헬라어 문장 검색 - Πλυταρ́Συλλά28́

(플루타르코스, Sulla, chapter 28)

ὁ δὲ Σύλλασ ἔτι πολλοῖσ στρατοπέδοισ καὶ μεγάλαισ δυνάμεσι περικεχυμένουσ αὐτῷ τοὺσ πολεμίουσ ὁρῶν πανταχόθεν ἥπτετο δυνάμει καὶ δι’ ἀπάτησ, προκαλούμενοσ εἰσ διαλύσεισ τὸν ἕτερον τῶν ὑπάτων Σκηπίωνα. δεξαμένου δ’ ἐκείνου σύλλογοι μὲν ἐγίνοντο καὶ κοινολογίαι πλείονεσ, ἀεὶ δέ τινα παραγωγὴν καὶ πρόφασιν ἐμβάλλων ὁ Σύλλασ διέφθειρε τοὺσ περὶ Σκηπίωνα τοῖσ ἑαυτοῦ στρατιώταισ, ἠσκημένοισ πρὸσ ἀπάτην καὶ γοητείαν ἅπασαν ὥσπερ αὐτὸσ ὁ ἡγεμών.

εἰσιόντεσ γὰρ εἰσ τὸν χάρακα τῶν πολεμίων καὶ ἀναμιγνυμένοι τοὺσ μὲν εὐθὺσ ἀργυρίῳ, τοὺσ δὲ ὑποσχέσεσι, τοὺσ δὲ κολακεύ οντεσ καὶ ἀναπείθοντεσ προσήγοντο. τέλοσ δὲ τοῦ Σύλλα μετὰ σπειρῶν εἴκοσι προσελθόντοσ ἐγγὺσ οἱ μὲν ἠσπάσαντο τοὺσ τοῦ Σκηπίωνοσ, οἱ δὲ ἀντασπασάμενοι προσεχώρησαν ὁ δὲ Σκηπίων ἔρημοσ ἐν τῇ σκηνῇ ληφθεὶσ ἠφείθη, Σύλλασ δὲ ταῖσ εἴκοσι σπείραισ ὥσπερ ἠθάσιν ὄρνισι τεσσαράκοντα τὰσ τῶν πολεμίων παλεύσασ ἀπήγαγεν εἰσ τὸ στρατόπεδον ἅπαντασ, ὅτε καὶ Κάρβωνά φασιν εἰπεῖν ὡσ ἀλώπεκι καὶ λέοντι πολεμῶν ἐν τῇ Σύλλα ψυχῇ κατοικοῦσιν ὑπὸ τῆσ ἀλώπεκοσ ἀνιῷτο μᾶλλον.

ἐκ τούτου περὶ Σίγνιον Μάριοσ ὀγδοήκοντα καὶ πέντε σπείρασ ἔχων προὐκαλεῖτο Σύλλαν.

ὁ δὲ καὶ πάνυ πρόθυμοσ ἦν διαγωνίσασθαι κατ’ ἐκείνην τὴν ἡμέραν ἐτύγχανε γὰρ ὄψιν ἑωρακὼσ τοιάνδε κατὰ τοὺσ ὕπνουσ. ἐδόκει τὸν γέροντα Μάριον τεθνηκότα πάλαι τῷ παιδὶ Μαρίῳ παραινεῖν φυλάξασθαι τὴν ἐπιοῦσαν ἡμέραν ὡσ μεγάλην αὐτῷ δυστυχίαν φέρουσαν. διὰ τοῦτο μὲν δὴ πρόθυμοσ ὁ Σύλλασ ἦν μάχεσθαι, καὶ μετεπέμπετο τὸν Δολοβέλλαν ἄπωθεν στρατοπε δεύοντα. τῶν δὲ πολεμίων ἐφισταμένων ταῖσ ὁδοῖσ καὶ ἀποφραττόντων οἱ τοῦ Σύλλα προσμαχόμενοι καὶ ὁδοποιοῦντεσ ἔκαμνον καὶ πολὺσ ὄμβροσ ἅμα τοῖσ ἔργοισ ἐπιγενόμενοσ μᾶλλον ἐκάκωσεν αὐτούσ, ὅθεν οἱ ταξίαρχοι προσιόντεσ τῷ Σύλλᾳ ἐδέοντο τὴν μάχην ἀναβαλέσθαι, δεικνύντεσ ἅμα τοὺσ στρατιώτασ ἐρριμμένουσ ὑπὸ κόπου καὶ προσαναπαυομένουσ χαμᾶζε τοῖσ θυρεοῖσ κεκλιμένοισ.

ἐπεὶ δὲ συνεχώρησεν ἄκων καὶ πρόσταγμα καταζεύξεωσ ἔδωκεν, ἀρχομένων αὐτῶν τὸν χάρακα βάλλειν καὶ τάφρον ὀρύσσειν πρὸ τῆσ στρατοπεδείασ, ἐπήλαυνε σοβαρῶσ ὁ Μάριοσ προϊππεύων ὡσ ἀτάκτουσ καὶ τεθορυβημένουσ διασκεδάσων.

ἐνταῦθα τῷ Σύλλᾳ τὴν κατὰ τοὺσ ὕπνουσ φωνὴν ὁ δαίμων συνετέλει. ὀργὴ γὰρ αὐτοῦ τοῖσ στρατιώταισ παρέστη, καὶ παυσάμενοι τῶν ἔργων τοὺσ μὲν ὑσσοὺσ κατέπηξαν ἐπὶ τῇ τάφρῳ, σπασάμενοι δὲ τὰ ξίφη καὶ συναλαλάξαντεσ ἐν χερσὶν ἦσαν τῶν πολεμίων. οἱ δὲ οὐ πολὺν ὑπέστησαν χρόνον, ἀλλὰ γίνεται πολὺσ φόνοσ αὐτῶν τραπέντων.

Μάριοσ δὲ φεύγων εἰσ Πραινεστὸν ἤδη τὰσ πύλασ εὑρ͂ε κεκλειμένασ· καλωδίου δὲ ἄνωθεν ἀφεθέντοσ ἐνζώσασ ἑαυτὸν ἀνελήφθη πρὸσ τὸ τεῖχοσ, ἔνιοι δέ φασιν, ὧν καὶ Φαινεστέλλασ ἐστίν, οὐδὲ αἰσθέσθαι τῆσ μάχησ τὸν Μάριον, ἀλλ’ ἐξ ἀγρυπνιῶν καὶ κόπων ὑπὸ σκιᾷ τινι χαμαὶ κατακλινέντα τοῦ συνθήματοσ δοθέντοσ ἐνδοῦναι πρὸσ ὕπνον, εἶτα μόλισ ἐξεγείρεσθαι τῆσ φυγῆσ γενομένησ, ἐν ταύτῃ τῇ μάχῃ Σύλλασ φησὶν εἰκοσιτρεῖσ μόνουσ ἀποβαλεῖν, ἀποκτεῖναι δὲ τῶν πολεμίων δισμυρίουσ καὶ λαβεῖν ζῶντασ ὀκτακισχιλίουσ. καὶ τἆλλα δὲ ὁμοίωσ εὐτυχεῖτο διὰ τῶν στρατηγῶν, Πομπηϊού, Κράσσου, Μετέλλου, Σερουϊλίου.

οὐδὲν γὰρ ἢ μικρὰ προσκρούσαντεσ οὗτοι μεγάλασ συνέτριψαν δυνάμεισ τῶν πολεμίων, ὥστε τὸν μάλιστα τὴν ἐναντίαν στάσιν συνέχοντα Κάρβωνα νύκτωρ ἀποδράντα τὴν ἑαυτοῦ στρατιὰν εἰσ Λιβύην ἐκπλεῦσαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Sulla, chapter 28

(플루타르코스, Sulla, chapter 28)

상위

목록

SEARCH

MENU NAVIGATION