헬라어 문장 검색 - Πλυταρ́Νονποσσ́17́0́00́

(플루타르코스, Non posse suaviter vivi secundum Epicurum, section 17)

"καὶ τὸ ὅλον οἱ ἄνθρωποι τῆσ ἡδονῆσ τὸ μέγεθοσ, καθάπερ κέντρῳ καὶ διαστήματι, τῇ γαστρὶ περιγράφουσι· "λαμπρᾶσ δὲ καὶ βασιλικῆσ καὶ φρόνημα ποιούσησ μέγα καὶ φῶσ καὶ γαλήνην ἀληθῶσ εἰσ ἅπαντασ ἀναχεομένην χαρᾶσ οὐκ ἔστι μετασχεῖν βίον ἀνέξοδον καὶ ἀπολίτευτον καὶ ἀφιλάνθρωπον καὶ ἀνενθουσίαστον εἰσ τιμὴν καὶ χάριν ἀνελομένουσ. "οὐ γάρ τι φαῦλον ἡ ψυχὴ καὶ μικρὸν οὐδ’ ἀγεννέσ ἐστιν οὐδ’ ὥσπερ οἱ πολύποδεσ ἄχρι τῶν ἐδωδίμων ἐκτείνει τὰσ ἐπιθυμίασ, ἀλλὰ ταύτην μὲν ὀξύτατοσ ἀποκόπτει κόροσ ἀκαρὲσ ὡρ́ασ μόριον ἀκμάσασαν, τῶν δὲ πρὸσ τὸ καλὸν ὁρμῶν καὶ τὴν ἐπὶ τῷ καλῷ τιμὴν καὶ χάριν οὐκ ἔστιν αὐτῶν μέτρον ὁ τοῦ βίου χρόνοσ, ἀλλὰ τοῦ παντὸσ αἰῶνοσ ἐπιδραττόμενον τὸ φιλότιμον καὶ φιλάνθρωπον ἐξαμιλλᾶται ταῖσ πράξεσι καὶ ταῖσ χάρισιν ἡδονὰσ ἀμηχάνουσ ἐχούσαισ, ἃσ οὐδὲ φεύγοντεσ οἱ χρηστοὶ διαφεύγειν δύνανται, πανταχόθεν αὐτοῖσ ἀπαντώσασ καὶ περιεχομένασ, ὅταν εὐφραίνωσι πολλοὺσ εὐεργετοῦντεσ· "ἐρχόμενον δ’ ἀνὰ ἄστυ θεὸν ὣσ εἰσορόωσιν. "ὁ γὰρ οὕτω διαθεὶσ ἑτέρουσ, ὥστε καὶ χαίρειν καὶ γάνυσθαι καὶ ποθεῖν ἅψασθαι καὶ προσαγορεῦσαι, δῆλόσ ἐστι καὶ τυφλῷ μεγάλασ ἔχων ἐν ἑαυτῷ καὶ καρπούμενοσ ἡδονάσ, ὅθεν οὐδὲ κάμνουσιν ὠφελοῦντεσ οὐδ’ ἀπαγορεύουσιν, ἀλλὰ τοιαύτασ αὐτῶν ἀκούομεν φωνάσ πολλοῦ σε θνητοῖσ ἄξιον τίκτει πατήρ καί μήποτέ γε παυσώμεσθα δρῶντεσ εὖ βροτούσ καὶ τί δεῖ περὶ τῶν ἄκρωσ ἀγαθῶν λέγειν; "εἰ γάρ τινι τῶν μέσωσ φαύλων μέλλοντι θνήσκειν ὁ κύριοσ, ἤτοι θεὸσ ἢ βασιλεύσ, ὡρ́αν ἐπιδοίη· "μίαν, ὥστε χρησάμενον αὐτῇ πρόσ τινα καλὴν πρᾶξιν ἢ πρὸσ ἀπόλαυσιν εὐθὺσ τελευτᾶν, τίσ ἂν ἐν τῷ χρόνῳ τούτῳ βούλοιτο μᾶλλον Λαΐδι συγγενέσθαι καὶ πιεῖν οἶνον Ἀριούσιον, ἢ κτείνασ Ἀρχίαν ἐλευθερῶσαι τὰσ Θήβασ; "ἐγὼ μὲν οὐδένα νομίζω. "καὶ γὰρ τῶν μονομάχων ὁρῶ τοὺσ μὴ παντάπασι θηριώδεισ ἀλλ’ Ἕλληνασ, ὅταν εἰσιέναι μέλλωσι, προκειμένων πολλῶν ἐδεσμάτων καὶ πολυτελῶν, ἥδιον τὰ γύναια τοῖσ φίλοισ ἐν τῷ χρόνῳ τούτῳ παρακατατιθεμένουσ καὶ τοὺσ οἰκέτασ ἐλευθεροῦντασ ἢ τῇ γαστρὶ χαριζομένουσ. "ἀλλὰ καί, εἴ τι μέγα περὶ τὰσ τοῦ σώματοσ ἡδονάσ, κοινόν ἐστι δήπου τοῦτο τοῖσ πρακτικοῖσ πράγμασι· "καὶ γὰρ σῖτον ἔδουσιν καὶ πίνουσιν αἴθοπα οἶνον καὶ μετὰ φίλων ἑστιῶνται, πολὺ γ’ οἶμαι προθυμότερον ἀπὸ τῶν ἀγώνων καὶ τῶν ἔργων, ὡσ Ἀλέξανδροσ καὶ Ἀγησίλαοσ καὶ νὴ Δία Φωκίων καὶ Ἐπαμεινώνδασ, ἢ καθάπερ οὗτοι πρὸσ πῦρ ἀλειψάμενοι καὶ τοῖσ φορείοισ ἀτρέμα διασεισθέντεσ· "ἀλλὰ καταφρονοῦσι τούτων ἐν ἐκείναισ ταῖσ μείζοσιν ὄντεσ. "τί γὰρ ἂν λέγοι τισ Ἐπαμεινώνδαν, οὐκ ἐθελήσαντα δειπνεῖν, ὡσ ἑώρα πολυτελέστερον τῆσ οὐσίασ τὸ δεῖπνον, ἀλλ’ εἰπόντα πρὸσ τὸν φίλον ἐγώ σ’ ᾤμην θύειν οὐχ ὑβρίζειν; "ὅπου καὶ Ἀλέξανδροσ ἀπεώσατο τῆσ Ἄδασ τοὺσ μαγείρουσ, αὐτὸσ εἰπὼν ἔχειν ἀμείνονασ ὀψοποιούσ, πρὸσ μὲν ἄριστον τὴν νυκτοπορίαν πρὸσ δὲ δεῖπνον τὴν ὀλιγαριστίαν· "Φιλόξενον δὲ γράψαντα περὶ παίδων καλῶν, εἰ πρίηται, μικρὸν ἐδέησε τῆσ ἐπιτροπῆσ; "ἀποστῆσαι· "καίτοι τίνι μᾶλλον ἐξῆν; "ἀλλ’, ὥσπερ φησὶν Ἱπποκράτησ, δυεῖν πόνων τὸν ἥττονα ὑπὸ τοῦ μείζονοσ ἀμαυροῦσθαι, καὶ τῶν ἡδονῶν τὰσ σωματικὰσ αἱ πρακτικαὶ καὶ φιλότιμοι τῷ χαίροντι τῆσ ψυχῆσ δι’ ὑπερβολὴν καὶ μέγεθοσ ἐναφανίζουσι καὶ κατασβεννύουσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Non posse suaviter vivi secundum Epicurum, section 17

(플루타르코스, Non posse suaviter vivi secundum Epicurum, section 17)

상위

목록

SEARCH

MENU NAVIGATION