헬라어 문장 검색 - Πλυταρ́Συλλά12́

(플루타르코스, Sulla, chapter 12)

Σύλλασ δὲ τὰσ μὲν ἄλλασ πόλεισ εὐθὺσ εἶχεν ἐπιπρεσβευομένασ καὶ καλούσασ, ταῖσ δὲ Ἀθήναισ διὰ τὸν τύραννον Ἀριστίωνα βασιλεύεσθαι ἠναγκασμέναισ ἄθρουσ ἐπέστη καὶ τὸν Πειραιᾶ περιλαβὼν ἐπολιόρκει, μηχανήν τε πᾶσαν ἐφιστὰσ καὶ μάχασ παντοδαπὰσ ποιούμενοσ. καίτοι χρόνον οὐ πολὺν ἀνασχομένῳ παρῆν ἀκινδύνωσ ἑλεῖν τὴν ἄνω πόλιν, ὑπὸ λιμοῦ συνηγμένην ἤδη τῇ χρείᾳ τῶν ἀναγκαίων εἰσ τὸν ἔσχατον καιρόν ἀλλ’ ἐπειγόμενοσ εἰσ Ῥώμην καὶ δεδιὼσ τὸν ἐκεῖ νεωτερισμόν, πολλοῖσ μὲν κινδύνοισ, πολλαῖσ δὲ μάχαισ, μεγάλαισ δὲ δαπάναισ κατέσπευδε τὸν πόλεμον, ᾧ γε δίχα τῆσ ἄλλησ παρασκευῆσ ἡ περὶ τὰ μηχανήματα πραγματεία ζεύγεσι μυρίοισ ὀρικοῖσ ἐχορηγεῖτο, καθ’ ἡμέραν ἐνεργοῖσ οὖσι πρὸσ τήν ὑπηρεσίαν.

ἐπιλειπούσησ δὲ τῆσ ὕλησ διὰ τὸ κόπτεσθαι πολλὰ τῶν ἔργων περικλώμενα τοῖσ αὑτῶν βρίθεσι καὶ πυρπολεῖσθαι βαλλόμενα συνεχῶσ ὑπὸ τῶν πολεμίων, ἐπεχείρησε τοῖσ ἱεροῖσ ἄλσεσι, καὶ τήν τε Ἀκαδήμειαν ἔκειρε δενδροφορωτάτην προαστείων οὖσαν καὶ τὸ Λύκειον.

ἐπεὶ δὲ καὶ χρημάτων ἔδει πολλῶν πρὸσ τὸν πόλεμον, ἐκίνει τὰ τῆσ Ἑλλάδοσ ἄσυλα, τοῦτο μὲν ἐξ Ἐπιδαύρου, τοῦτο δὲ ἐξ Ὀλυμπίασ, τὰ κάλλιστα καὶ πολυτελέστατα τῶν ἀναθημάτων μεταπεμπόμενοσ. ἔγραψε δὲ καὶ τοῖσ Ἀμφικτύοσιν εἰσ Δελφοὺσ ὅτι τὰ χρήματα τοῦ θεοῦ βέλτιον εἰή κομισθῆναι πρὸσ αὐτόν ἢ γὰρ φυλάξειν ἀσφαλέστερον ἢ καὶ ἀποχρησάμενοσ ἀποδώσειν οὐκ ἐλάττω·

καὶ τῶν φίλων ἀπέστειλε Κάφιν τὸν Φωκέα κελεύσασ σταθμῷ παραλαβεῖν ἕκαστον. ὁ δὲ Κάφισ ἧκε μὲν εἰσ Δελφούσ, ὤκνει δὲ τῶν ἱερῶν θιγεῖν, καὶ πολλὰ τῶν Ἀμφικτυόνων παρόντων ἀπεδάκρυσε τήν ἀνάγκην. ἐνίων δὲ φασκόντων ἀκοῦσαι φθεγγομένησ τῆσ ἐν τοῖσ ἀνακτόροισ κιθάρασ, εἴτε πιστεύσασ εἴτε τὸν Σύλλαν βουλόμενοσ ἐμβαλεῖν εἰσ δεισιδαιμονίαν, ἐπέστειλε πρὸσ αὐτόν, ὁ δὲ σκώπτων ἀντέγραψε θαυμάζειν τὸν Κάφιν, εἰ μὴ συνίησιν ὅτι χαίροντοσ, οὐ χαλεπαίνοντοσ, εἰή τὸ ᾅδειν·

ὥστε θαρροῦντα λαμβάνειν ἐκέλευσεν, ὡσ ἡδομένου τοῦ θεοῦ καὶ διδόντοσ. τὰ μὲν οὖν ἄλλα διέλαθε τούσ γε πολλοὺσ Ἕλληνασ ἐκπεμπόμενα, τὸν δὲ ἀργυροῦν πίθον, ὃσ ἦν ὑπόλοιποσ ἔτι τῶν βασιλικῶν, διὰ βάροσ καὶ μέγεθοσ οὐ δυναμένων ἀναλαβεῖν τῶν ὑποζυγίων, ἀναγκαζόμενοι κατακόπτειν οἱ Ἀμφικτύονεσ εἰσ μνήμην ἐβάλοντο τοῦτο μὲν Τίτον Φλαμινῖνον καὶ Μάνιον Ἀκύλιον, τοῦτο δὲ Αἰμίλιον Παῦλον, ὧν ὁ μὲν Ἀντίοχον ἐξελάσασ τῆσ Ἑλλάδοσ, οἱ δὲ τούσ Μακεδόνων βασιλεῖσ καταπολεμήσαντεσ οὐ μόνον ἀπέσχοντο τῶν ἱερῶν τῶν Ἑλληνικῶν, ἀλλὰ καὶ δῶρα καὶ τιμὴν αὐτοῖσ καὶ σεμνότητα πολλὴν προσέθεσαν.

ἀλλ’ ἐκεῖνοι μὲν ἀνδρῶν τε σωφρόνων καὶ μεμαθηκότων σιωπῇ τοῖσ ἄρχουσι παρέχειν τὰσ χεῖρασ ἡγούμενοι κατὰ νόμον, αὐτοί τε ταῖσ ψυχαῖσ βασιλικοὶ καὶ ταῖσ δαπάναισ εὐτελεῖσ ὄντεσ, μετρίοισ ἐχρῶντο καὶ τεταγμένοισ ἀναλώμασι, τὸ κολακεύειν τούσ στρατιώτασ αἴσχιον ἡγούμενοι τοῦ δεδιέναι τούσ πολεμίουσ·

οἱ δὲ τότε στρατηγοὶ βίᾳ τὸ πρωτεῖον, οὐκ ἀρετῇ, κτώμενοι, καὶ μᾶλλον ἐπ’ ἀλλήλουσ δεόμενοι τῶν ὅπλων ἢ τούσ πολεμίουσ, ἠναγκάζοντο δημαγωγεῖν ἐν τῷ στρατηγεῖν, εἶθ’ ὧν εἰσ τὰσ ἡδυπαθείασ τοῖσ στρατευομένοισ ἀνήλισκον ὠνούμενοι τούσ πόνουσ αὑτῶν, ἔλαθον ὤνιον ὅλην τήν πατρίδα ποιήσαντεσ ἑαυτούσ τε δούλουσ τῶν κακίστων ἐπὶ τῷ τῶν βελτιόνων ἄρχειν.

ταῦτα ἐξήλαυνε Μάριον, εἶτ’ αὖθισ ἐπὶ Σύλλαν κατῆγε, ταῦτα Ὀκταουϊού τούσ περὶ Κίνναν, ταῦτα Φλάκκου τούσ περὶ Φιμβρίαν αὐτόχειρασ ἐποίησεν. ὧν οὐχ ἥκιστα Σύλλασ ἐνέδωκεν ἀρχάσ, ἐπὶ τῷ διαφθείρειν καὶ μετακαλεῖν τούσ ὑπ’ ἄλλοισ ταττομένουσ καταχορηγῶν εἰσ τούσ ὑφ’ αὑτῷ καὶ δαπανώμενοσ, ὥστε ἅμα τούσ ἄλλουσ μὲν εἰσ προδοσίαν, τούσ δὲ ὑφ’ αὑτῷ εἰσ ἀσωτίαν διαφθείρων χρημάτων δεῖσθαι πολλῶν, καὶ μάλιστα πρὸσ τὴν πολιορκίαν ἐκείνην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Sulla, chapter 12

(플루타르코스, Sulla, chapter 12)

상위

목록

SEARCH

MENU NAVIGATION