헬라어 문장 검색 - Πλυταρ́Συλλά30́

(플루타르코스, Sulla, chapter 30)

ἤδη δὲ νυκτὸσ οὔσησ βαθείασ ἧκον εἰσ τὸ τοῦ Σύλλα στρατόπεδον παρὰ τοῦ Κράσσου δεῖπνον αὐτῷ καὶ τοῖσ στρατιώταισ μετιόντεσ· ὡσ γὰρ ἐνίκησε τοὺσ πολεμίουσ, εἰσ Ἄντεμναν καταδιώξαντεσ ἐκεῖ κατεστρατοπέδευσαν. ταῦτ’ οὖν πυθόμενοσ ὁ Σύλλασ, καὶ ὅτι τῶν πολεμίων οἱ πλεῖστοι διολώλασιν, ἧκεν εἰσ Ἄντεμναν ἅμ’ ἡμέρᾳ, καὶ τρισχιλίων ἐπικηρυκευσαμένων πρὸσ αὐτὸν ὑπέσχετο δώσειν τὴν ἀσφάλειαν, εἰ κακόν τι τοὺσ ἄλλουσ ἐργασάμενοι πολεμίουσ ἔλθοιεν πρὸσ αὐτόν, οἱ δὲ πιστεύσαντεσ ἐπέθεντο τοῖσ λοιποῖσ, καὶ πολλοὶ κατεκόπησαν ὑπ’ ἀλλήλων. οὐ μὴν ἀλλὰ καὶ τούτουσ καὶ τῶν ἄλλων τοὺσ περιγενομένουσ εἰσ ἑξακισχιλίουσ ἀθροίσασ παρὰ τὸν ἱππόδρομον, ἐκάλει τὴν σύγκλητον εἰσ τὸ τῆσ Ἐνυοῦσ ἱερόν.

ἅμα δ’ αὐτόσ τε λέγειν ἐνήρχετο καὶ κατέκοπτον οἱ τεταγμένοι τοὺσ ἑξακισχιλίουσ. κραυγῆσ δέ, ὡσ εἰκόσ, ἐν χωρίῳ μικρῷ τοσούτων σφαττομένων φερομένησ καὶ τῶν συγκλητικῶν ἐκπλαγέντων, ὥσπερ ἐτύγχανε λέγων ἀτρέπτῳ καὶ καθεστηκότι τῷ προσώπῳ προσέχειν ἐκέλευσεν αὐτοὺσ τῷ λόγῳ, τὰ δ’ ἔξω γινόμενα μὴ πολυπραγμονεῖν νουθετεῖσθαι γὰρ αὐτοῦ κελεύσαντοσ ἐνίουσ τῶν πονηρῶν.

τοῦτο καὶ τῷ βραδυτάτῳ Ῥωμαίων νοῆσαι παρέστησεν ὡσ ἀλλαγὴ τὸ χρῆμα τυραννίδοσ, οὐκ ἀπαλλαγὴ γέγονε.

Μάριοσ μὲν οὖν ἀπ’ ἀρχῆσ χαλεπὸσ ὢν ἐπέτεινεν, οὐ μετέβαλε τῇ ἐξουσίᾳ τὴν φύσιν Σύλλασ δὲ μετρίωσ τὰ πρῶτα καὶ πολιτικῶσ ὁμιλήσασ τῇ τύχῃ καὶ δόξαν ἀριστοκρατικοῦ καὶ δημωφελοῦσ ἡγεμόνοσ παρασχών, ἔτι δὲ καὶ φιλόγελωσ ἐκ νέου γενόμενοσ καὶ πρὸσ οἶκτον ὑγρόσ, ὥστε ῥᾳδίωσ ἐπιδακρύειν, εἰκότωσ προσετρίψατο ταῖσ μεγάλαισ ἐξουσίαισ διαβολὴν ὡσ τὰ ἤθη μένειν οὐκ ἐώσαισ ἐπὶ τῶν ἐξ ἀρχῆσ τρόπων, ἀλλ’ ἔμπληκτα καὶ χαῦνα καὶ ἀπάνθρωπα ποιούσαισ. τοῦτο μὲν οὖν εἴτε κίνησίσ ἐστι καὶ μεταβολὴ φύσεωσ ὑπὸ τύχησ, εἴτε μᾶλλον ὑποκειμένησ ἀποκάλυψισ ἐν ἐξουσίᾳ κακίασ, ἑτέρα τισ ἂν διορίσειε πραγματεία.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Sulla, chapter 30

(플루타르코스, Sulla, chapter 30)

상위

목록

SEARCH

MENU NAVIGATION