헬라어 문장 검색 - Πλυταρ́Θυαεστι

(플루타르코스, Quaestiones Convivales, book 7, Πρὸσ τοὺσ ἐγκαλοῦντασ Πλάτωνι τὸ ποτὸν εἰπόντι διὰ τοῦ πνεύμονοσ ἐξιέναι. 9:)

ἐσέθηκα. "ὑφησόμεθα τοῦ Πλάτωνοσ ἐρήμην ὀφλισκάνοντοσ; ἔφην ἐγώ· "προησόμεθα γὰρ ἅμα τῷ Πλάτωνι καὶ τὸν Ὅμηρον, ὃσ τοσοῦτον ἀποδεῖ τοῦ τὸ ὑγρὸν ἀπελαύνειν καὶ ἀποστρέφειν τῆσ ἀρτηρίασ, ὥστε καὶ τὸ σιτίον ὁμοῦ συνεκβαλεῖν ἐνταῦθα. "φάρυγοσ ̔ γάρ φησιν’ ἐξέσσυτο οἶνοσ, ψωμοὶ τ’ ἀνδρόμεοι· "χωρὶσ εἰ μὴ τὸν Κύκλωπα φήσει τισ ὥσπερ ὀφθαλμὸν σχεῖν ἕνα καὶ πόρον τροφῆσ καὶ φωνῆσ τὸν αὐτόν· "ἢ τὸν φάρυγγα φήσει στόμαχον εἰρῆσθαι καὶ μὴ βρόγχον, ὥσπερ ὑπὸ πάντων καὶ πάλαι καὶ νῦν ὠνόμασται. "ταῦτα δ’ οὐκ ἀπορίᾳ μαρτύρων, ἀλλ’ ὑπὸ τῆσ ἀληθείασ ἐπηγαγόμην ἐπεὶ μάρτυρὲσ γε τῷ Πλάτωνι πολλοί τε κἀγαθοὶ πάρεισιν. "Εὔπολιν μὲν γάρ, εἰ βούλει, πάρεσ ἐν Κόλαξιν εἰπόντα πίνειν γὰρ ὁ Πρωταγόρασ ἐκέλευσ’, ἵνα πρὸ τοῦ κυνὸσ τὸν πλεύμον’ ἔκκλυστον φορῇ· "πάρεσ δὲ καὶ τὸν κομψὸν Ἐρατοσθένην λέγοντα καὶ βαθὺν ἀκρήτῳ πνεύμονα τεγγόμενοσ· "Εὐριπίδησ δὲ σαφῶσ δήπου λέγων οἶνοσ περάσασ πλευμόνων διαρροάσ δῆλόσ ἐστιν Ἐρασιστράτου βλέπων τι ὀξύτερον· "εἶδε γὰρ ὅτι σήραγγασ ὁ πλεύμων ἔχει καὶ πόροισ κατατέτρηται , δι’ ὧν τὸ ὑγρὸν διίησιν. "οὐ γὰρ τὸ πνεῦμα πόρων ἐδεῖτο πρὸσ τὴν ἐξαγωγήν, ἀλλ’ ἕνεκα τῶν ὑγρῶν καὶ τῶν τοῖσ ὑγροῖσ συμπαρολισθαινόντων γέγονεν ἠθμοειδὴσ καὶ πολύποροσ. "καὶ οὐδὲν ἧττον, ὦ μακάριε, τῷ πλεύμονι προσῆκόν ἐστιν ἢ τῷ στομάχῳ συνεκδιδόναι τὸ ἄλφιτον καὶ τὸ κρίμνον οὐδὲ γὰρ ὁ στόμαχοσ ἡμῶν λεῖοσ, ὥσ τινεσ, οὐδ’ ὀλισθηρόσ, ἀλλ’ ἔχει τραχύτητασ, αἷσ εἰκόσ ἐστι τὰ λεπτὰ καὶ μικρὰ περιπίπτοντα καὶ προσισχόμενα διαφεύγειν τὴν κατάποσιν. "ἀλλ’ οὔτε τοῦτο λέγειν οὔτ’ ἐκεῖνο καλῶσ ἔχον ἐστίν· "ἡ γὰρ φύσισ οὐκ ἐφικτὸν ἔχει τῷ λόγῳ τὸ περὶ τὰσ ἐνεργείασ εὐμήχανον· "οὐδ’ ἔστι τῶν ὀργάνων αὐτῆσ τὴν ἀκρίβειαν οἷσ χρῆται λέγω δὲ τὸ πνεῦμα καὶ τὸ θερμόν ἀξίωσ διελθεῖν. ἔτι δὴ τῶν μαρτύρων τῷ Πλάτωνι προσκαλοῦμαι Φιλιστίωνά τε τὸν Λοκρόν, εὖ μάλα παλαιὸν ἄνδρα καὶ λαμπρὸν ἀπὸ τῆσ τέχνησ ὑμῶν γενόμενον; "καὶ Ἱπποκράτη καὶ Διώξιππον τὸν Ἱπποκράτειον οὗτοι γὰρ οὐχ ἑτέραν ὁδόν, ἀλλ’ ἣν Πλάτων, ὑφηγοῦνται τοῦ πώματοσ. "ἥ γε μὴν πολυτίμητοσ ἐπιγλωττὶσ οὐκ ἔλαθε τὸν Διώξιππον, ἀλλὰ περὶ ταύτην φησὶ τὸ ὑγρὸν ἐν τῇ καταπόσει διακρινόμενον εἰσ τὴν ἀρτηρίαν ἐπιρρεῖν, τὸ δὲ σιτίον εἰσ τὸν στόμαχον ἐπικυλινδεῖσθαι καὶ τῇ μὲν ἀρτηρίᾳ τῶν ἐδωδίμων μηδὲν παρεμπίπτειν, τὸν δὲ στόμαχον ἅμα τῇ ξηρᾷ τροφῇ καὶ τῆσ ὑγρᾶσ ἀναμιγνύμενόν τι μέροσ ὑποδέχεσθαι, πιθανὸν γάρ ἐστι τὴν μὲν ἐπιγλωττίδα τῆσ ἀρτηρίασ προκεῖσθαι διάφραγμα καὶ ταμιεῖον, ὅπωσ ἀτρέμα καὶ κατ’ ὀλίγον διηθῆται τὸ ποτόν, ἀλλὰ μὴ ταχὺ μηδ’ ἄθρουν ἐπιρρακτὸν ἀποβιάζηται τὸ πνεῦμα καὶ διαταράττῃ. διὸ τοῖσ ὄρνισιν οὐ γέγονεν ἐπιγλωσσὶσ οὐδ’ ἔστιν· "οὐδὲ γὰρ σπῶντεσ οὐδὲ λάπτοντεσ, ἀλλὰ κάπτοντεσ καὶ κατ’ ὀλίγον διιέντεσ τὸ ποτὸν ἡσυχῆ τὴν ἀρτηρίαν διαίνουσι καὶ τέγγουσι. "μαρτύρων μὲν οὖν ἅλισ. "ὁ δὲ λόγοσ τῷ Πλάτωνι πρῶτον ἐκ τῆσ αἰσθήσεωσ ἔχει τὴν πίστιν. "τῆσ γὰρ ἀρτηρίασ τρωθείσησ, οὐ καταπίνεται τὸ ὑγρόν, ἀλλ’ ὥσπερ ὀχετοῦ διακοπέντοσ, ἐκπῖπτον ἔξω καὶ ἀποκρουνίζον ὁρᾶται, καίπερ ὑγιοῦσ καὶ ἀκεραίου τοῦ στομάχου μένοντοσ. "ἔπειτα πάντεσ ἴσμεν, ὅτι τοῖσ περιπλευμονικοῖσ πάθεσι δίψοσ ἕπεται περιφλεγέστατον ὑπὸ ξηρότητοσ ἢ θερμότητοσ, ἤ τινοσ ἄλλησ αἰτίασ ἅμα τῇ φλεγμονῇ τὴν ὄρεξιν ἐμποιούσησ· "ὃ δὲ τούτου μεῖζόν ἐστι τεκμήριον, ὅσοισ πλεύμων οὐκ ἐμπέφυκε τῶν ζῴων ἢ σφόδρα μικρὸσ ἐμπέφυκε, ταῦτ’ οὐ δεῖται ποτοῦ τὸ παράπαν οὐδ’ ὀρέγεται, διὰ τὸ τῶν μορίων ἑκάστῳ σύμφυτον ὑπάρχειν τὴν πρὸσ τοὔργον ἐπιθυμίαν· "οἷσ δ’ οὐκ ἔστι μόρια, μηδὲ χρείαν παρεῖναι μηδὲ προθυμίαν τῆσ δι’ αὐτῶν ἐνεργείασ. "ὅλωσ δὲ δόξει μάτην ἡ κύστισ γεγονέναι τοῖσ ἔχουσιν· "εἰ γὰρ ὁ στόμαχοσ ἅμα τῷ σιτίῳ τὸ ποτὸν ἀναλαμβάνει καὶ τῇ κοιλίᾳ παραδίδωσιν, οὐθὲν ἰδίου πόρου δεῖται τὸ περίττωμα τῆσ ὑγρᾶσ τροφῆσ, ἀλλ’ εἷσ ἀρκεῖ καὶ κοινὸσ ὥσπερ εὐδιαῖοσ ἀμφοτέροισ εἰσ ταὐτὸ διὰ ταὐτοῦ συνεισκομιζομένοισ· "νῦν δὲ χωρὶσ μὲν ἡ κύστισ γέγονε, χωρὶσ δὲ τὸ ἔντερον· "ὅτι τὸ μὲν ἐκ τοῦ πλεύμονοσ βαδίζει, τὸ δ’ ἐκ τοῦ στομάχου, διακρινόμενον εὐθὺσ · "περὶ τὴν κατάποσιν. "ὅθεν οὐδ’ ἐπιφαίνεται τῷ ὑγρῷ τοῦ ξηροῦ περιττώματοσ οὐδέν, οὔτε χρόᾳ προσεοικὸσ οὔτ’ ὀσμῇ τὸ παράπαν καίτοι φύσιν εἶχεν ἀναμιγνύμενον ἐν τῇ κοιλίᾳ καὶ ἀναδευόμενον ἀναπίμπλασθαι τῶν ἐκείνου ποιοτήτων καὶ μὴ καθαρὸν οὕτωσ ἀπηθεῖσθαι καὶ ἄχραντον. "ἀλλ’ οὐδὲ λίθοσ ἐν κοιλίᾳ πώποτε συνέστη· "καίτοι λόγον εἶχε μηδὲν ἧττον ἢ ἐν κύστει συνίστασθαι καὶ πήγνυσθαι τὸ ὑγρόν, εἴπερ εἰσ κοιλίαν ἐχώρει διὰ στομάχου πᾶν τὸ πινόμενον. "ἀλλ’ ἐοίκεν ὁ μὲν στόμαχοσ ἐκ τῆσ ἀρτηρίασ εὐθὺσ ἕλκων τοῦ παροδεύοντοσ ὑγροῦ τὸ ἱκανὸν καὶ τὸ μέτριον ἀποχρῆσθαι πρὸσ μάλαξιν καὶ χύλωσιν τῆσ τροφῆσ, διὸ μηδὲν ὑγροῦ περίττωμα ποιεῖν· "ὁ δὲ πλεύμων ὡσπερεὶ τὸ πνεῦμα καὶ τὸ ὑγρὸν ἐξ αὑτοῦ διανέμων τοῖσ δεομένοισ τὸ λοιπὸν ἐκκρίνειν εἰσ τὴν κύστιν. "εἰκότα γὰρ μακρῷ ταῦτα μᾶλλον ἐκείνων. "τὸ δ’ ἀληθὲσ ἴσωσ ἄληπτον ἔν γε τούτοισ, καὶ οὐκ ἔδει πρὸσ φιλόσοφον δόξῃ τε καὶ δυνάμει πρῶτον οὕτωσ ἀπαυθαδίσασθαι περὶ πράγματοσ ἀδήλου καὶ τοσαύτην ἀντιλογίαν ἔχοντοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Quaestiones Convivales, book 7, Πρὸσ τοὺσ ἐγκαλοῦντασ Πλάτωνι τὸ ποτὸν εἰπόντι διὰ τοῦ πνεύμονοσ ἐξιέναι. 9:

(플루타르코스, Quaestiones Convivales, book 7, Πρὸσ τοὺσ ἐγκαλοῦντασ Πλάτωνι τὸ ποτὸν εἰπόντι διὰ τοῦ πνεύμονοσ ἐξιέναι. 9:)

상위

목록

SEARCH

MENU NAVIGATION