἀλλὰ καὶ δακρύων ὑποπίμπλασθαι τὰ ὄμματα καὶ σιωπᾶν ἐπὶ πολὺν χρόνον, ὡσ μέντοι πρὸσ τοὺσ πλουσίουσ καὶ τοὺσ κτηματικοὺσ συνεστῶτασ ἀπέβλεψεν, αἰδεσθεὶσ δοκεῖ καὶ φοβηθεὶσ τὴν παρ’ ἐκείνοισ ἀδοξίαν ὑποστῆναι πᾶν δεινὸν οὐκ ἀγεννῶσ καὶ κελεῦσαι πράττειν ὃ βούλεται τὸν Τιβέριον, οὕτω δὴ τοῦ νόμου κυρωθέντοσ ὁ μὲν Τιβέριοσ τῶν ἀπελευθέρων τινὶ προσέταξεν ἀπὸ τοῦ βήματοσ ἑλκύσαι τὸν Ὀκτάβιον·

ἐχρῆτο δὲ ὑπηρέταισ ἀπελευθέροισ ἰδίοισ, καὶ τοῦτο τὴν ὄψιν οἰκτροτέραν τοῦ Ὀκταβίου παρέσχεν ἑλκομένου πρὸσ ὕβριν.

ὁ δὲ δῆμοσ ἐφώρμησεν αὐτῷ, καὶ τῶν πλουσίων συνδραμόντων καὶ διασχόντων τὰσ χεῖρασ, ὁ μὲν Ὀκτάβιοσ ἐσώθη μόλισ ἐξαρπαγεὶσ καὶ διαφυγὼν τὸν ὄχλον, οἰκέτην δὲ αὐτοῦ πιστὸν ἔμπροσθεν ἑστῶτα καὶ προτεταγμένον ἐξετύφλωσαν, ἄκοντοσ τὸν Τιβερίου, καὶ πρὸσ τὸν θόρυβον, ὡσ ᾔσθετο τὰ γινόμενα, πολλῇ σπουδῇ καταδραμόντοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Tiberius Gracchus, chapter 12

(플루타르코스, Tiberius Gracchus, chapter 12)

상위

목록

SEARCH

MENU NAVIGATION