호흡부호 보기
강세부호 보기
장단부호 보기
작은 Iota 보기
모든 부호 보기
ὁ δὲ Σύλλασ οὐ μόνον προέγνω τὴν ἑαυτοῦ τελευτήν, ἀλλὰ τρόπον τινὰ καὶ γέγραφε περὶ αὐτῆσ, τὸ γὰρ εἰκοστὸν καί δεύτερον τῶν ὑπομνημάτων πρὸ δυεῖν ἡμερῶν ἢ ἐτελεύτα γράφων ἐπαύσατο· καί φησι τοὺσ Χαλδαίουσ αὐτῷ προειπεῖν ὡσ δέοι βεβιωκότα καλῶσ αὐτὸν ἐν ἀκμῇ τῶν εὐτυχημάτων καταστρέψαι· λέγει δὲ καί τὸν υἱὸν αὐτοῦ, τεθνηκότα μικρὸν ἔμπροσθεν τῆσ Μετέλλησ, φανῆναι κατὰ τοὺσ ὕπνουσ ἐν ἐσθῆτι φαύλῃ παρεστῶτα καί δεόμενον τοῦ πατρὸσ παύσασθαι τῶν φροντίδων, ἰόντα δὲ σὺν αὐτῷ παρὰ τὴν μητέρα Μετέλλαν ἐν ἡσυχίᾳ καί ἀπραγμόνωσ ζῆν μετ’ αὐτῆσ, οὐ μὴν ἐπαύσατό γε τοῦ πράττειν τὰ δημόσια, δέκα μὲν γὰρ ἡμέραισ ἔμπροσθεν τῆσ τελευτῆσ τοὺσ ἐν Δικαιαρχείᾳ στασιάζοντασ διαλλάξασ νόμον ἔγραψεν αὐτοῖσ καθ’ ὃν πολιτεύσονται·
πρὸ μιᾶσ δὲ ἡμέρασ πυθόμενοσ τὸν ἄρχοντα Γράνιον, ὡσ ὀφείλων δημόσιον χρέοσ οὐκ ἀποδίδωσιν, ἀλλ’ ἀναμένει τὴν αὐτοῦ τελευτήν, μετεπέμψατο τὸν ἄνθρωπον εἰσ τὸ δωμάτιον καί περιστήσασ τοὺσ ὑπηρέτασ ἐκέλευσε πνίγειν, τῇ δὲ κραυγῇ καί τῷ σπαραγμῷ τὸ ἀπόστημα ῥήξασ πλῆθοσ αἵματοσ ἐξέβαλεν.
ἐκ δὲ τούτου τῆσ δυνάμεωσ ἐπιλιπούσησ διαγαγὼν τὴν νύκτα μοχθηρῶσ ἀπέθανε, δύο παῖδασ ἐκ τῆσ Μετέλλησ νηπίουσ καταλιπών.
ἡ γὰρ Οὐαλλερία μετὰ τὴν τελευτὴν αὐτοῦ θυγάτριον ἀπεκύησεν, ὃ Πόστουμαν ἐκάλουν τοὺσ γὰρ ὕστερον τῆσ τῶν πατέρων τελευτῆσ γενομένουσ οὕτω Ῥωμαῖοι προσαγορεύουσιν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기