헬라어 문장 검색 - Πλυταρ́Συλλά10́

(플루타르코스, Sulla, chapter 10)

Σύλλασ δὲ τὴν βουλὴν συναγαγὼν καταψηφίζεται θάνατον αὐτοῦ τε Μαρίου καὶ ὀλίγων ἄλλων, ἐν οἷσ Σουλπίκιοσ ἦν ὁ δήμαρχοσ, ἀλλὰ Σουλπίκιοσ μέν ἀπεσφάγη προδοθεὶσ ὑπὸ θεράποντοσ, ὃν ὁ Σύλλασ ἠλευθέρωσεν, εἶτα κατεκρήμνισε, Μαρίῳ δ’ ἐπεκήρυξεν ἀργύριον, οὐκ εὐγνωμόνωσ οὐδὲ πολιτικῶσ, ᾧ γε μικρὸν ἔμπροσθεν ὑποχείριον εἰσ τὴν οἰκίαν δοὺσ ἑαυτὸν ἀσφαλῶσ ἀφείθη. καίτοι Μαρίῳ τότε μὴ διέντι Σύλλαν, ἀλλ’ ἀποθανεῖν ὑπὸ Σουλπικίου προεμένῳ, πάντων κρατεῖν ὑπῆρχεν, ἀλλ’ ὅμωσ ἐφείσατο καὶ μεθ’ ἡμέρασ ὀλίγασ τὴν αὐτὴν λαβὴν παρασχὼν οὐκ ἔτυχε τῶν ὁμοίων.

ἐφ’ οἷσ ὁ Σύλλασ τὴν μέν σύγκλητον ἀδήλωσ ἠνίασεν ἡ δὲ παρὰ τοῦ δήμου δυσμένεια καὶ νέμεσισ αὐτῷ φανερὰ δι’ ἔργων ἀπήντα. Νώνιον μέν γε τὸν ἀδελφιδοῦν αὐτοῦ καὶ Σερουήϊον ἀρχὰσ μετιόντασ ἀποψηφισάμενοι καὶ καθυβρίσαντεσ ἑτέρουσ κατέστησαν ἄρχοντασ, οὓσ μάλιστα τιμῶντεσ ᾤοντο λυπεῖν ἐκεῖνον, ὁ δὲ τούτοισ τε προσεποιεῖτο χαίρειν, ὡσ τοῦ δήμου τῷ ποιεῖν ἃ βούλοιτο δι’ αὐτὸν ἀπολαύοντοσ τῆσ ἐλευθερίασ, καὶ θεραπεύων τὸ τῶν πολλῶν μῖσοσ ὕπατον κατέστησεν ἀπὸ τῆσ ἐναντίασ στάσεωσ Λεύκιον Κίνναν, ἀραῖσ καὶ ὁρ́κοισ καταλαβὼν εὐνοήσειν τοῖσ ἑαυτοῦ πράγμασιν.

ὁ δὲ ἀναβὰσ εἰσ τὸ Καπιτώλιον ἔχων ἐν τῇ χειρὶ λίθον ὤμνυεν, εἶτα ἐπαρασάμενοσ ἑαυτῷ μὴ φυλάττοντι τὴν πρὸσ ἐκεῖνον εὔνοιαν ἐκπεσεῖν τῆσ πόλεωσ, ὥσπερ ὁ λίθοσ διὰ τῆσ χειρόσ, κατέβαλε χαμᾶζε τὸν λίθον οὐκ ὀλίγων παρόντων, παραλαβὼν δὲ τὴν ἀρχὴν εὐθὺσ ἐπεχείρει τὰ καθεστῶτα κινεῖν, καὶ δίκην ἐπὶ τὸν Σύλλαν παρεσκεύασε καὶ κατηγορεῖν ἐπέστησεν Οὐεργίνιον, ἕνα τῶν δημάρχων, ὃν ἐκεῖνοσ ἅμα τῷ δικαστηρίῳ χαίρειν ἐάσασ ἐπὶ Μιθριδάτην ἀπῆρε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Sulla, chapter 10

(플루타르코스, Sulla, chapter 10)

상위

목록

SEARCH

MENU NAVIGATION