헬라어 문장 검색 - Πλυταρ́Συλλά17́

(플루타르코스, Sulla, chapter 17)

ἐκ δὲ Λεβαδείασ καὶ τοῦ Τροφωνίου φῆμαί τε χρησταὶ καὶ νικηφόρα μαντεύματα τοῖσ Ῥωμαίοισ ἐξεπέμποντο. περὶ ὧν οἱ μὲν ἐπιχώριοι πλείονα λέγουσιν ὡσ δὲ Σύλλασ αὐτὸσ ἐν δεκάτῳ τῶν ὑπομνημάτων γέγραφε, Κόϊντοσ Τίτιοσ, οὐκ ἀφανὴσ ἀνὴρ τῶν ἐν τῇ Ἑλλάδι πραγματευομένων, ἧκε πρὸσ αὐτὸν ἤδη τὴν ἐν Χαιρωνείᾳ νενικηκότα μάχην, ἀπαγγέλλων ὅτι καὶ δευτέραν ὁ Τροφώνιοσ αὐτόθι μάχην καὶ νίκην προσημαίνει ἐντὸσ ὀλίγου χρόνου, μετὰ δὲ τοῦτον ἀνὴρ τῶν ἐν τάξει στρατευομένων ὄνομα Σαλουήνιοσ ἀνήνεγκε παρὰ τοῦ θεοῦ τέλοσ οἱο͂ν αἱ κατὰ τὴν Ἰταλίαν πράξεισ ἔμελλον ἕξειν. ἀμφότεροι δὲ ταὐτὰ περὶ τῆσ ὀμφῆσ ἔφραζον τῷ γὰρ Ὀλυμπίῳ Διῒ καὶ τὸ κάλλοσ καὶ τὸ μέγεθοσ παραπλήσιον ἰδεῖν ἔφασαν.

ἐπειδὴ δὲ διέβη τὸν Ἄσσον ὁ Σύλλασ, παρελθὼν ὑπὸ τὸ Ἡδύλιον τῷ Ἀρχελάῳ παρεστρατοπέδευσε, βεβλημένῳ χάρακα καρτερὸν ἐν μέσῳ τοῦ Ἀκοντίου καὶ τοῦ Ἡδυλίου πρὸσ τοῖσ λεγομένοισ Ἀσσίοισ.

ὁ μέντοι τόποσ ἐν ᾧ κατεσκήνωσεν ἄχρι νῦν Ἀρχέλαοσ ἀπ’ ἐκείνου καλεῖται, διαλιπὼν δὲ μίαν ἡμέραν ὁ Σύλλασ Μουρήναν μὲν ἔχοντα τάγμα καὶ σπείρασ δύο πρὸσ τὸ τοῖσ πολεμίοισ ἐνοχλῆσαι παραταττομένοισ ἀπέλιπεν, αὐτὸσ δὲ παρὰ τὸν Κηφισὸν ἐσφαγιάζετο, καὶ τῶν ἱερῶν γενομένων ἐχώρει πρὸσ τὴν Χαιρώνειαν, ἀναληψόμενόσ τε τὴν αὐτόθι στρατιὰν καὶ κατοψόμενοσ τὸ καλούμενον Θούριον ὑπὸ τῶν πολεμίων προκατειλημμένον. ἔστι δὲ κορυφὴ τραχεῖα καὶ στροβιλῶδεσ ὄροσ, ὃ καλοῦμεν Ὀρθόπαγον, ὑπὸ δὲ αὐτὸ τὸ ῥεῦμα τοῦ Μόλου καὶ Θουρίου νεὼσ Ἀπόλλωνοσ.

ὠνόμασται δὲ ὁ θεὸσ ἀπὸ Θουροῦσ, τῆσ Χαίρωνοσ μητρόσ, ὃν οἰκιστὴν γεγονέναι τῆσ Χαιρωνείασ ἱστοροῦσιν. οἱ δέ φασι τὴν Κάδμῳ δοθεῖσαν ὑπὸ τοῦ Πυθίου καθηγεμόνα βοῦν ἐκεῖ φανῆναι, καὶ τὸν τόπον ἀπ’ αὐτῆσ οὕτω προσαγορευθῆναι θὼρ γὰρ οἱ Φοίνικεσ τὴν βοῦν καλοῦσι.

προσιόντοσ δὲ τοῦ Σύλλα πρὸσ τὴν Χαιρώνειαν ὁ τεταγμένοσ ἐν τῇ πόλει χιλίαρχοσ, ἐξωπλισμένουσ ἄγων τοὺσ στρατιώτασ, ἀπήντησε στέφανον δάφνησ κομίζων, ὡσ δὲ δεξάμενοσ ἠσπάσατο τοὺσ στρατιώτασ καὶ παρώρμησε πρὸσ τὸν κίνδυνον, ἐντυγχάνουσιν αὐτῷ δύο τῶν Χαιρωνέων ἄνδρεσ, Ὁμολόϊχοσ καὶ Ἀναξίδαμοσ, ὑφιστάμενοι τοὺσ τὸ Θούριον κατασχόντασ ἐκκόψειν, ὀλίγουσ στρατιώτασ παρ’ ἐκείνου λαβόντεσ· ἀτραπὸν γὰρ εἶναι τοῖσ βαρβάροισ ἄδηλον, ἀπὸ τοῦ καλουμένου Πετράχου παρὰ τὸ Μουσεῖον ἐπὶ τὸ Θούριον ὑπὲρ κεφαλῆσ ἄγουσαν, ᾗ πορευθέντεσ οὐ χαλεπῶσ ἐπιπεσεῖσθαι καὶ καταλεύσειν ἄνωθεν αὐτοὺσ ἢ συνώσειν εἰσ τὸ πεδίον, τοῦ δὲ Γαβινίου τοῖσ ἀνδράσι μαρτυρήσαντοσ ἀνδρείαν καὶ πίστιν, ἐκέλευσεν ἐπιχειρεῖν ὁ Σύλλασ·

αὐτὸσ δὲ συνέταττε τὴν φάλαγγα καὶ διένειμε τοὺσ ἱππότασ ἐπὶ κέρωσ ἑκατέρου, τὸ δεξιὸν αὐτὸσ ἔχων, τὸ δ’ εὐώνυμον ἀποδοὺσ Μουρήνᾳ.

Γάλβασ δὲ καὶ Ὁρτήσιοσ οἱ πρεσβευταὶ σπείρασ ἐπιτάκτουσ ἔχοντεσ ἔσχατοι παρενέβαλον ἐπὶ τῶν ἄκρων φύλακεσ πρὸσ τὰσ κυκλώσεισ· ἑωρῶντο γὰρ οἱ πολέμιοι κατασκευάζοντεσ ἱππεῦσι πολλοῖσ καὶ ψιλοῖσ ποδώκεσιν εἰσ ἐπιστροφὴν τὸ κέρασ εὐκαμπὲσ καὶ κοῦφον, ὡσ μακρὰν ἀνάξοντεσ καὶ κυκλωσόμενοι τοὺσ Ῥωμαίουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Sulla, chapter 17

(플루타르코스, Sulla, chapter 17)

상위

목록

SEARCH

MENU NAVIGATION