헬라어 문장 검색 - Πλυταρ́Τιβεριύ08́

(플루타르코스, Tiberius Gracchus, chapter 8)

Ῥωμαῖοι τῆσ τῶν ἀστυγειτόνων χώρασ ὅσην ἀπετέμοντο πολέμῳ, τὴν μὲν ἐπίπρασκον, τὴν δὲ ποιούμενοι δημοσίαν ἐδίδοσαν νέμεσθαι τοῖσ ἀκτήμοσι καὶ ἀπόροισ τῶν πολιτῶν, ἀποφορὰν οὐ πολλὴν εἰσ τὸ δημόσιον τελοῦσιν. ἀρξαμένων δὲ τῶν πλουσίων ὑπερβάλλειν τὰσ ἀποφορὰσ καὶ τοὺσ πένητασ ἐξελαυνόντων, ἐγράφη νόμοσ οὐκ ἐῶν πλέθρα γῆσ ἔχειν πλείονα τῶν πεντακοσίων, καὶ βραχὺν μὲν χρόνον ἐπέσχε τὴν πλεονεξίαν τὸ γράμμα τοῦτο, καὶ τοῖσ πένησιν ἐβοήθησε κατὰ χώραν μένουσιν ἐπὶ τῶν μεμισθωμένων καὶ νεμομένοισ ἣν ἕκαστοσ ἐξ ἀρχῆσ εἶχε μοῖραν.

ὕστερον δὲ τῶν γειτνιώντων πλουσίων ὑποβλήτοισ προσώποισ μεταφερόντων τὰσ μισθώσεισ εἰσ ἑαυτούσ, τέλοσ δὲ φανερῶσ ἤδη δι’ ἑαυτῶν τὰ πλεῖστα κατεχόντων, ἐξωσθέντεσ οἱ πένητεσ οὔτε ταῖσ στρατείαισ ἔτι προθύμουσ παρεῖχον ἑαυτούσ, ἠμέλουν τε παίδων ἀνατροφῆσ, ὥστε ταχὺ τὴν Ἰταλίαν ἅπασαν ὀλιγανδρίασ ἐλευθέρων αἰσθέσθαι, δεσμωτηρίων δὲ βαρβαρικῶν ἐμπεπλῆσθαι, δι’ ὧν ἐγεώργουν οἱ πλούσιοι τὰ χωρία, τοὺσ πολίτασ ἐξελάσαντεσ.

ἐπεχείρησε μὲν οὖν τῇ διορθώσει Γάιοσ Λαίλιοσ ὁ Σκηπίωνοσ ἑταῖροσ ἀντικρουσάντων δὲ τῶν δυνατῶν φοβηθεὶσ τὸν θόρυβον καὶ παυσάμενοσ ἐπεκλήθη σοφὸσ ἢ φρόνιμοσ·

ἑκάτερον γὰρ ἐδόκει σημαίνειν ὁ σαπίηνσ ὁ Τιβέριοσ δὲ δήμαρχοσ ἀποδειχθεὶσ εὐθὺσ ἐπ’ αὐτὴν ὡρ́μησε τὴν πρᾶξιν, ὡσ μὲν οἱ πλεῖστοι λέγουσι, Διοφάνουσ τοῦ ῥήτοροσ καὶ Βλοσσίου τοῦ φιλοσόφου παρορμησάντων αὐτόν, ὧν ὁ μὲν Διοφάνησ φυγὰσ ἦν Μιτυληναῖοσ, ὁ δὲ αὐτόθεν ἐξ Ἰταλίασ Κυμαῖοσ, Ἀντιπάτρου τοῦ Ταρσέωσ γεγονὼσ ἐν ἄστει συνήθησ καὶ τετιμημένοσ ὑπ’ αὐτοῦ προσφωνήσεσι γραμμάτων φιλοσόφων· ἔνιοι δὲ καὶ Κορνηλίαν συνεπαιτιῶνται τὴν μητέρα πολλάκισ τοὺσ υἱοὺσ ὀνειδίζουσαν ὅτι Ῥωμαῖοι Σκηπίωνοσ αὐτὴν ἔτι πενθεράν, οὔπω δὲ μητέρα Γράγχων προσαγορεύουσιν.

ἄλλοι δὲ Σπόριόν τινα Ποστούμιον αἴτιον γενέσθαι λέγουσιν, ἡλικιώτην τοῦ Τιβερίου καὶ πρὸσ δόξαν ἐφάμιλλον αὐτῷ περὶ τὰσ συνηγορίασ, ὃν, ὡσ ἐπανῆλθεν ἀπὸ τῆσ στρατιᾶσ, εὑρὼν πολὺ τῇ δόξῃ καὶ τῇ δυνάμει παρηλλαχότα καὶ θαυμαζόμενον, ἠθέλησεν, ὡσ ἐοίκεν, ὑπερβαλέσθαι πολιτεύματοσ παραβόλου καὶ μεγάλην προσδοκίαν ἔχοντοσ ἁψάμενοσ.

ὁ δ’ ἀδελφὸσ αὐτοῦ Γάιοσ ἔν τινι βιβλίῳ γέγραφεν εἰσ Νομαντίαν πορευόμενον διὰ τῆσ Τυρρηνίασ τὸν Τιβέριον, καὶ τὴν ἐρημίαν τῆσ χώρασ ὁρῶντα καὶ τοὺσ γεωργοῦντασ ἢ νέμοντασ οἰκέτασ ἐπεισάκτουσ καὶ βαρβάρουσ, τότε πρῶτον ἐπὶ νοῦν βαλέσθαι τὴν μυρίων κακῶν ἄρξασαν αὐτοῖσ πολιτείαν.

τὴν δὲ πλείστην αὐτὸσ ὁ δῆμοσ ὁρμὴν καὶ φιλοτιμίαν ἐξῆψε, προκαλούμενοσ διὰ γραμμάτων αὐτὸν ἐν στοαῖσ καὶ τοίχοισ καὶ μνήμασι καταγραφομένων ἀναλαβεῖν τοῖσ πένησι τὴν δημοσίαν χώραν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Tiberius Gracchus, chapter 8

(플루타르코스, Tiberius Gracchus, chapter 8)

상위

목록

SEARCH

MENU NAVIGATION