Plutarch, Quaestiones Convivales, book 7, Τίσ ὁ παρὰ τῷ Πλάτωνι κερασβόλοσ, καὶ διὰ τί τῶν σπερμάτων ἀτεράμονα γίγνεται τὰ προσπίπτοντα τοῖσ κέρασι τῶν βοῶν. 11:

(플루타르코스, Quaestiones Convivales, book 7, Τίσ ὁ παρὰ τῷ Πλάτωνι κερασβόλοσ, καὶ διὰ τί τῶν σπερμάτων ἀτεράμονα γίγνεται τὰ προσπίπτοντα τοῖσ κέρασι τῶν βοῶν. 11:)

"φάρμακον, ᾧ πρὸσ τὸν λόγον ἐφ’ ἡμᾶσ προσάξεισ τουτονί, ἐὰν καὶ σὺ διαλύσῃσ ἔνια τῶν ἐκκειμένων. "δοκεῖ δή μοι ἡ ψυχρότησ· "τὸ ἀτέραμον ἐμποιεῖν τοῖσ τε πυροῖσ καὶ τοῖσ χέδροψι, πιέζουσα καὶ πηγνύουσα τὴν ἕξιν ἄχρι σκληρότητοσ· "ἡ δὲ θερμότησ εὐδιάλυτον καὶ μαλακόν; "ὅθεν οὐκ ὀρθῶσ οἱ λέγοντεσ ἔτοσ φέρει οὔτισ ἄρουρα τὰ καθ’ Ὁμήρου λέγουσι· "τὰ γὰρ ἔνθερμα φύσει χωρία, κρᾶσιν εὐμενῆ τοῦ ἀέροσ ἐνδιδόντοσ, ἐκφέρει μαλακωτέρουσ τοὺσ· "καρπούσ. ὅσα τοίνυν ἐκ τῆσ χειρὸσ εὐθὺσ εἰσ τὴν γῆν ἀφιέμενα ἐμπίπτει τῶν σπερμάτων, ἐνδυόμενα καὶ λοχευόμενα τῇ κρύψει μᾶλλον ἀπολαύει τῆσ ἐν τῇ γῇ θερμότητοσ καὶ ὑγρότητοσ· "τὰ δὲ προσκρούοντα τοῖσ κέρασι τῶν βοῶν οὐ τυγχάνει τῆσ ἀρίστησ καθ’ Ἡσίοδον εὐθημοσύνησ, ἀλλὰ σφαλλόμενα καὶ παρολισθαίνοντα ῥιπτομένοισ μᾶλλον ἢ σπειρομένοισ προσέοικεν ὅθεν ἢ φθείρουσιν αὐτὰ παντάπασιν αἱ ψυχρότητεσ, ἢ δύστηκτα καὶ ἄχυμα καὶ ξυλώδη τοῖσ χιτῶσι γυμνοῖσ ἐπισκήπτουσαι ποιοῦσιν. "ὁρᾷσ γὰρ ὅτι καὶ τῶν λίθων τὰ ἔγγαια καὶ ζῳόφυτα μέρη μαλακώτερα τῶν ἐπιπολῆσ ἡ ἀλέα φυλάττει· "διὸ καὶ κατορύττουσιν οἱ τεχνῖται τοὺσ ἐργασίμουσ λίθουσ, ὥσπερ ἐκπεπαινομένουσ ὑπὸ τῆσ θερμότητοσ· "οἱ δ’ ὕπαιθροι καὶ γυμνοὶ διὰ ψῦχοσ ἀντίτυποι καὶ δυσμετάβλητοι καὶ ἀτεράμονεσ ἀπαντῶσι τοῖσ ἔργοισ. "τοὺσ δὲ καρπούσ, κἂν ἐπὶ τῆσ ἅλω διαμείνωσι πλείω χρόνον ὑπαίθριοι καὶ γυμνοί, μᾶλλον ἀτεράμονασ γίγνεσθαι λέγουσι τῶν εὐθὺσ αἰρομένων. "ἐνιαχοῦ δὲ καὶ πνεῦμα λικμωμένοισ ἐπιγιγνόμενον ἀτεράμονασ ποιεῖ διὰ τὸ ψῦχοσ, ὥσπερ ἐν Φιλίπποισ τῆσ Μακεδονίασ ἱστοροῦσι· "τοῖσ δ’ ἀποκειμένοισ βοηθεῖ τὸ ἄχυρον. "οὐ δεῖ δὲ θαυμάζειν ἀκούοντασ τῶν γεωργῶν, ὅτι καὶ δυεῖν αὐλάκων παραλλήλων ἡ μὲν ἀτεράμονασ, ἡ δὲ τεράμονασ ἐκφέρει τοὺσ καρπούσ· "καὶ ὃ μέγιστόν ἐστι, τοῦ κυάμου τῶν λοβῶν οἱ μὲν τοίουσ οἱ δὲ τοίουσ, δηλονότι τοῖσ μὲν ἧττον τοῖσ δὲ μᾶλλον ἢ πνεύματοσ ψυχροῦ προσπεσόντοσ ἢ ὕδατοσ.

상위

Quaestiones Convivales

목록

일치하는 문장이 없습니다.

SEARCH

MENU NAVIGATION