헬라어 문장 검색 - Πλυταρ́Τιβεριύ10́

(플루타르코스, Tiberius Gracchus, chapter 10)

τούτουσ ἀπὸ φρονήματοσ μεγάλου καὶ πάθουσ ἀληθινοῦ τοὺσ λόγουσ κατιόντασ εἰσ τὸν δῆμον ἐνθουσιῶντα καὶ συνεξανιστάμενον οὐδεὶσ ὑφίστατο τῶν ἐναντίων, ἐάσαντεσ οὖν τὸ ἀντιλέγειν ἐπὶ Μᾶρκον Ὀκτάβιον τρέπονται τῶν δημάρχων ἕνα, νεανίαν ἐμβριθῆ τὸ ἦθοσ καὶ κόσμιον, ἑταῖρον δὲ τοῦ Τιβερίου καὶ συνήθη, διὸ τὸ μὲν πρῶτον αἰδούμενοσ ἐκεῖνον ἀνεδύετο· πολλῶν δὲ καὶ δυνατῶν δεομένων καὶ λιπαρούντων ὥσπερ ἐκβιασθεὶσ ἀντικαθίστατο τῷ Τιβερίῳ καὶ διεκρούετο τὸν νόμον.

ἔστι δὲ τοῦ κωλύοντοσ ἐν τοῖσ δημάρχοισ τὸ κράτοσ· οὐδὲν γὰρ οἱ πολλοὶ κελεύοντεσ περαίνουσιν ἑνὸσ ἐνισταμένου. πρὸσ τοῦτο παροξυνθεὶσ ὁ Τιβέριοσ τὸν μὲν φιλάνθρωπον ἐπανείλετο νόμον, τὸν δὲ ἡδίω τε τοῖσ πολλοῖσ καὶ σφοδρότερον ἐπὶ τοὺσ ἀδικοῦντασ εἰσέφερεν ἤδη, κελεύων ἐξίστασθαι τῆσ χώρασ ἣν ἐκέκτηντο παρὰ τοὺσ προτέρουσ νόμουσ.

ἦσαν οὖν ὁμοῦ τι καθ’ ἑκάστην ἡμέραν ἀγῶνεσ αὐτῷ πρὸσ τὸν Ὀκτάβιον ἐπὶ τοῦ βήματοσ, ἐν οἷσ, καίπερ ἐξ ἄκρασ σπουδῆσ καὶ φιλονεικίασ ἀντερείδοντεσ, οὐδὲν εἰπεῖν λέγονται περὶ ἀλλήλων φαῦλον, οὐδὲ ῥῆμα προπεσεῖν θατέρου πρὸσ τὸν ἕτερον δι’ ὀργὴν ἀνεπιτήδειον.

οὐ γὰρ μόνον ἐν βακχεύμασιν, ὡσ ἐοίκεν, ἀλλὰ καὶ ἐν φιλοτιμίαισ καὶ ὀργαῖσ τὸ πεφυκέναι καλῶσ καὶ πεπαιδεῦσθαι σωφρόνωσ ἐφίστησι καὶ κατακοσμεῖ τὴν διάνοιαν. ἐπεὶ δὲ ἑώρα τὸν Ὀκτάβιον ἐνεχόμενον τῷ νόμῳ καὶ κατέχοντα τῆσ δημοσίασ χώρασ συχνὴν ὁ Τιβέριοσ, ἐδεῖτο παρεῖναι τὴν φιλονεικίαν, ὑφιστάμενοσ αὐτῷ τὴν τιμὴν ἀποδώσειν ἐκ τῶν ἰδίων, καίπερ οὐ λαμπρῶν ὄντων, οὐκ ἀνασχομένου δὲ τοῦ Ὀκταβίου, διαγράμματι τὰσ ἄλλασ ἀρχὰσ ἁπάσασ ἐκώλυσε χρηματίζειν, ἄχρι ἂν ἡ περὶ τοῦ νόμου διενεχθῇ ψῆφοσ·

τῷ δὲ τοῦ Κρόνου ναῷ σφραγῖδασ ἰδίασ ἐπέβαλεν, ὅπωσ οἱ ταμίαι μηδὲν ἐξ αὐτοῦ λαμβάνοιεν μηδ’ εἰσφέροιεν, καὶ τοῖσ ἀπειθήσασι τῶν στρατηγῶν ζημίαν ἐπεκήρυξεν, ὥστε πάντασ ὑποδείσαντασ ἀφεῖναι τὴν ἑκάστῳ προσήκουσαν οἰκονομίαν.

ἐντεῦθεν οἱ κτηματικοὶ τὰσ μὲν ἐσθῆτασ μετέβαλον καὶ περιῄεσαν οἰκτροὶ καὶ ταπεινοὶ κατὰ τὴν ἀγοράν, ἐπεβούλευον δὲ τῷ Τιβερίῳ κρύφα καὶ συνίστασαν ἐπ’ αὐτὸν τοὺσ ἀναιρήσοντασ, ὥστε κἀκεῖνον οὐδενὸσ ἀγνοοῦντοσ ὑποζώννυσθαι ξιφίδιον λῃστρικόν, ὃ δόλωνα καλοῦσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Tiberius Gracchus, chapter 10

(플루타르코스, Tiberius Gracchus, chapter 10)

상위

목록

SEARCH

MENU NAVIGATION