헬라어 문장 검색 - Πλυταρ́Συλλά07́

(플루타르코스, Sulla, chapter 7)

τότε δὲ τὴν ὑπατείαν πρὸσ τὰ μέλλοντα μικρὸν ἡγούμενοσ, ἐπτόητο τῇ γνώμῃ πρὸσ τὸν Μιθριδατικὸν πόλεμον. ἀντανίστατο δὲ αὐτῷ Μάριοσ ὑπὸ δοξομανίασ καὶ φιλοτιμίασ, ἀγηράτων παθῶν, ἀνὴρ τῷ τε σώματι βαρὺσ καὶ ταῖσ ἔναγχοσ ἀπειρηκὼσ στρατείαισ διὰ γῆρασ ἐκδήμων καὶ διαποντίων πολέμων ἐφιέμενοσ. καὶ τοῦ Σύλλα πρὸσ τὰσ ἐπιλιπεῖσ πράξεισ ὁρμήσαντοσ εἰσ τὸ στρατόπεδον, αὐτὸσ οἰκουρῶν ἐτεκταίνετο τὴν ὀλεθριωτάτην ἐκείνην καὶ ὅσα σύμπαντεσ οἱ πόλεμοι τὴν Ῥώμην οὐκ ἔβλαψαν ἀπεργασαμένην στάσιν, ὡσ καὶ τὸ δαιμόνιον αὐτοῖσ προεσήμηνε.

πῦρ μὲν γὰρ αὐτόματον ἐκ τῶν τὰ σημεῖα δοράτων ὑποφερόντων ἀνέλαμψε καὶ κατεσβέσθη μόλισ, κόρακεσ δὲ τρεῖσ τοὺσ νεοσσοὺσ εἰσ τὴν ὁδὸν προαγαγόντεσ κατέφαγον, τὰ δὲ λείψανα πάλιν εἰσ τὴν νεοσσιὰν ἀνήνεγκαν. καὶ μυῶν δὲ ἐν ἱερῷ χρυσὸν ἀνακείμενον διαφαγόντων μίαν οἱ ζάκοροι πάγῃ θήλειαν λαμβάνουσιν, ἡ δὲ ἐν αὐτῇ τῇ πάγῃ τεκοῦσα πέντε κατανάλωσε τὰ τρία.

τὸ δὲ πάντων μέγιστον, ἐξ ἀνεφέλου καὶ διαίθρου τοῦ περιέχοντοσ ἤχησε φωνὴ σάλπιγγοσ ὀξὺν ἀποτείνουσα καὶ θρηνώδη φθόγγον, ὥστε πάντασ ἔκφρονασ γενέσθαι καὶ καταπτῆξαι διὰ τὸ μέγεθοσ. εἶναι μὲν γὰρ ὀκτὼ τὰ σύμπαντα γένη, διαφέροντα τοῖσ βίοισ καὶ τοῖσ ἤθεσιν ἀλλήλων, ἑκάστῳ δὲ ἀφωρίσθαι χρόνων ἀριθμὸν ὑπὸ τοῦ θεοῦ συμπεραινόμενον ἐνιαυτοῦ μεγάλου περιόδῳ.

καὶ ὅταν αὕτη σχῇ τέλοσ, ἑτέρασ ἐνισταμένησ κινεῖσθαί τι σημεῖον ἐκ γῆσ ἢ οὐρανοῦ θαυμάσιον, ὡσ δῆλον εἶναι τοῖσ πεφροντικόσι τὰ τοιαῦτα καὶ μεμαθηκόσιν εὐθὺσ ὅτι καὶ τρόποισ ἄλλοισ καὶ βίοισ ἄνθρωποι χρώμενοι γεγόνασι, καὶ θεοῖσ ἧττον ἢ μᾶλλον τῶν προτέρων μέλοντεσ. τά τε γὰρ ἄλλα φασὶν ἐν τῇ τῶν γενῶν ἀμείψει λαμβάνειν μεγάλασ καινοτομίασ, καὶ τὴν μαντικὴν ποτὲ μὲν αὔξεσθαι τῇ τιμῇ καὶ κατατυγχάνειν ταῖσ προαγορεύσεσι, καθαρὰ καὶ φανερὰ σημεῖα τοῦ δαιμονίου προπέμποντοσ, αὖθισ δ’ ἐν ἑτέρῳ γένει ταπεινὰ πράττειν, αὐτοσχέδιον οὖσαν τὰ πολλὰ καὶ δι’ ἀμυδρῶν καὶ σκοτεινῶν ὀργάνων τοῦ μέλλοντοσ ἁπτομένην.

ταῦτα μὲν οὖν οἱ λογιώτατοι Τυρρηνῶν καὶ πλέον τι τῶν ἄλλων εἰδέναι δοκοῦντεσ ἐμυθολόγουν. τῆσ δὲ συγκλήτου τοῖσ μάντεσι περὶ τούτων σχολαζούσησ καὶ καθημένησ ἐν τῷ ναῷ τῆσ Ἐνυοῦσ, στρουθὸσ εἰσέπτη πάντων ὁρώντων τέττιγα φέρων τῷ στόματι, καὶ τὸ μὲν ἐκβαλὼν μέροσ αὐτοῦ κατέλιπε, τὸ δὲ ἔχων ἀπῆλθεν.

ὑφεωρῶντο δὴ στάσιν οἱ τερατοσκόποι καὶ διαφορὰν τῶν κτηματικῶν πρὸσ τὸν ἀστικὸν ὄχλον καὶ ἀγοραῖον φωνάεντα γὰρ τοῦτον εἶναι καθάπερ τέττιγα, τοὺσ δὲ χωρίτασ ἀρουραίουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Sulla, chapter 7

(플루타르코스, Sulla, chapter 7)

상위

목록

SEARCH

MENU NAVIGATION