헬라어 문장 검색 - Πλυταρ́Συλλά18́

(플루타르코스, Sulla, chapter 18)

ἐν δὲ τούτῳ τῶν Χαιρωνέων Ἐρίκιον ἄρχοντα παρὰ τοῦ Σύλλα λαβόντων καί περιελθόντων ἀδήλωσ τὸ Θούριον, εἶτα ἐπιφανέντων, θόρυβοσ ἦν πολὺσ καί φυγὴ τῶν βαρβάρων καί φόνοσ ὑπ’ ἀλλήλων ὁ πλεῖστοσ, οὐ γὰρ ὑπέμειναν, ἀλλὰ κατὰ πρανοῦσ φερόμενοι τοῖσ τε δόρασι περιέπιπτον αὐτοὶ τοῖσ ἑαυτῶν καί κατεκρήμνιζον ὠθοῦντεσ ἀλλήλουσ, ἄνωθεν ἐπικειμένων τῶν πολεμίων καί τὰ γυμνὰ παιόντων, ὥστε τρισχιλίουσ πεσεῖν περὶ τὸ Θούριον. τῶν δὲ φευγόντων τοὺσ μὲν εἰσ τάξιν ἤδη καθεστὼσ ὁ Μουρήνασ ἀπετέμνετο καί διέφθειρεν ὑπαντιάζων, οἱ δὲ ὠσάμενοι πρὸσ τὸ φίλιον στρατόπεδον καί τῇ φάλαγγι φύρδην ἐμπεσόντεσ ἀνέπλησαν δέουσ καί ταραχῆσ τὸ πλεῖστον μέροσ, καί διατριβὴν τοῖσ στρατηγοῖσ ἐνεποίησαν οὐχ ἥκιστα βλάψασαν αὐτούσ, ὀξέωσ γὰρ ὁ Σύλλασ ταρασσομένοισ ἐπαγαγὼν καί τὸ μέσον διάστημα τῷ τάχει συνελὼν ἀφείλετο τὴν τῶν δρεπανηφόρων ἐνέργειαν.

ἔρρωται γὰρ μάλιστα μήκει δρόμου σφοδρότητα καὶ ῥύμην τῇ διεξελάσει διδόντοσ, αἱ δὲ ἐκ βραχέοσ ἀφέσεισ ἄπρακτοι καί ἀμβλεῖαι, καθάπερ βελῶν τάσιν οὐ λαβόντων.

ὃ δὴ καί τότε τοῖσ βαρβάροισ ἀπήντα καί τὰ πρῶτα τῶν ἁρμάτων ἀργῶσ ἐξελαυνόμενα καί προσπίπτοντα νωθρῶσ ἐκκρούσαντεσ οἱ Ῥωμαῖοι μετὰ κρότου καὶ γέλωτοσ ἄλλα ᾔτουν, ὥσπερ εἰώθασιν ἐν ταῖσ θεατρικαῖσ ἱπποδρομίαισ. τοὐντεῦθεν αἱ πεζαὶ δυνάμεισ συνερράγησαν, τῶν μὲν βαρβάρων προβαλλομένων τὰσ σαρίσασ μακρὰσ καί πειρωμένων τῷ συνασπισμῷ τὴν φάλαγγα διατηρεῖν ἐν τάξει, τῶν δὲ Ῥωμαίων τοὺσ μὲν ὑσσοὺσ αὐτοῦ καταβαλό́ντων, σπασαμένων δὲ τὰσ μαχαίρασ καί παρακρουομένων τὰσ σαρίσασ, ὡσ τάχιστα προσμίξειαν αὐτοῖσ δι’ ὀργήν.

προτεταγμένουσ γὰρ ἑώρων τῶν πολεμίων μυρίουσ καί πεντακισχιλίουσ θεράποντασ, οὓσ ἐκ τῶν πόλεων κηρύγμασιν ἐλευθεροῦντεσ οἱ βασιλέωσ στρατηγοὶ κατελόχιζον εἰσ τοὺσ ὁπλίτασ.

καί τισ ἑκατοντάρχησ λέγεται Ῥωμαῖοσ εἰπεῖν ὡσ ἐν Κρονίοισ μόνον εἰδείη τῆσ παρρησίασ δούλουσ μετέχοντασ· τούτουσ μὲν οὖν διὰ βάθοσ καί πυκνότητα βραδέωσ ἐξωθουμένουσ ὑπὸ τῶν ὁπλιτῶν καί παρὰ φύσιν μένειν τολμῶντασ αἵ τε βελοσφενδόναι καί οἱ γρόσφοι, χρωμένων ἀφειδῶσ τῶν κατόπιν Ῥωμαίων, ἀπέστρεφον καὶ συνετάραττον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Sulla, chapter 18

(플루타르코스, Sulla, chapter 18)

상위

목록

SEARCH

MENU NAVIGATION