헬라어 문장 검색 - Πλυταρ́Νονποσσ́30́

(플루타르코스, Non posse suaviter vivi secundum Epicurum, section 30)

"οὐ μὴν ἀλλὰ καὶ λέγουσιν αὑτοῖσ κακῶν ἀπαύστων καὶ ἀορίστων λυθεῖσαν ὑποψίαν ἀγαθὸν βεβαιότατον καὶ ἣδιστον ἀπολιπεῖν τὴν ἐπίνοιαν τοῦ λελύσθαι· "καὶ τοῦτο ποιεῖν τὸν Ἐπικούρου λόγον, ἱστάντα τοῦ θανάτου τὸ δέοσ ἐν τῇ διαλύσει τῆσ ψυχῆσ. εἴπερ οὖν ἥδιστόν ἐστιν ἀπαλλαγὴ προσδοκίασ κακῶν ἀπείρων, πῶσ οὐκ ἀνιαρὸν αἰωνίων ἀγαθῶν ἐλπίδοσ στερεῖσθαι καὶ τὴν ἀκροτάτην εὐδαιμονίαν ἀποβαλεῖν; "ἀγαθὸν μὲν γὰρ οὐδετέροισ ἀλλὰ πᾶσι τοῖσ οὖσι τὸ μὴ εἶναι παρὰ φύσιν καὶ ἀλλότριον· "ὧν δ’ ἀφαιρεῖ τὰ τοῦ βίου κακὰ τῷ τοῦ θανάτου κακῷ, τὸ ἀναίσθητον ἔχουσι παραμύθιον ὥσπερ ἀποδιδράσκοντεσ· "καὶ τοὐναντίον, οἷσ ἐξ, ἀγαθῶν εἰσ τὸ μηδὲν ἡ μεταβολή, φοβερώτατον ὁρῶσι τέλοσ, ἐν ᾧ παύσεται τὸ μακάριον. "οὐ γὰρ ὡσ ἀρχὴν ἑτέρου τὴν ἀναισθησίαν δέδιεν ἡ φύσισ, ἀλλ’ ὅτι τῶν παρόντων ἀγαθῶν στέρησίσ ἐστι· "τὸ γὰρ οὐ πρὸσ ἡμᾶσ παντὸσ ἀναιρέσει τοῦ ἡμετέρου γιγνόμενον ἤδη πρὸσ ἡμᾶσ ἐστι τῇ ἐπινοίᾳ· "καὶ τὸ ἀναίσθητον οὐ λυπεῖ τότε τοὺσ μὴ ὄντασ, ἀλλὰ τοὺσ ὄντασ εἰσ τὸ μὴ εἶναι βαπτομένουσ ὑπ’ αὐτοῦ καὶ μηδ’ ὣσ δυσομένουσ. "ὅθεν οὐδ’ ὁ Κέρβεροσ οὔθ’ ὁ Κωκυτὸσ ἀόριστον ἐποίησε τοῦ θανάτου τὸ δέοσ, ἀλλ’ ἡ τοῦ μὴ ὄντοσ ἀπειλή, μεταβολὴν εἰσ τὸ εἶναι πάλιν οὐκ ἔχουσα τοῖσ φθαρεῖσι δὶσ γὰρ οὐκ ἔστι γενέσθαι, δεῖ δὲ τὸν αἰῶνα μὴ εἶναι κατ’ Ἐπίκουρον. "εἰ γάρ ἐστι πέρασ τῷ εἶναι τὸ μὴ εἶναι, τοῦτο δ’ ἀπέραντον καὶ ἀμετάστατον, εὑρ́ηται κακὸν αἰώνιον ἡ τῶν ἀγαθῶν στέρησισ, ἀναισθησίαν μηδέποτε παυσομένην. "καὶ σοφώτεροσ Ἡρόδοτοσ εἰπὼν ὡσ ὁ θεὸσ γλυκὺν γεύσασ τὸν αἰῶνα φθονερὸσ ἐν αὐτῷ ὢν φαίνεται · "καὶ μάλιστα τοῖσ εὐδαιμονεῖν δοκοῦσιν, οἷσ δέλεάρ ἐστι λύπησ τὸ ἡδύ, γευομένοισ ὧν στερήσονται. "τίνα γὰρ εὐφροσύνην ἢ ἀπόλαυσιν καὶ βρυασμὸν οὐκ ἂν ἐκκρούσειε καὶ καταγάγοι ἐμπίπτουσα συνεχῶσ ἡ ἐπίνοια τῆσ ψυχῆσ, ὥσπερ εἰσ πέλαγοσ ἀχανὲσ τὸ ἄπειρον ἐκχεομένησ, τῶν ἐν ἡδονῇ τιθεμένων τὸ καλὸν καὶ μακάριον; "εἰ δὲ δὴ καὶ μετ’ ἀλγηδόνοσ, ὥσπερ Ἐπίκουροσ οἰέται, τοῖσ πλείστοισ ἀπόλλυσθαι συμβαίνει;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Non posse suaviter vivi secundum Epicurum, section 30

(플루타르코스, Non posse suaviter vivi secundum Epicurum, section 30)

상위

목록

SEARCH

MENU NAVIGATION