Plutarch, Sulla, chapter 25

(플루타르코스, Sulla, chapter 25)

ὁρμήσασ δὲ ἐκεῖθεν ἐπὶ Φιμβρίαν πρὸσ Θυατείροισ στρατοπεδεύοντα καὶ πλησίον καταζεύξασ, τάφρον τῷ στρατοπέδῳ περιέβαλεν. οἱ δὲ τοῦ Φιμβρίου στρατιῶται μονοχίτωνεσ ἐκ τοῦ στρατοπέδου προϊόντεσ ἠσπάζοντο τοὺσ ἐκείνου καὶ συνελάμβανον αὐτοῖσ τῶν ἔργων προθύμωσ. ὁρῶν δὲ ὁ Φιμβρίασ τὴν μεταβολὴν καὶ τὸν Σύλλαν ὡσ ἀδιάλλακτον δεδοικὼσ αὐτὸσ ἑαυτὸν ἐν τῷ στρατοπέδῳ διέφθειρε. Σύλλασ δὲ κοινῇ μὲν ἐζημίωσε τὴν Ἀσίαν δισμυρίοισ ταλάντοισ, ἰδίᾳ δὲ τοὺσ οἴκουσ ἐξέτριψεν ὕβρει καὶ πολιορκίᾳ τῶν ἐπισταθμευόντων.

ἐτέτακτο γὰρ ἑκάστησ ἡμέρασ τῷ καταλύτῃ τὸν ξένον διδόναι τέσσαρα τετράδραχμα καὶ παρέχειν δεῖπνον αὐτῷ καὶ φίλοισ, ὅσουσ ἂν ἐθέλῃ καλεῖν, ταξίαρχον δὲ πεντήκοντα δραχμὰσ λαμβάνειν τῆσ ἡμέρασ, ἐσθῆτα δὲ ἄλλην μὲν οἰκουρῶν, ἄλλην δὲ εἰσ ἀγορὰν προερχόμενοσ.

SEARCH

MENU NAVIGATION