헬라어 문장 검색 - Πλυταρ́Νονποσσ́15́

(플루타르코스, Non posse suaviter vivi secundum Epicurum, section 15)

"πῶσ; εἶπεν· "οὐ γὰρ Ἀριστόδημοσ ἡμᾶσ, εἰ σὺ παντάπασιν ἀπηγόρευκασ, διαδέξεται; "πάνυ μὲν οὖν, εἶπεν ὁ Ἀριστόδημοσ, ὅταν ἀποκάμῃσ, ὥσπερ οὗτοσ·

"ἔτι δ’ ἀκμάζων, ὦ μακάριε, χρῆσαι σεαυτῷ, ὡσ μὴ δοκῇσ ἀπομαλθακίζεσθαι. "πάνυ ῥᾴδιόν ἐστι τὸ λειπόμενον·

"λείπεται δὲ τὸ πρακτικὸν ὅσασ ἡδονὰσ ἔχει διελθεῖν. αὐτοὶ δὲ δήπου λέγουσιν ὡσ τὸ εὖ ποιεῖν ἣδιόν ἐστι τοῦ εὖ πάσχειν εὖ δὲ ποιεῖν ἔστι μὲν ἀμέλει καὶ διὰ λόγων, τὸ δὲ πλεῖστον ἐν πράξει καὶ μέγιστον; "ὡσ τοὔνομα τῆσ εὐεργεσίασ ὑφηγεῖται καὶ μαρτυροῦσιν αὐτοί. μικρῷ γὰρ ἔμπροσθεν ἠκούομεν, ἔφη, τούτου λέγοντοσ, οἱάσ φωνὰσ ἀφῆκεν Ἐπίκουροσ, οἱᾶ δὲ γράμματα τοῖσ φίλοισ ἔπεμψεν, ὑμνῶν καὶ μεγαλύνων Μητρόδωρον, ὡσ ’εὖ τε καὶ νεανικῶσ ἐξ ἄστεωσ ἅλαδε κατέβη Μιθρῇ τῷ Σύρῳ βοηθήσων’ καὶ ταῦτα, πράξαντοσ οὐδὲν τότε τοῦ Μητροδώρου. "τίνασ οὖν οἰόμεθα καὶ πηλίκασ ἡδονὰσ εἶναι τὰσ Πλάτωνοσ, ὁπηνίκα Δίων ὁρμήσασ ἀπ’ αὐτοῦ κατέλυσε Διονύσιον καὶ Σικελίαν ἠλευθέρωσε; "τίνασ δ’ Ἀριστοτέλουσ, ὅτε τὴν πατρίδα κειμένην ἐν ἐδάφει πάλιν ἀνέστησε καὶ κατήγαγε τοὺσ πολίτασ; "τίνασ δὲ Θεοφράστου καὶ Φανίου τοὺσ τῆσ πατρίδοσ ἐκκοψάντων τυράννουσ; "ἰδίᾳ μὲν γὰρ ὅσοισ ἐβοήθησαν ἀνδράσιν, οὐ πυροὺσ διαπέμποντεσ οὐδ’ ἀλφίτων μέδιμνον, ὡσ Ἐπίκουροσ ἐνίοισ ἔπεμψεν, ἀλλὰ φεύγοντασ διαπραξάμενοι κατελθεῖν καὶ δεδεμένουσ λυθῆναι καὶ τέκνα καὶ γυναῖκασ ἐστερημένουσ ἀπολαβεῖν, τί ἂν λέγοι τισ ὑμῖν ἀκριβῶσ εἰδόσιν; "ἀλλὰ τὴν ἀτοπίαν οὐδὲ βουλόμενον ἔστι τἀνθρώπου παρελθεῖν, τὰσ μὲν Θεμιστοκλέουσ καὶ Μιλτιάδου πράξεισ ὑπὸ πόδασ τιθεμένου καὶ κατευτελίζοντοσ, ὑπὲρ ἑαυτοῦ δὲ ταυτὶ τοῖσ φίλοισ γράφοντοσ δαιμονίωσ τε καὶ μεγαλοπρεπῶσ ἐπεμελήθητε ἡμῶν τὰ περὶ τὴν τοῦ σίτου κομιδὴν καὶ οὐρανομήκη σημεῖα ἐνδέδειχθε τῆσ πρὸσ ἐμὲ εὐνοίασ. "ὥστ’, εἴ τισ ἐξεῖλε τὸ σιτάριον ἐκ τῆσ ἐπιστολῆσ τοῦ φιλοσόφου, δόξαν ἂν παραστῆσαι τὰ ῥήματα τῆσ χάριτοσ, ὡσ ὑπὲρ τῆσ Ἑλλάδοσ ὅλησ ἢ τοῦ δήμου τῶν Ἀθηναίων ἐλευθερωθέντοσ ἢ σωθέντοσ γραφομένησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Non posse suaviter vivi secundum Epicurum, section 15

(플루타르코스, Non posse suaviter vivi secundum Epicurum, section 15)

상위

목록

SEARCH

MENU NAVIGATION