Plutarch, Quaestiones Convivales, book 7, Τίσι μάλιστα χρηστέον ἀκροάμασι παρὰ δεῖπνον. 8:

"ὦ τᾶν, καὶ παραβάλλου λοιδορῶν ἡμᾶσ· "ἡμεῖσ γάρ ἐσμεν οἱ πρῶτοι τοῦ πράγματοσ εἰσαγομένου δυσχεράναντεσ ἐν Ῥώμῃ καὶ καθαψάμενοι τῶν ἀξιούντων Πλάτωνα διαγωγὴν ἐν οἴνῳ ποιεῖσθαι, καὶ τῶν Πλάτωνοσ διαλόγων ἐπὶ τραγήμασι καὶ μύροισ ἀκούειν διαπίνοντασ· "ὅτε, καὶ Σαπφοῦσ ἀναλεγομένησ καὶ τῶν Ἀνακρέοντοσ, ἐγὼ μοι δοκῶ καταθέσθαι τὸ ποτήριον αἰδούμενοσ. "πολλὰ δ’ εἰπεῖν ἐπιόν μοι δέδια μὴ μετὰ σπουδῆσ τινοσ οὐ παιδιᾶσ διαλέγεσθαι πρόσ σε δόξω· "ὅθεν, ὡσ ὁρᾷσ, ποτίμῳ λόγῳ ἁλμυρὰν ἀκοὴν κατακλύσαι τῷ φίλῳ Διογενιανῷ μετὰ τῆσ κύλικοσ δίδωμι.